الوالدة وحالة الصمت !!
 

السلام عليكم ورحمة الله وبركاته
الليل طويل وهمومي كثيرة عجزت انام ,,وماعاد يهمني إلاشي واحد
أمي الغالية مدري وش فيها لها فترة بس ساكتة واحس انها مو معنا
ولاصارت تطبخ زي أول ولاتسولف واحس مالها رغبة بالدنيا
كل ماقلت شي ردودها يالله العافية ويوم اشتري اغراض للبيت وافرجها
تناظرني بكل حزن ,,حتى اليوم جبت لها عباية حلفت ماتاخذها وارجعها
بحجة انها مالها حاجة بها ,,سألتها :يمه وش فيك في شي مضايقك
تقول والله مدري <<<وش تفسير مدري !؟؟
أناخايفة وماحد حاس ودي اكلم ابوي اخاف هو مزعلها ,مع انه اشوف ابوي اكثر واحد يرحمها..

يمكن امك خايفه من شي
انت عارف تمر اوقات على الانسان يخاف من اشياء
واوقات مجرد خوف من شي مجهول
ممكن بسبب قصه اثرت فيها
او شايله هم شي
لكن اللي اتوقعه اكثر انها خايفه من شي لان جتني
هالحاله وكرهت العافيه ولا ابي اكل ولا اضحك ولا اكلم احد
وودي اقعد وحدي وعدت الحمد الله اسالها انتي خايفه من شي
او بطريقه غير مباشره كانك انت خايف من سبب مجهول او من شي معين اذا هذا اللي فيها بتقولك وانا مثلك
الله يخليها لك ولا يحرمكم من بعض

حبيبتي يمكن تفكر بشي يشغلها
الله يخليها لكم ويطول بعمرها ويرزقها حسن الخاتمه

ما تشوف شر بإذن الله ، جلسه خاصه مع والدتك حاولي أن تخرجين ما في قلبها إذا عرفتي من ماذا تشكي اطرحيه هنا لعلنا نفيدك ويفيدك الأعضاء ، إذا كان الأمر بلا سبب واصرت ان ليس هنالك سبب لصمتها المفاجئ ، فاذهبوا بها فوراً لقارئ معروف بالخير يقرأ عليها ممكن أن تكون مصابه بالعين حفظها الله من كل شر

صحيح كلامك ,,هي ماقالت::بس اعتقد انه خايفة على جدتي شوي تعبانة ..
آمين ويخلي لك كل غالي ..

قلب الأم ,,الله يجزي والدينا عنا الجنة ,,آمين ويحفظك احبابك..

الشر مايجيك,,مشكلة أمي ماتحب ماتتكلم تكتم تكتم ,,وفجاءة تتعب علينا هذا الي مخوفني عليها
فعلاً هي تحتاج رقية ,لكن أبوي يرفض تروح لراقي يقول أنا ارقيها وهي تتعب كثير إذا قرى عليها تقول /اوقف احس روحي بتطلع وتتعب اكثر من أول ..ويحفظكم من كل شر..