ارجوا ان تجد لى حلا يثلج صدري يارجل الرجال(مشاكلي مع اهلي بسبب التميمه!)
 

السلام عليكم
عانيت فى فترة نفاسي من ولادة متعسرة واخطاء طبية وسوء معاملة من الممرضات طبعا كانت ولادتى قيصرية وعندما ذهبت لبيت اهلى جلست 4 ايام وتمم زوجي للطفل واحضر ثلث التميمة للاهلى ولم تعجب امى وسالتنى عن الباقي فقلت لها ثلث صدقة وثلث للبيت وذهبت ودخل على ابي يقول لى كولى تبن وما تكلمين على امك !!!!!!!!!!!!!! وانا وش قلت يعنى اذا سالت ما اجاوب وقال لزوجي ما نبي منك لحم احنا الى نعطيك مو انت الى تعطينا فقال زوجى طيب اسف اى عطيتك ثم قال لى امك تبي توزع على الجيران واحنا ما نبي الحمة فقلت للابي طيب بكيفكم هذا نصيبكم وسوى الى تبون فية وتدخل امى وتكمل تهاوش الرجال ليش ما جاب الذبيحة كاملة وصارت مشادة وانا كنت واقفة بصف زوجى لانى ما اشوفة غلط واشوف انوا مو من حق اهلى يغلطون عليه وطبعا وصفونى بالعاقة وانضربت وطلعت على المستشفي وانهرت نفسيا من تصرف اهلى لهدرجة ما لى خاطر عندهم طبعا يوم ضربتنى امي زوجي فكنى منها وتحسب عليهم
انا ما زعلت اهلى علشان الحمة الرجال جابها وامى شافتها وبس من غير تخطيط انا وش دخلنى يهبون فينى اهلى اذا الحمة ما اعجبتهم لا وانا تعبانة ووضعي مو ناقص ولو كان الاسلوب بحددود المعقول مستحيل نطلع وهم زعلانين كان راضيناهم وطلعانا لكن التهجم كان اقوى من انى اتحملة الى الضرب انضربت وانا بطنى مابعدد التئم لكن الى الان انا مستغربة من تصرف امى ما رحمتنى؟ لهدرجة الجيران اهم منى؟ وليش ابوى ايدها ؟ مع ان زوجى ما غلط يقدر يتمم وما يجيب شئ والتقسيم اصلا على امة مو امى يعنى اهلى لو ما اعترضوا ما كان بيخسروا شئ؟.
وتركتهم فترة لين تهداء النفوس وانا لين استعيد عافيتى واتصلت على ابي وطلبت مقابلته لوحدة فرفض وقال لى جيبى زوجك يعتذر بالاول عشانه تحسب عليهم
انا انهرت تترك بنتك علشان اعتذار
ابى بعد المشكله يعاملنى كالغريبه لانه يريد الاعتذار من زوجى ويضغط على انا طيب الرجال رافض
ومو بيدى كنت ابى ابين له انو ما تضرر بالموضوع احد غيري اهلى مرتاحين وعايشين حياتهم وزوجي كذالك ومو متضرر الى انا وياليتى مسوية شئ يستاهل
انا ماخذة موقف احس محد فيه امان بهالدنيا حتى اهلى باعونى بلحمة وتاركنى ما يتجاوبوا مع اتصلاتى عشان زوجى ما يبغى يعتذر والله ما راح بين الرجلين وتبهذل الى انا وشلون هنت عليهم وما يحنون ما يرحمون؟
ما يقلون بيت ضعيفة وش بيدها يعاملونى كنى رجال
وش فرق الاهل عن الاغراب؟
انا عارفة قدر اهلى وهم على راسي وعارفة انى لازم ازورهم بس لو اقدر ما تاخرت بس الى جارحنى عدم اهتمامهم عقب محاولاتة كنهم ما يبونى ارجع اكيد لو يبونى ما شدوا وعقدوا الموضوع على فكرة انا بكرهم وهم ما تعدوا الخمسين وللدى اول حفيد الله يحنن قلوبهم على وينسينى الى سواه فينى
نفسي اعرف كيف اتعامل معهم خصوصا انى ما اتحمل اى تجريح او صدمات منهم وقبل لاتصل باهلى اجلس يومين قلقانة منردة فعلهم

جزاك الله خيرا يارجل الرجال
اود مناقشتك في نقطة
اذا كانت المشكله في التميمة فقط لماذا لم يتباحثوا امرها مع زوجى فهو المسؤل والمتصرف
لماذا اهاجم واتعرض لمعامله قاسية علشان وجهة نظر؟
اهون عليهم بايعينى بلحمة!
وبخصوص وعد امى للجارات لم يحدث
والمتعارف علية بمجتمعى ان اهل ابن الابن من يوزعون التمايم وليس اهل ابن البنت
مشكلتى ليست في التميمة مشكلتى في قسوتهم على التى لم اجد لها مبرر