ممكن الجميع يدخل
 

مســــــــاء الخير جميعا
بعطيكم الاختصار
انا هنا عضوه جديده وابي منكم مساعده
وبكمل سنه زواج وابي اشتري لحبيبي هديه حلوه بس ابيها شوي غريبه
لاهنتو
الله الله بردود

السلام عليكم ورحمة الله تعالى وبركاته
أعتقد أن في عالم الرجال لايوجد ماهو غريب ، ف هدايانا محدودة وليست متوسعة كالنساء
ساعة راقية وتكون جلد ستفي بالغرض مع مسباح بنفس لون جلد الساعة
أسئل الله لكم السعادة .
كل التقدير .

والله صدق المتفائل بالله هداياهم محدوده

انا اصعب شي وقت سافرت وقت بحثت عن هديه لزوجي

اهديته مجموعة سيدي دي
لام كلثوم

انت الحب :(
انت عمري :25:
الاطلال :26:

وللصبر حدود :29::30::29:

بصراحة حلوة اهداءاتك بالذات للصبر حدود.. :d :d

كان عطيتيه مقطع.. اه من قيدك ادمى معصمي..!!

انا مره سمعت وحده اهدت نفسها لزوجها قولوا وشلون ?
انا اقولكم جابت كرتون وخلت اخوها يساعدها ويسكر عليها ويغلفه كهديه وطلع واتصلت على زوجها وقالت له تعال بسرعه جايبتلك هديه ولما فتح الهديه حصلها هي
وسمعت وحده القصه وبغت تسوي زيها ويوم اتصلت على زوجها الذكي جاب اخوياه معاه وجالس يتفشخر عليهم يقول تعالوا شوفوا زوجتي تحبني جايبه لي هديه ويوم فتحها الا زوجته قدامه واخوياه انواع الضحك
انا اقول اهدي زوجك ليله كامله يعني من المغرب الين الفجر
ابديها بعشاء على الشموع وانهيها بمايحتاج اقول واول ماتبدين الليله قولي له انا ملك ايديك هاليله وكل طلباتك مجابه واتوقع راح ينبسط لهاشي خاصه اذا كان عندكم مبزره

اتوقع الهدية ما رح يكون لها اثر بقلبه على كثر طريقة تقديمك للهدية

مثلا .. اشتري هدايا بسيطة خل نقول 12 هدية (واحدة لكل شهر) ما بين عطور وملابس واشياء مو غالية وتفنني بتخبئتهم في انحاء البيت او الغرفة واطلبي منه يبحث عنهم مع ورقة ارشادات تكتبيها له عن مكانهم وكل ما قرب اصرخي قولي حار حار واذا ابتعد قولي بارد بارد نفس لعبة الاطفال :)

فكرة ثانية اذا عندك وقت جيبي قصاصات ورق بعدد الايام التي قضيتيها معه او اي عدد كان واكتبي بكل قصاصة سبب من اسباب حبك له او ذكرى حلوة تجمعكم أو شيء حلو هو سواه وما تنسينه وحطيهم في صندوق حلو مزخرف وسوي عشاء واهديه الصندوق

فكره ثالثة احجزي اذا معك فلوس بالفندق اللي تزوجتوا فيه واذا في امكانية بنفس الغرفة واعيدي ليلة العرس بلمساتك الخاصة

الله يهنيكم