|
زوجي يخجل من طولي(وتعبت من الكعب)
بسم الله الرحمن الرحيم
في مشكلتي الاولى ذكرت لكم بأن طولي 157 وزوجي 187 طبعا واضح جدا بأن الفرق 30 سم وتقدرون تتخيلون منظرنا شلون واحنا سوا لما زوجي حاليا تقدم لخطبتي رآني عطبيعتي بس لبست كعب طوله 3 سم اتوقع هذا مايغير من طولي الكثير المهم كان وقتها نحيف يعني كان منظرنا مع بعض في تناسق ورضي فيني عطبيعتي وماكان يعلق عطولي ابداً واكيد كنت البس الكعب لما اطلع معاه بس الحين بعد سنة ونص زواج صار الوضع للأسوأ هو زاد وزنه وصار ضخم فأنا بجنبه كأني بنته مع اني مش نحيفة اذا ناظرنا المراية يتضايق من منظرنا ودايما يقول انتي صغيرة كتير قدامي دايما يطلب مني البس كعب بالبيت وهذا يضايقني كفاية برا البيت ولما نتزاعل يحكي انتي قصيرة(طبعا وقت الزعل الواحد بيحكي الي بقلبه) ومرات بيحكي كيف رضيت فيك واخذتك وانت بهالطول؟ واذا شاف اثنين مثل طولنا برا يرتاح انو في حد مثلنا وبصراحة صار الكعب يتعبني وخصوصا اني كنت مجبرة البسه أثناء الحمل والي كان يوصل طوله 10سم ومرات وقعت بسببه وصارت مشكلة ايام الحمل اني ماابغى البس كعب وهو أصر وصارت مشكلة كبيرة ومارضي يطلع بدون ما البس الكعب ومرات اذا طلعت معاه بدون كعب ماينزل معي..مثلا عندي موعد عند دكتورة يقول انزلي لوحدك والحقك بعدين بس عشان ما نمشي قدام الناس بهالشكل الي قهرني انه ماخاف عصحتي اثناء الحمل ولا عالبيبي ومافكر الا بمصلحته وخجله مني قدام الناس صرت احكيله الكعب اصلا حرام وفعلا اتصل عشيخ من وزارة الشؤون والاوقاف الاسلامية وسأله عن مدى جواز لبس الكعب قال الشيخ(لا يجوز اذا كان للزينة ولفت الانتباه،واذا مجبورة تلبسه لازم ما يكون له صوت ولا يبين يعني البس لباس طويل حتى ما يظهر الكعب) مشكلتي الان بعد الولادة انه بيستحي مني حتى مع الكعب،يبين انه في فرق شاسع بينا لان الوزن اثر عليه وصار ضخم ففعلا صرت جنبه ولا شي ويبغاني البس اطول كعب بالسوق صار في كتير نقاشات بينا بهالموضوع ودايما بحكيله انت رضيت فيني وانا هيك فبيرد وبيحكي انتي ضحكتي علي وكنتي لابسه كعب عالي وانا كما ذكرت في اول الموضوع كان طوله بس 3 سم ودايما بحاول اقنعه يعمل رجيم،وبيرد وبيحكي فعلا لازم وخلص بكرا ابدأ طبعا هذا الكلام بالليل وكلام الليل يمحوه النهار واذا قلت بيوم حسويلك تونه وسلطة يزعل مع انه متفقين على هالكلام من اول الرجيم وبيقول انتي ما تدخلي وانا حر والي اطلبه منك تسويه ولا كأنه قرر يبدأ رجيم ومشكلة الطول صارت تأثر فيني صرت اخجل مرات امشي معاه وكله بسببه فأرجو المساعدة..كيف اخليه يتقبل طولي حتى بدون ما يعمل رجيم |
فيه نوعيـة من الرجال ما تنفع معهـم الحلول الطبيعيـة لازم من الأساليب الملتويـة ... وممكن يكون زوجـك من ذا النوع
إذا كان من ذا النوع فأفضل حل أنك تزنين عليـه بسالفـة "حجمـه" وأنه ضحك عليك .. وأنك أنتي مفضوحـة من أشكالكم مع بعض .... وأنه لازم يتغير لأن ذا الشيء بيده .. بعكسك أنتي .. وإذا طلب منك تلبسيـن كعب لا تلبسيـن كعب إلا طوله 3 سم |
اقتباس:
ومرة عاندته بلبس الكعب ايام الحمل زي ما ذكرت بالموضوع وصارت مشكلة طويلة عريضة وانا مش ناقصني مشاكل الحمدلله مشاكلي كثيرة ولا تعد ولا تحصى والمشكلة لما كنت اراجع ايام الحمل عند الدكتورة كانت تقولي حراااام عليكي كيف تلبسين كعب؟بيخلي الرحم يقلب وحكتله نفس الكلام وطبعا طناش بيرد بيحكي والله !وخلاص |
والي ذكرني بأني اكتبلكم المشكلة انه بنت اخته عمرها 9 سنوات وطولها 165
وفتح السيرة قدامي اليوم فبصراحة تأثرت قلتله اصلا طول بنت اختك مش طبيعي في بنت عمرها 9 بس وطولها كذا؟ |
بالله من جدك..؟؟
يعني خلاص حياتكم مافيها غير انتي قصيرة وزوجك سمين..!! والله لو فيه عيب فهو الوزن الزائد لان الطول شيء حتمي لايمكن تغييره انا اذا بقول شي بقول الله يهديكم بس.. خلو عقولكم اكبر من كذا.. وبعدين فيه حلول غير الكعب... صحتك اهم من الشكل بالذات ايام الحمل وتري لبس الوان قاتمة يذيد من قصر الشخص كخداع بصري فاحرصي انك تلبسين الوان زاهية او الوان فاتحة ولبس الملابس بالخطوط العرضية يزيد من قصر القامة ايضا كخداع بصري فاحرصي على تجنب مثل هذه الملابس او البسي بخطوط طولية هذا مالدي ..... وفقكم الله |
اقتباس:
انا بالنسبة لي مبسوطة بطوله بس المشكلة في هو.. وبالنسبة للملابس..فعلا الاحظ لما البس اسود يقولي قصرانة اليوم واذا لون ثاني يقول طولانه بس خارج البيت شو البس؟مافي غير العباية(انا مشكلتي داخل وخارج البيت وكل يوم نفس المشكلة ونفس النكد من طرفه طبعا |
يا حبيبتي.. ماشاء الله تبارك الله زوجك هو الي طويل .. طوله قريب 190 وانتِ طولك ممتاز بالنسبة لمجتمعاتنا العربية أنا لما قرأت عنوانك .. فكرت انه طولك 145 مثلاً.. وبدال ما يقعد يقولك ألبسي كعب.. روحو على أقرب أخصائي تغذية يعني الكعب طول الوقت مضر على ضهرك وجسمك.. وكمان السمنة الزائدة مضرة ومرض في حد ذاته.. ارتفاع الضغط وأمراض القلب والسكر كلها منه.. خليكِ واثقة من نفسك قدامه ولا تخليه يعطيك احساس انك فعلاً قصيرة الله يهدي زوجك ويجمعكم على خير.. |
اقتباس:
قوليله ايوه أنا لسة في مرحلة نمو.. الله يهديكم بس حاولي تشغلي باله بأشياء تانية.. فكرة الطول معلقة في راسه :23: |
تستطيعي أن تذهبي إلى مركز لبيع الأحذية الطبية
وتطلبي تفصيل حذاء أو جزمة عالية ومتساوية وبشكل جميل وبذلك تستطيعي أن يرتفع طولك بطريقة طبية وغير مؤذية خاطرة : بعض الرجال إذا وجد زوجتة قصيرة جداً ويبدو عليها ملامح تدل على أنها أصغر من سنها .. لا يشعر بأن إمرأة كاملة معه .. بل يشعر بأن طفلة صغيرة معه |
السلام عليكم ورحمة الله وبركاته...
أنا أختي طولها 152 سم وزوجها طوله 192 سم ونفس الشيء بعد الزواج زاد وزنه بدرجة كبيرة. زوجك محتاج أن يتثقف وأن الحياة الزوجية ليست بالطول او القصر. عليك أن تقفي وقفة حازمة معه وأن تضعي حدّاً لهذه التعليقات والطلبات السخيفة (لبس الكعب العالي حتى داخل المنزل) عندما يصدر أحد تعليقاته المتعلّقة بالطول أجيبيه بهدوء: هذا طولي وأنا سعيدة وراضية بشكلي وطولي ولا أقبل أن تزعزع ثقتي بنفسي لغاية في نفسك. إن كان لديك مشكلة مع طولي فهذه مشكلتك وليست مشكلتي ولا أريد ان اسمع هذه التعليقات مرّة أخرى. أختي عليك ان تكوني حازمة بهذا الموضوع حتى تتخلّصي منه. الآن هو ينتقد طولك ما أدراك غداً ماذا سينتقد. أغلقي باب الكلام عن طولك وإرميه بالبحر. بالتوفيق ان شاء الله. |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©