فما فيها مشكلة توضحون شخصية أخوكِ لأهل خطيبته من باب وصف أطباعه وش يحب وما يحب لأنهم أكيد بيسألون عنه ما راح يعتمدون على كلامكم مو قصور فيكم بس هذا زواج ولازم يعرفون الخاطب من طق طق للسلام عليكم

وحلو يعرفون منكم بالعكس ترتفع أسهمكم لأنكم صارحتوهم ولو خبيتوا عنهم هذا تدليس وفيه غش وحطوا أنفسكم محل بنت الناس وتورطتم بخاطب الكل مدح فيه وما تطلع منه العيبة بسبب تدليس أهله ( ومن غشنا فليس منا ) وتتعذب بنتهم وكان بامكانكِ تكون سبب لدفع الأذى عن أختكِ المسلمة

وممكن تنصحين أخوكِ عن الحركات اللي يسويها يمكن يتوب واستري عليه يمكن ينصلح حاله فما في داعي تكشفين ستره لو كان عازم على التوبة فالتائب من الذنب كمن لا ذنب له وكل ابن آدم خطاء وخير الخطائين التوابون ومن ستر على مسلم ستره الله يوم القيامة

الله ييسر أمره ويوفقه وتصيرين عمة :15:

أهم شئ استخيري لو حابة تفاتحين أهل البنت طبعاً بطريقة تنبههم إنهم يسألون أكثر يمكن ما عندهم مانع يتغاضون عن بعض الأطباع الصعبة مثل البخل والعصبية ... إلخ وأهم شئ عندهم يشترون الرجال الطيب

طبعاً باستثناء الحركات اللي ما لها داعي انصحيه بينكِ وبينه بدون ما أحد يعرف من أهلكِ إنه لازم يتركها مو عشانه بيتزوج وبس بالعكس وضحي له إن هذا دين واللي يسوي كذا ممكن تكون العاقبة في أحد من أهله لأن العفاف دين والمجاهرة بالمعصية والاصرار عليها مو لصالحه إطلاقاً حتى ربي يوفقه يصلح ما بينه وبين ربه ويخلي نيته إنه يتركها لوجه الله وبيعوضه الله ببنت الحلال اللي تكفيه ويبعد عنه أولاد الحرام ومن يريد به سوء