زوجتي تغيرت كثيراً بعد الحمل ولاأعرف التصرف المناسب لذلك ؟
 

السلام عليكم ورحمة الله وبركاته

أنا عندي مشكله ولاعارف هالشي طبيعي ولا لا

أنا متزوج عن حب وكانت علاقتي بزوجتي مره كويسه والحمد لله

والان زوجتي حامل وبالشهر السادس ومن الشهرالثاني تغير كللللللللللل شي للأسف

وكثرت المشاكل بالبدايه أنا قلت طبيعي وحاولت حل المشاكل وتنازلت كثير والحمدلله عدينا

بعدها قالت مو طايقه أجلس معك أبي بروحي وبروح لاهلي

ومع الوقت صارت تطلب الطلاق مع إن مااااافي مشكله ولا شي

تقول ماكرهتك بس خلااااص أبي الطلاق

ولما أحاول أهديها وأقنعها يمكن هاللي تحسه من الوحام تقول لا

انا موعااارف كيف أتصرف ولا عارف هذا وحام ولا لا

ابي اعرف رايكم وأبي منكم مساعدتي لاني مو عارف :(

بنتظاركم .. وآسف للأطاله

أعانكـ اللهـ

ويسر أمركـ

لا أعلمـ ماذا أقول ؟

لكن ممكن تحاول تأخذ من

أخوها الأسباب وإلا من أحد من أهلها

إذا هي عندهم الآن

يمكن عندهم أمر لمـ تتنبه له

وأود أن أنبهكـ

أن تحافظ على أورادكـ

وتحاول قراءة البقرة

فأخذها بركة و تركها حسرة

عفوا ممكن تذكر طبيعة المشكلات

اللي كانت بينكمـ

وطبيعة التنازلات اللي قدمتها !

هلا أختي
أشكرك على ردك
مافي أسباب ولا شي بالعكس دااايم تردد ماقصرت معي ولكن أبي الطلاق ماأبي أرتباط

اممممممم ونوع المشاكل اللي بينا
كانت تسوي أشياء ماارضى فيها مثلا تعصي أمري بأشياء اهملتني كثير تجريح بالكلام
وتنازلاتي كنت في كل مشكله صحيح أزعل كم يوم وبعدها أرجع واتنازل وأرضيها وأقول حامل يمكن تعبانه وأعذرها

قلبي حنون

اشكرررك على ردك

والله يسمممع منك ياااارب

اخوي انا سألت ماماتي
وقلت لها اللي صاير معك
قالت عادي من الحمل وفيه حريم كثير تعرفهم صار معهم اكثر
هذا كلام مامي
لكن انا اقول خلها تجلس عند اهلها فتره تريح اعصابك واعصابها
وبعدها خذها وان شاء الله تهدى الامور بعد ما تولد
والله يوفقكم ويرزقكم طفل او طفله حلويين
ويجعله من البارين بكم

العلم عند الله .. زوجتك معها " أكتئاب حمل "
إن لم يكُن هُناك أي سبب للمشكلة ..دعها هذه الفترة .. إلى أن تلِد , و سيتبدل حالها بإذن الله ..

كل شي بيتغير بعد الولاده أن شاءالله

اصبر عليها وتحملها وتابعنا بالتطورات

وأن شاءالله خير