زوجي يسافر مع زوجته
 

السلام عليكم

ادري ضايقتكم بكثرة مشاكلي

الله يفتح عليكم وعلي



المشكلة باختصار ان زوجي راح يسافر مع زوجته لندن

وزوجته مثل ما عارفين في بيت اهلها



ومعاملته معاي من رجعنا الكويت كملنا شهرين الحين

سيئة للغاية. لا احترام لا كلام حلو

كله سب وشتم وتحقير


يعني ماكو شي يشفع حق زوجي ان يروح وانا سعيدة



ادري ان رأيي لا يقدم ولا ياخر

بس مقهورة على نفسي


للعلم هو ما قالي ولكني عرفت بطريق غير مباشر

ابي اتصرف بذكاء وحكمة


بارك الله فيكم

ياقلبي انتي
اعرفي بعد سبب السفر يمكن شي يخص بناتهم

السلام عليكم ورحمة الله وبركاته

ما هي أسباب السفر؟
هل سيأخذون البنات معهما؟
هل من إمكانية لسفرك معه إذا تطلّب الأمر ذلك؟

بالتوفيق ان شاء الله

جزا الله كل من رد علي

والله يا فاكهة السماء انا بوضع تعبانة نفسيا وراح اسقط باختبارج

سبب سفر زوجي انه يبي يساحلها يعني يسكتها يوضعان الحالي


لان هي تحن وتزن ان يطلقني فهالسفرة عشان تبطل من حنتها

طبعا هذا اللي قالي عليه

اما السبب الحقيقي فما ادري عنه

علما بان هو ما يشوفها أهني بشكل مستمر. يمكن اخر مرة كانت قبل أسبوعين او اكثر

ومن اول ما يينا الكويت وهو قالي ان احتمال يسافر معاها

واحتمال يردها ويحطها بشقة بروحها

اللي ابيه تصرفات ذكية وداهية اخليه فيها يشتاق لي وهو معاها

اختي مرجانة ما ادري اذا راح يأخذون البنات والا لا

وانا مستحيل أسافر معاهم

ليش اخلي نفسي بوضع محرج

خالتو بيتا

ترى زوجي مؤ شين بس عيبه ان مؤ قادر يفارق زوجته على سوء أخلاقها


وانا ما احس أني فاهمته عدل

وزوجي من النوع اللي راح تلفيت وتدورين معاه يعني ينفع معاه المسايس مؤ التصريح


الله يفرج همي

اختي سندريلا انا ابي عيال ما اقدر اصبر اكثر

واعتقد العيال راح يربطه فيني اكثر

مؤ معقولة راح تكون عليه سهله ان يخرب بيتين