|
لو بيدك تاليف المناهج الدراسيه........؟
بسم الله الرحمن الرحيم
السلام عليكم ورحمة الله وبركاته كتبت هذا الموضوع باحد المنتديات كنت اذاكر مادة البلاغه لان اليوم الثاني عندي اختبار والمشكله اني مفهيه فيها ولا ادري وين الله حاطني وقعدت افكر بالله وش الفايده منها وش بستفيد من استعاره مكنيه ومدري ايش وكتبت هذا الموضوع للنقاش وكانت ردود الاعضاء قمه في الابداع اللي طير نص المواد وفعلا اضافوا مواد شي المفروض تدرس بدل المواد السامجه نخش بالموضوع من المعروف ان لكل نظام تعليمي في العالم قوانين وانظمه ومواد علميه تدرس وبشكل خاص في السعوديه لانها محور الحديث المواد التي تدرس في السعوديه الرياضيات:مسائل ومعادلات الفيزياء:خواص فيزيائيه والتكثف الاحياء:النبات والحيوان الكيمياء:الرموز والصيغ الادب :البحتري والمتنبي والشرح البلاغه: الاغراض البلاغيه والمسرحيه النحو: المشتقات والافعال الخمسه المكتبه: الفهرس وطرق البحث الجغرافيا:السطح والتضاريس التاريخ: الدوله الامويه والعباسيه وغيررررررررها كثييير لم يتم ذكره باستثاء مواد الدين لانها اكيد بتكون نافعه من وجهة نظرك هل هذه المواد تفيد الطالب في حياته العمليه والمستقبليه ام انها مجرد مواد والسلام؟ خصوصا وان الطالب يحفظ الماده يوم الاختبار وبعدها لا يفقه فيها شيء الا القليل لو وضع بيدك تأليف المناهج ماهي المواد التي ستحذفها مما يدرس حاليا؟ ليس من ناحية كرهك للماده وانما من ناحية الانفع والافضل هل ستضيف مواد جديده غير الموجوده وماذا سيكون محتواها؟ بقلمي.... |
هلا حبيبتي موضوووعك راائع وان شاءلله بتلاقي التفاعل من الجميع ,’~
باين عليكي تدرسي في الثانوي أدبي صح !! :) شوفي ياعسل أنا دااايماً كنت اسوي زيك واقول ايش الفايده من البلاغه!! بتنفعنا في حياتنا!! وايش لزمة الرياضيات ندرسوو كفاااية الضرب والجمع والقسمه وخلاااس مو لآزم كل شي ,’~ لكن الأن اتضحلي الحمدلله ان لكل مادة ندرسها لها فاااااايده كبيره صدقيني ,’~ عمرهم ماحطولك المنهج عشان يتعبووكي وتخرجي من غير فايده ,’ّ~ البلاغه : أساس تعلمه لأجل القرااان الكريم .. كيف ؟ (( البلاغة او علم البيان و البديع هو علم من علوم القرآن والجامع بينها هو البحث عن المعاني واستخراجها من كتاب الله وكل علم له زاوية خاصة ينظر منها الى كتاب الله و يفوز من خلالها بالمعنى )) . وأما الفيزياء والكيمياء أخواااان ,’~فالبعض من الطلبة والتلاميذ لديهم حب الاختراع والاستكشاااف وغيره كيف يقدرو يخترعو شي من غير مايدخلو الفيزيا والكيميا في الموضوع؟ وشووفي نحنا ندرس مادة اسمها "عناية بالملابس" نستخدم المواد الكيميائية لازالة بعض البقع المستعصيه .. وأما التاريخ والجغرافيا : هي حلوة ومفيده لكن في دروس مررررا مالها داعي ومالها فايده كبيره في النفس .. لكن الحلو في التاريخ ان بعض الدروس تتحدث عن حياة الرسول صلى الله عليه وسلم والخلفاء الراشدين وزوجات النبي عليه الصلاة والسلام . وايضاً الملوووك وحياتهم دآآ يللي حلو ,’~ أما العصر العباسي والامووي أحس لو يعطونا نبذه بسيطه عنو يكون افضضضل .. من الكلام الكتير والدش . وشكرررا حبيبتي ولآ تحرمينا من مواضيعك =) |
خخخ تخرجت السنه اللي طافت منها
وكنت ادبي بس يختي اكره المواد ذي مو داخله راسي يعني البلاغه ما اطيقها ولا استوعبها لو ايش ممكن تكون مفيده من ناحية القران طيب والادب وش حشر اهلي ادرس ابيات اكل وشرب عليها الدهر والرياضيات يعني بالله بحاسب احد بروح اجيب الجتا والظتا في الحساب ؟؟؟ طيب خلاص الا بيدرسونها لاتحشر كل الطلاب فيها ولازم يمرون عليها غصب يخلونها تخصصات زي الجامعات يعني من اولى ابتدائي لحد الثانوي مواد مفيده للطالب بحياته لغات والانقلش يحطونه باسلوب حلو مو زي اللحين يسد الرزق واشياء تنفع بالحياه وبالجامعه عاد اللي يبي العنا يروح له فيزياء وكيمياء وبقية القرووب شاكره مرورك خيتؤؤؤؤ |
بحكم تخصصي عربي بالعكس أشوف مواد العربي كلها مهمة ومفيدة وخاصة في الكتابة والتعبير عن خلجات النفس والعواطف والشعر
سأؤضيف التركيز على الجانب العملي أكثر من النظري وخاصة المواد العلمية وتهيئة ورش عمل والنزول إلى الميدان وزيارة بعض الورشة للإستفادة والتطبيق نفسي نقضي على شي اسمة اجنبي بالسعودية.. السعودين والله عندهم طاقات هائلة وأفكار بس للأسف ماوجدت البيئة اللي تنميها وفية دراسة سمعتها لست متأكد من مدى صحتها وهي أن المواطن السعودي أذكى من الياباني بس الياباني استفاد من كل وقته ويعمل ويطبق أكثر من أنه يحفظ ويقرأ تقبلي وجهة نظري |
اول شي الله يعطيك مليون عافيه على الموضوع وبصراحه قبل مده كنت اناقش الموضوع مع اختى واكتشفنا اكتشاف خطير ان ماده التاريح لرابع ابتدائي نفس الدروس هي نفسها ل1 متوسط لاولادها طبعا من وجهة نظرك هل هذه المواد تفيد الطالب في حياته صراحه انا مع الدراسه مواد تعلم امور الدين والكتابه والرياضيات فقط لمده 3 سنوات فقطالعمليه والمستقبليه ام انها مجرد مواد والسلام؟ و وضع بيدك تأليف المناهج ماهي المواد التي ستحذفها مما يدرس حاليا؟ كل المواد ماعدى الدين والقراءه والرياضيات هل ستضيف مواد جديده غير الموجوده وماذا سيكون محتواها؟ ماده اسمها الحياه ودروسها اتمنى اني مشاركتي بالموضوع اسعدتك ياعسل. |
المتفائل2008
عندنا طاقات هاااااائله وافكار ما يستهان بها لكن عندنا اغلاط كثيره لازم نتعداها عشان نقدر نثبت تفوقنا مافي شي يساعد المناهج والله ما تنفع مجرد كلام عن احداث ماضيه وعصور قديمه احنا مالنا علاقه فيها ممكن نقراها لمجرد ثقافه لكن تفرض علينا كذا طيب وين الاشياء اللي تفيد بالمستقبل ؟ واغلب الاهالي يحطم الابناء ولا يحتضن موهبتهم او ما يوفر له الاشياء اللي تساعده اخاف يرجع كله كوم والتاريخ كوم والله انه شي من رابع لحد الثانوي تكرار اللهم بتوسع وخرابيط زايده الله يرحمهم ولو وش لنا فيهم ندرس تاريخ الرسول والصحابه لكن بقية الدش ليه |
مهيب المشكلة بالمادة المشكلة بالكلام المكتوب هل هو صحيح فعلاً ؟ يعني مثلاً التاريخ جميل كمادة لكن هل في مصداقية ؟ خالتي تقول استغربت جدّا من معلومة في مادة الدين كانت تدرسها لولدها لإن هي درستها بطريقة ثانية يعني صار في تصحيح للمعلومة على زمن ولدها وعلى وقتها كان في مغالطة . إذا ما استبعد وجود المغلطات في الكتاب لكن المادة نفسها بنظري ولا مادة هيّنة كلها لها فائدتها . لو بيدي شي .. أصحح المناهج ما ألغي منها لإن كلها بنظري مهمّة << وحدة تحب الدراسة :d. |
أنا أشووف المود كلها مفيدهـ خصوصاً اللغة العربيه..أموت عليها والإنجلش بعد حلو
وأكييييد إذا تركنا الكسل بنستفيد من كل اللي درسناهـ لو كنت مسئوله كنت راح ألغي مادة الفلسفــة بكبرها..( متعبه جدا جدا ) وأكثف كتاب علم النفس..والإحصاء ألغيييه وجودهـ ماله داعي مشكووورهـ ع الطرح الحلو..,,, |
حياااااك الله ياحطمووك
شووفي ياقلبي انا في الثانوي كان تخصصي علمي وبتكلم عن نفسي من جد فيه مواد كثيره استفدت منه المواد العلميه بالمرررره رووووووعه يعني مادة الاحياء فهمتني طبيعة النباتات لآني انا مهوووسه بالورد فهمت تكويناتها ووضائفها ،تربتها ،واشيااء كثيره الكيمياء والفيزياء والرياضيات جداااا ممتعه ،، >>>انا هذي ووجهة نظري وشااااكره لك الطرح الجميل |
لو كان لي أمر على المناهج لكثفت الدروس الدينيه وجعلتها أكثر فهماً ووضوحاَ واهتميت فيها أكثر وأكثر ، لأننا بلد مهبط الوحي ولابد على الطالب والطالبه ان يخرج من التعليم العام وهو يعلم العقيده الصحيحه ويعلم كيفكة استخراج الاحاديث ويعلم تفاسير الآيات ويعرف قراءة القرآن الصحيحه ،وأن تكون هذه المناهج مؤثره في قلبه ، بعد ذالك يأتي الإهتمام بمواد اللغه العربيه فبعض الطلاب للأسف يتخرج من الجامعه لايعرف يقرأ جيداً ولا يعرف الكتابه والإملاء ، بعد ذالك اللغه الإنجليزيه
لكن المشكله لدينا ليست بالمناهج كثر ما المشكله في بعض المعلمين ، ولو تكلمت عن بعض المعلمين لما كفاني هذا الموضوع كل الشكر لصاحب الموضوع |
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©