|
الاتصالات اثناء فتره الملكه
السلام عليكم
اخواني واخواتي طبعا ودي ان استفيد من ارائكم واستشارتكم وتكون موضع نقاش وحوار يعلم الجميع بدايه فتره الملكه بعد العقد وبعد اول زياره كيف يكون الشخص متحمس ومتلهف للمكالمات وانا الصرااحه قد تكون فتره بين عقد النكاح والزواج حوالي 8-10 شهور والصراحه اني متخوف كثيرا وماودي اكثر مكالمات حتى لانمل من بعض لا سمح الله وفي نفس الوقت يعني ودي اخلي المكالمات اسبوعيه ومن الصعب ان اصبر وخايف اكون مجحف فاشيروا علي باركم الله فيكم واش ارائكم حول موضوع الاتصالات وشكرا |
مرة بالاسبوع جدا رائع
والاحسن تكون مكالمة استكشاف فكر وشخصية من جهتك وجهتها بدل ما تكون كلها غزل ! لاحقين عليه ولو تقدر تقصر الفترة يكون احسن الله ييسر امورك يارب ويجعلكم قرة اعين لبعض |
كيف يعني اقصر الفتره
اذا كان قصدك فتره الملكه فيعلم الله اني ماكان ودي اخليها اكثر من 3-4 شهور لكن الحمد لله على كل حال ماكل مايطلبه المرء يدركه .....وتاتي الرياح بمالاتشتهي السفن ياريت ياخوان اذا احد طولت فتره الملكه تبعه سواء شاب او فتاه ان يقولنا السلبيات حتى نتحرص منها والايجابيات حتى اتصبر واسلي نفسي بها ولكم جزيل الشكر والتقدير ودمتم بخير وفي حفظ الرحمن وشكرا |
من ناحيتي اشوف المكالمات عاديه جدا
وحتى لو تكلم يوميا مافيها شي وعلى فكره المكالمات اوقات تكون نعمه عشان تتعرف اكثر على الشخص اللي بيرتبط فيك وتشوف اذا تقدر تستمر معه او لا بالنسبه لي اؤؤيدها بشدة لان لو الله ثم هالمكالمات ما كان عرفت خطيبي ولحقت على عمري قبل لا اطيح صدق وجهة نظررر |
انت اقدم ع الموضوع وشوف وش يطلع معك
يمكن تتعلق وتتوله ومهما نصحناك بتصير 24 *24 معاها ويمكن العكس, تكونون رسمييمن وماتدخلون في بعض كثير وبالتالي تصبح المكالمات اقل تلقائياً |
حطموك قلبي
الكلام اللي قلتي عليه عين العقل وجيتي على الجرح لان المشكله تعرف وتنتهي في فتره الملكه افضل بكثير من ان لاتعلم وتظل موجوده وتجنى ثمارها بعد الزواج ومااسواها من ثمار وعموما نسال الله التوفيق والسداد |
خليك زي ما انتا يا اخي الكريم
لا تخطط للمكالمه ولا لاوقاتها خليها عفووووووية زي ماتجي تجي فترة الخطوبة احلى واجمل ايام العمررر ليش نخلي حواجز بيننا وبين شريك حياتنا ؟ عادي كلمها وانبسط وحتى لو سارت حزازيات بينكم الامر جداً طبيعي راح تتصالحو وترجعو احسن من اول (( الله لا يجيب لكم ولنا الشر والمكروه يارب )) . وعلى انو راح تمل منك او تمل منها دآآ كلو على حسب كلامكم ونوعو يعني لو مثلاُ كلمتها وهيا ساكت وانتا ساكت !! أكييييد بتملوو وحتطفشوو أما لو كل شخص اتكلم واتحاور وقال يللي بنفسو بطريقه حلوة ولايقه ما اعتقد انو بيكون في ملل ,’~ والله يوفقكم ويتمم لكم على خير =) |
عليكم السلام.
انا لا اؤيد كترة المكالمات لانها تجلب الكتير من المشاكل وسوء التفاهم. اكلمك عن تجربة لان محدتتك فسخت خطوبتها بسبب كترة المكالمات وبالتالي كترة الحساسيات وسوء التفاهم. |
أنا ملكتي ستستمر ثلاث سنوآت إن شاء الله
اخذت احتيآطاتي طبعآ لتفــآدي الملل ونجحت الحمدلله وهــذه بعض الطرق بإمكــآنك الإستفاده منهآ: اتفقت معه على يوم محدد في الاسبوع نتكلم فيه ونلتزم به قد يطول أو يقصر (تلك المكآلمة استغلها تماما في اكتشاف شخصيته وطريقة تفكيرة وتعامله مع النآس..) (قد يتخلل الاسبوع بعض الاتصالات الخفيفة القصيرة لسؤال عن الحآل او التعبير عن الإشتياق) بالنسبة لرسآئل الجوال فهي بدون قيود قد ارسل اليوم خمسا وغدا عشرين وبعده لآشيء! ..و هكذا من نآحية الزيآرات وبمآ أن ملكتك طويلة أنصحك أن تجعلها مرة كل شهر ( اغلب الفتيآت لآيحبذن الزيارات الكثيرة والمتوالية -وإن اظهرت اشتياقها لرؤيتك - لأنها ستبذل مجهود كبير في كل زيارة من نآحية اللبس وتحضير الوجبات , وقد يتضايق اهلها من زياراتك الدآئمة) انبرآشة: بآرك الله في من زار وخفف :d في الأخير انصحك نصيحتين سمعتها اليوم من مختص: 1- ادرس نفسية المرأة بصفة عــآمة 2- ادرس شخصية خطيبتك بصفة خآصة والله يوفقكم بحياتكم وجميع المسلمين (= . |
أنا أؤيد وبشدة المكالمات في فترة الملكة... المرأة إنسان عاطفي بالدرجة الأولى.. يعني مرة كل ثلاث أيام حلوة كثييير... عن تجربة أنا مملكة وزوجي لا يتصل كثيرا مما يجعلني عصبية وأحس بجرح كبيييير :(... الله يكون في عون الزوجة التي لا يتصل بها زوجها...:21:
|
| الساعة الآن 07:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©