انزيم الكبد ووقت الولاده ..محتاجه الرد جدا جزاك الله خيرا يا دكتور
 

السلام عليكم يا دكتور
انا فى الاسبوع ال36 وبدأت اول يوم فى التاسع من يوم 26_ 12 _2011
وعندى حكه وهرش والدكتور قالى انى عندى حساسيه الحمل ودى بسبب زياده أنزيم فى الكبد بيزيد فى الحمل فقط ,لازم اولد فى اول الشهر التاسع
بكره يوم 1-1- 2012 ده اخر يوم فى الاسبوع الاول من الشهر التاسع ..المفروض أولد امتى يا دكتور ؟؟؟؟؟؟؟
انا خايفه جدا على البيبى ,,ولحد دلوقتى الحمد لله والشكر الحركه كويسه وبحسها كتير ,,,وأخدت أبر الكرتيزون من أسبوع ,,أخدت 3 حقن يتاخدوا كل 12 ساعه حقنه ,,يعنى المفروض دلوقتى رئه البيبى بقت تمام ..
عاوزه اسأل حضرتك المفروض امتى اولد ,, ولحد أمتى أمان انى اولد ؟؟يعنى فى خلال أسبوع او اكتر مثلا او أقل ,,,ياريت تفيدنى يا دكتور ,,لانى بجد قلقانه على البيبى ...وشكرا لحضرتك وجزاك الله كل خير

ممكن نولدك على طول دلوقت مافيش داعي للإنتظار خصوصا عمر البيبي مناسب جدا وان شاء الله تقومي بالسلامة

دكتور لو سمحت أنهرده كان عندي متابعه و الدكتور حددلي يوم 6_1 يوم الجمعه الجاي للولاده .وأنا التاسع بدأ معايا26_ 12يعني الولاده بعد 10 أيام من التاسع فهل الوقت ده آمن علي البيبي ولا المفروض أولد قبل معلش يا د.بس أنا قلقانه قوي علي البيبي ومش فاهمه وجهه نظر الدكتور أني أستني ليوم الجمعه.. ياريت تطمني يا دكتور و تقولي رأيك جزاك الله خير

ايوة امن جدا على البيبي ماتقلقيش وتقومي بالسلامة

جزاك الله خير يا دكتور ..ماتعرفش حضرتك طمنتنى أد ايه ,,لانى كنت أعده على أعصابى والدكتور مابيدينيش فرصه أسأل ,,وانا كمان عارفه الحاله دى وانها ممكن تكون خطر على البيبى فى وقت معين
شكرا جدا يا دكتور على اهتمامك ,,وربنا يجعله فى ميزان حسناتك بأذن الله