|
ساعدوني ارجوكم على وشك الانهيار
بسم الله الرحمن الرحيم
السلام عليكم ورحمة الله وبركاته انا توي مشتركة جديده بهالمنتدى وان شاء الله تكون بداية خير فيما بيننا ابدأقصتي .....عمري 26 سنه الله وهبني جمال الخلق قبل جمال الوجه ولله الحمد ومحبوبه من الجميع ومحسوده من كثير من الناس كنت متزوجه وربي ماكتب اني اكمل معه تزوجت الان قبل 5شهر من رجل وعدني بتحقيق احلامي وعدني يكون ديمقراطي بتفكيره معاي لاني اتفقت معاه على التفكير الايجابي والحياه بدون تعقيدات او مشاكل (((ملاحظه)))متزوج من اول وهي غير متواجده بنفس المدينه اللي انا فيها اول شهرين كانت حلوه بحياتي بعدها انقلب كل شي بدأ يغيب عني ويسافر كل اسبوعين يجلس اسبوع مسافر بعدين يرجعلي تغيرت معاملته معاي ماصار يحبني مثل اول ولايهتم فيني حتى العلاقه الجنسيه شبه معدومه على فكره هو اسمر البشره وانا مااحسسه بالفرق اللي ببيننا بكل شي ولو سالته يقول شغل واعمال ولو اتصلت عليه مايرد علي هاملني بمعنى كلمة اهمال ولابدا يتغير الايوم نصحته انه يرجع زوجته لاجل اطفاله بالله يجازيني بالهجران ولايمشيني ولايعطيني فلوس حتى الجنس فين وفين كنت حامل منه وسقط الجنين لاني دعيت ربي اذا هالحمل بيذلني انه الله ياخذه والحمدلله ربي استجاب ذقت الويل منه دايم مشغول دايم تعبان هذه 5شهور مابالكم لو هي سنه وش بيسوي ؟؟ بالله عليكم هذا يكون جزاتي وانا عزيته من قلبي وهو يحلف انه يحبني اللي يحب يسوي كذا؟؟ لاسافر يجلس باليومين مايتصل علي ولايسال وش رايكم بالله ولو سافر يخليلي 300ريال مصروف بس انا اسكت مابي اثقل عليه والله اني ادور سعادته بس للاسف كم مره ناقشته ويقول انا مومتغير طيب وش هذااللي اشوفه انا الان افكر بالطلاق وكرهته من قلبي وصرت اطنشه متعمده بشوف يسأل بس للاسف لاحياة لمن تنادي ابي احلولكم الله يسعدكم ساعدوني لاني خلاص تعبت نفسيا وسقوط الجنين هو سببه لاني ارهقت نفسي مومتعمده ولااكلت طول 3ايم انتظر ردودكم... |
اول شي حرام تزهقين نفس بغير حق
حرام طفل تذبحينه عشانه مايسأل عنك ؟ والشي الثاني الفلوس والامور الاخرى حق من حقوقك وغصبن عه لازم يوفرها لك بنسبه للفلوس كلمي اهلك بلموضوع يكلمونه الرجال ويشدون عليه وينضبط بنسبه للأمور الزوجيه اتوقع لو ارستلي له رساله وبيتي له تقصيره الزوجي راح يتعدل ولو مافاد // فيه شي اسمه قضاء |
للاسف انتي نزوه في حياته
جات فتره احتاج لك ويمكن ايضا رح يجي وقت يحتاج لك ويرجع لك هو فعلا يحبك ولكن مشاغله وبيته الثاني والارتباطات العائليه تطغى على تفكيره وهو يحبك فعلا ولكن عليكي بالآتي وبما انه غائب صلي واسجدي للرحمن الرحيم وادعيه ان يرد لك زوجك لا انصحك بالطلاق ولكن انصحك بالدعاء وهو اقول وقت يعود لك يكون جسده منك من التعب ودور الرراحه وانتي تنتظريه لتخرجي وليعوضك عن فترة انتظاره وشوقك له بالبدايه وقت يوصل احتويه نفسيااااااااااااا قبل ان يحتويكي جسدياااااااااااا دعيه ينام ووقت توقظيه مساااااااااااج واكلات يحبها من يديكي مغذيه له |
اقتباس:
انا مع هذا الرد البارع>>> من خالتنا البارعه |
الله يفرج همك ويصلح زوجك اوصيك بالصبر والدعاء لا تفكري بالطلاق فكري بحلول أخرى |
اقتباس:
انا والله ماازهقت نفس هو طاح من ربنا انا ماازهقت نفس والله اما ناقشته بتقصيره يقوللي انا مومتغير وانا مومقصر تعبني والله العظيم اخر شي يتهمني الان اني انا ارسلت بنت تتصل عليه على اساس اني شاكه فيه وانا والله مظلومه ويجلس يصيح علي امام صاحبه |
اقتباس:
مشكوره ياقلبي |
اقتباس:
واللعه اني ادعي وادعي واملي بالله كبير حياتي صارت كئيبه ولو طلبت منه شي مثلا ابي فلوس لازم يحقق معاي وش تبين فيها انا بصراحه مليت خلاص مليت من جد ومعترف انه انا مومقصره معه في شي وش معنى يسوي كذا ترى مالي 6شهور متزوجه |
شوفي اختي ممكن تكلمين رجل من اهلك اخوانك ابوكي عمامك. ويجمعونك بزوجك. وتقولين قدامهم وقدامه كل الي مظايقك منه يانه يحسن معاملته معك اذا يبي يحفظ بيتك. ولى مع السلامه.
|
اقتباس:
ولو قلت لاهلي بيقولوا انتي اخترتي هذااختيارك وقالوها كذا مره لي انا تعبت وربي اني الان ابكي وادعي ربي من قلبي انه يفكني منه واتطلق احس اني انذليت معه بجد وربي مايستاهلني ولايستاهل اهتمامي فيه الان تدري وش صار الان ؟؟ امس كلمته قال انه مع رجال قال انا الصباح اكلمك تخيلوا انتظره من امس الين اليوم الين هالوقت اخر شي يقوللي كنت نايم توني صاحي ويصرخ علي قدام صاحبه ويقول انا موحديد والان عندي رجاجيل يقوللي انتي وش همك جالسه في البيت ماتسوين شي انا اللي اتعب اوك الله يعطيك العافيه بس ماكنت كذا احس اني مااعنيله شي اخر حاجه قالها انتي ماتعلمتي تحترمين الزوج بالله هذا يرضي من قلتله الف مره يطلقني موراضي والان يوم قلتله بروح بيت اهلي قالي مع الف سلامه الله يحرق قلبه مثل ماحرق قلبي الله يذله مثل ماذلني اللهم انك تسمع وترى فاحكم فيما ترى |
| الساعة الآن 02:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©