|
مواقف مع والدتي .. وأنتوا أحكموا
السلام عليكم سأذكر لكم مواقف مع والدتي .. وأنتوا أحكموا والله فيني ضيقة من أمي أمي وايد اتفرق بيننا انا وإخوني واخواتي أنا والله يهمني أمرها ،، أهم شيء عندي رضاها أنا مطلقة ومالي غير اعيالي وأمي ساكنة بين إخواني .. وانا ساكنة بالشقة أنا وولدي بس وبناتي قاعدين عند أمي وكل يوم أروح لهم وأشوفهم وأخذهم ولبي طلباتهم لكن إذا أمي طلبت شيء .. أكنسل طلبات بناتي علشان أمي وبناتي ما يجون شقتي لأن ما عندي نت ، والمدرسة تطالبهم بالكثير واجبات وبحوث لذلك قاعدين عند أمي موقف 1 مرة أمي أخذت عنهم مفتاح غرفة البنات.. وهي غرفة النوم .. في بعض الأحيان يجي اخوي ويدخل على بنتي وهي نايمة ,, في يوم من الأيام .. أمي راحت بيت أختي .. وأنا أتصلت لها وقلت لها أبي غرفة نومج على أرتاح ، فقالت لي فوق على الرف أخذيه جزاها الله خير ما قصرت وبعد قليل جاتني بنتي الكبيرة وقالت لي يمة آبي مفتاح الغرفة ، بحثت عن مفتاح غرفتهم وعطيتها إياه وقلت لبنتي لا تنسين ترجعينها على أمي ... وبعدين طلعت ورحت شقتي مر يوم ويومين وأمي ما اتصلت غريبة ..؟؟ اتصلت عليها لأسلم عليها قالت لي أنا زعلانة منج وبس .. ورحت لشقتي وانا متضايقة |
موقف 2 وانا أسوق السيارة .. اتصلت لها وسلمت عليها قلت لها آبي خدامتج اشوي قالت لي اخذيها ويوم وصلت سلمت عليها وخالتي كانت موجودة وحبيتهم على راسهم قالت لي أمي أنا زعلانة عليج بصراحة أنا أستحيت أخذ الخدامة وهي عندها خالتي ، قلت خلاص أنا باطلع عندي أشغال وايد خلاص ما ابيها الخدامة بس بصراحة رحت الشقة وانا متضايقة ، ما أني ما قصرت معاها كل يوم أتصل لها إذا تبي شيء أو حاجة ساعات أكون بالجمعية فأقول لها انا بالجمعية آجيب لج شيء يا يمة ؟ والله العظيم يا إخوان / واخوات مرة اتصلت لها أقول لها : اشلونج يا يمة ؟ قالت لي : وش تبين ..؟؟ لما أختي الصغرى تتصل أو أحد بناتها وأنا أسمعها ترحب بهم من أحسن ما يكون كلام يقطر عسل ومع هذا وأنا أسمعها وابتسم لها وتقعد تدعي لها بالدعاء الطيب وانا لما أوديها وأجيبها وآسوي لها كل شيء ساعات تقول لي جزاج الله خير وساعات تنزل وما تقول لي الله يحفظها :( |
موقف 3 والله يا إخواني / أخواتي ما كان يمشيء لها راتب غير 2000 خليتهم يعطونها راتب 4500 بعد ما طلعت روحي والله العظيم كل يوم من وزارة إلى وزارة ورجلي مكسورة وألبس جهاز طبي في البداية قالت لي أنتي تعبتي وراكضتي خلاص انا لي 1000 وانتي لج 3500 باحطه في حسابج ، قلت لها : لا يمة الراتب كله لج ما ابي منج شيء ،، إذا احتجت باقول لج ، ، ما ابي غير إنج تدعين لنا بالخير انا واعيالي لكن والله العظيم تدعي عليهم بالشر ما سمعت منها شيء واتسب اعيالي الله يسامحها |
بناتج خليهم عندج واذا يبون النت روحي وديهم يخلصون شغلهم ويرجعون وياج
والله الحال من بعضه امي كل يوم تسمني بكلام ما تتحمله جبال |
ياقلبي بعض الامهات على نياتها
واي كلام ينقال تصدقه ممكن احد قاعد يتكلم عليك عندها وهي تأثرت وصارت تسمعك كلام ماله داعي لازم تسايرينها واحتسبي الاجر عند الله ومالك الا الصبر والدعاء وبناتك لا يقعدون عندها على طول اذا مره كونيكت وانتهى الموضوع والله يحنن قلبها عليك ويرزقك برها ورضاها |
ماشاء الله على نوعيتك صدقينى هذا اختبار لك من رب العالمين ترى الجنة مو سهلة
|
الله يكون في عونك وحاولي بقدر ما تستطيعين ارضاءها ولا تنسين ان لك اجر بذالك والصبر مفتاح الفرج مهما حصل منها
|
مهما كان هذي امك والجنه تحت اقدمهاا وانشاء تاخذين اجررر على الكل سوته
ماشاءلله عليك انتي مقصرتي خاصه يوم تخلينهم يزدون الراتب طب بسالك بناتك ليش ماتخليهم عندك وجيبو كونكت او خليهم يروحون لامك الين يخلصون واجباتهم احس البنات لازم يكونون قريبن عند امهم اكثر |
, , , قدآمج بــس !! صدقيني إنها من دآخلها تودج ، ثقي بالله ، واحتسبي الأجر في نفعها ، وكل ما إييج منها شي اصبري ، علها تكفيرة ذنب ولا زيـآدة في الأجر ، فقــط ثقي بالله |
كل ما الواحد كبر بالعمر يصير ما يتحمل الأطفال ودوشتهم .. ربت وتحملت أطفالها الى ان كبروا وخلص .. تنتهي القدرة على تحملهم .. مهما كانوا هاديين مسؤوليتهم عبء كافي .
كونك مطلقة وكونك تعتمدي عليها بأمور كثيرة يخليها تحس انها لا زالت مسؤولة عندك ولا زلتِ عبء عليها .. حتى لو أنتِ عملتِ لها امور وقمت بمساعدتها فهذا واجب عليك كونك بنتها .وأكيد انه اخواتك يساعدوها أيضا ومو شرط تعرفي عنهم . اطلبي انترنت لبيتك وخلي بناتك عندك .. حاولي تستغني عن خدماتها بأي شيء تقدري تعتمدي فيه على نفسك . وبالمقابل لا تحرميها من خدماتك .. هي قدمت لك وعملت اللي عليها وانتهت والان دورك مو دورها . |
| الساعة الآن 07:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©