|
لاأحب القيام بالأعمال المنزلية
صبحاكم / مسائكم ورد
انا عندي مشكله قاهرتني ومطفشتني ودي اتغير لكن كل ما احاول اتغير يومين اسبوع بالكثير وارجع زي ما كنت انا بقول لكم لكن رجاااءا بدون كلام ماله داعي لاني عارفه غلطي وابي اعدله مشكلتي هي اني ما احب شغل البيت ابدا ولا اسوي شي لا غسيل ولا طبخ ولا كنيس ولا شي وحتى لو جونا ناس ما اقدم ولا لي شغل واغلب الاوقات ما اقابلهم وحتى العزايم واذا مره مره سويت شي بسيط وخلاص وحاليا لان في شوي ضغط اذا جونا ناس وغصب اساعد امي واختي وزوجة اخوي بس المشكله اني ما اعرف وش اسوي يعني ادخل المطبخ من غير هدف يا يقولون لي وش اسوي يا اقعد اناظرهم وامي دايم تقول انتي ليش منتي زي بنات خلق الله يشتغلون ويستقبلون ضيوفهم ويضيفونهم :29: لكن والله مدري وش فيني ما احب اشتغل ولا ابي احد يقول سوي شي يا نايمه يا ع النت يا بالمركز وملييييت ابي اصير زي الباقين اشتغل واكنس وارتب ودااايم احط لنفسي جدول واقرر اني اتغير وما ينفع ارجع زي ما انا ساااااعدوني ابي اتغيييييييييييير لان حتى اختي الصغيره اهون مني على الاقل تعرف تطبخ >>لا تقولن تغار والله مو غيره بس مالي داعي وانا مرررره ولا شي وحتى اذا انضغط علي اطبخ شي اطفش قبل لا اخلص يعني اسوي الدجاج تحت اشراف امي وما انتظر واروح يعني اسوي النص واخلي الباقي ابي حلول عشان اتغير واصير زي ما تبي ماماتي :22: ممكن تقولن مشكلتي تافهه بس والله متعقده منها :(:(:( |
لا مشكلتك مهيب تافهة بس الصلاح منك أنت .. لا تقولين بس حاولت أنت ظلي حاولي وإذا تبين بتنصلحين من هالناحية حلاة البنت تعرف كل شي حتّى لو أنها دلوعة وكيوت << أوت :p |
ياقلبي مشكلتك سهله وبسيطة ,’~
مافي شي يجي بالساهل ,’~ لآزم نتعب شويه عشان نحصل مرادنا ,’~ قومي اشتغلي واحتسبي الاجر عند الله ,.~ صدقيني بتلاقي حاجات حلوة وربي بيعووضك زي مابتتعبي وتريحي امك ,’~ محد فينا اختار امو وأبووه ,’~ اتعلمي ياقلبي حفزي نفسك لا تحبطيها قولي أنا اقدرر ,’~ أنا مو ناقصني شي ,’~ الله يكرمك باللي تبغيه ويغير احوالك لاحسن الاحوال يارب ,’~ |
صبا
الله يعيني بقعد احاول الين انعدل ان شاء الله زهرة الرمان صادقه مافي شي بدون تعب امين الله يسمع منك والله يرزقك اللي تتمنين |
اقتباس:
انو وقت تشتغلي ابدي بشي صغير ومن ثم اكبر انما اعتقد انو اللي تعمليه هو يكثر العمل عليكي فوقت تبدي فيه تتعبي نفسك وترهقيها لذلك تتعبي وتملي وتتوقفي وكلما اردتي العمل تتذكري التعب وانتي محطمه فتتوقفي اولا مثلا الثياب فورا رتبيهم مكانهم بالدولاب ,السرير وقت تصحي نفس الامر انا غرفتي ان ما رتبتها صباحااااااا وفورا اتلهى بامور اخرى وتفضل مثل ما هي وكل ما ادخل غرفتي يتغمى عليي انو وقت تمسكي ي اعيديه لمكانه فورا حتى لا يتراكم عليك العمل ثم الطبخ ابدي بشي صغيررررررر سلطه ,لبن بخيار , تبوله , حمص بيض ابحثي عن طبخه سهله طبقيها من المنتدى هنااااااااااااا فرحت بالموضوع لك هنا حسيت ابنتي تكتب الله يحميكم يا رب ويحفظك وهيك مش يحطموكي حطميهم انتي مثلا وقت تقطيع البندوره تذكري ان هناك من تريدي تقطيعه فقطعي البندوره او الخيار والله تفرميه فررررررررررم :d لا وحطي فوقو حامض وملح وشوية زيت :22: والضيوف حسب مزاجك عندي الصغيره من هي وطفله تححب تضيف اللي يحضر الكبيره مثل طبعك تكره حتى تسلم على احد |
:* مشكلتك منتِ لاقيه حد يشد عليكِ :d مخلينك على راحتك وقاطعين الرجا فيكِ :* أطلبي من أمك تساعدك قولي لها بالحرف الواحد يمه ساعديني أتغير وأصير سنعه ترى بكرة تتزوجين وتتورطين وتصيرين بموقف بايخ :* |
الحل اختي موجود ومشكلتك سهلة جداً
عودي نفسك بنشاط ما يومياً حتى ولو كان صغيراً اطلعي للبر ولا الاستراحة وقومي بعمل ما وليكن المشاركة بطبخة او أي نشاط |
اقتباس:
ههههههههههههههههههه عجبتني فكرة انو احط ببالي احد يبي له تقطيع والله انها فكره زينه بحط خايب الرجا ببالي اذا جيت اقطع السلطه ههههههه والله حلوه الخطه من بكره بخليهم يحولون لي اي شي فيه تقطيع والله شغلتي شغله لكن الله يعين يجيني نشاط يومين وبعدها ارجع لعادتي وافرح يومين وارجع كمان بطبق كلامك ماما قرين |
اقتباس:
والله شكلهم غاسلين يدهم طيب وش اسوي والله اذا دخلت المطبخ بسوي اكل لنفسي كلهم ورايه يقول انهم خايفين اسوي جريمه وامي تقعد وراي لحد ما تسحب مني كل شي وتسويه هيه لماااذا لهالدرجه دخلتي المطبخ تخوووف |
اقتباس:
ان شاء الله مع اني اعرف نفسي حماس مؤقت |
| الساعة الآن 09:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©