|
احتآآآجكم :( فحص الزوآآج ووقت المملكه
السلآآم عليكم
قبل كم يوم طلعت نتيجيتي لفحص الزواج والحمدلله سليمه بس فيني انيميا الفول او جي سكس بي دي وقالت الدكتوره ان مايأثر وهل كذا يكون خلاص ولا لازم يشوفون فحصه اهو بعد وبأآي حاله يكون مافيه توافق اذا كان فحصي سليم المههم ان انا عمري 19 وداخله ع العشرين بعد كم شهر وهو عمره 26 بس كثير يقولون انه صغير والرجال بهالعمر مايكون منوازن يكون طايش ومن هالكلام :( وقمت اوسوس من هالناحيه انتوا وشرايكم احسن سن لزواج الرجال والبنت ثالث شي اذا تمت التحاليل وقت الملكه انا ادرس بالجامعه وهم كانوا يبون الملكه والخطوبه بالأجازه الجايه هاذي حقت بين السمسترين وحنا رفضنا بحكم ان مابعد نجهز شي وقلنا بنخليها بالاجازه الي بالستسمر الثاني الي بين الشهرين انا احترت وشرايكم املك بالاجازه هذي الي جايه واخلي الخطوبه الحفله بالاجازه الي بالسمستر الثاني يعني بهالاجازه بس ملكه رجال ومايزورني الا بعد الخطوبه تكون بس مكالمات انا فكرت بهالطريقه عشان شوي اتعود عليه واتأقلم ع الوضع قبل لاتصير فيه زيارات ولارايكم كل هالحوسه الملكه والحفله والزيارات تكون مع بعض اعتــبركم اخواني وخواتي الكبار واحتاج اراائكم وتجاربكم:) |
الف الف مبرووك والله يوفقك يارب ويسعدك بحياتك
انا دخلت علشان ادعيلك |
شوفي يالغلا
من ناحية العمر تري مو شرط يكون طايش وقلتها قبل كذا واكررها هنا الصغر صغر العقل ماهو العمر والعكس لان يا كثر ناس كبار وعقولهم الله المستعان وصغار عقولهم تووزن بلد فهذا مو مقياس واهم شي سالتو عنه زييييين ومن ناحية الملكه وبقية الاشياء فانتي شوفي وضعك واللي يناسبك ويريحك وبعد الاستخاره توكلي على الله والف مبرؤؤؤؤؤؤك خيتؤؤؤ |
26 صغير؟
انتي قصدك 16 ولا 26 ترى ما استوعبت |
عاشق .يبارك فيك
حطموك. صادقه والله بس عارفه شلون تأثير الناس وسالفه الملكه احتاج رايكم فيهااااا لاني مححتاره والله يبارك فيك:) مستقبل . انشاءالله تستوعب في القريب العاجل:( |
أول شي
ألف مبروك والله يسعدكم بالنسبه للملكه عادي تكون ملكه بدون حفله وفي الإجازه تكون حفلة الملكه والزواج بعد التخرج طبعا إذا خطيبك موافق يكون أفضل الزواج بعد التخرج أخوي تملك على زوجته وبعد 7 شهور الزواج انتظر لما تتخرج في نظري أفضل وأنتي شوفي رأي زوجك وبالنسبه للعمر ترى خرافه اللي يقول العمر صغير وغيره يا أختي الرجال بعقله مو شرط لو عمره 20 ماشاء الله عمي متزوج وعمره 25 وزوجته عمرها 22 يعني عادي وش المشكله الله يوفقك |
الله يبارك اسعدني ردك
والزواج امنــــيتي يكون بعد التخرج واصلا كنت برفض الين اتخرج بس مو كل مره بيجي مناسب والزواج احتمال كبير يكون بالصيفيه هاذي عشان انقل لجامعتهم لان فيها مساري الي ابغاه وقبل لايتقدم لي كان في بالي اوقف قيد لحد ماتنقل اسرتي كلها لهناك واكمل دراسه بس الحممدلله انشاءالله يكون ربي راسله لي خيره |
الله يتمم لك أمورك على خير حبيبتي ,’~
لآ تخافي هدي من روعك ياغاليتي ,’~ أهم شي استخرتي ماشاءلله وسألتو عنه وطلع زين ,’~ وان شاءلله تقدري توفقي بين الدراسه والزوآآج =) |
اممين ي رب
بس ووينكم شوووروا علي من ناححيه وقت الملكه محتاارره |
سارة كيفك
بشرينا طلعت نتائج التحليل ولا لسى ؟؟ |
| الساعة الآن 07:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©