|
كيف أعزز ثقة طفلي الصغيرين ؟
السلام عليكم ورحمة الله وبركاته ما ادري شلون ابداء انا متزوجه وعندي بنت و ولد الله يهديهم ويصلحهم بنتي عمرها خمس سنوات و ولدي عمره ثلاث سنوات ونص عندي مشكله راح في بنتي نبذه عنها مدلله دلوووعه دلعها ماااااااصخ واذا ماجبنا الشيء اللي هي تبيها تصيح ماتسكت تسولف مع الناس اللي تعرفهم :27: بنتي ماتعرف تدافع عن نفسها مرررررررررررررره خوافه واذا احد بياخذ منها شي ياخذه بدون اي مقاومه منها!!! بس تصيييييييييييييح :29: انا انقهرت اعلمها وافهمها لكن تخاف مو بس من اللي اكبر منها حتى من اللي اصغر منها نادراً تدافع عن نفسها :30: بس على اخوها اعوووذ بالله شرسه وانانيه تضربه وتعانده وتقهره اي شي يقهره هي تسويه بنتي السنه الجايه ان شاء الله بتدرس انا خايفه انها تكره المدرسه بسبب تخوفها :24: اما ولدي احيانا مايدافع عن نفسه ويبكي بقهرررر مو بكي عادي !!! انا مابي ولدي يطلع رررررررررخمه مايعرف يدافع عن نفسه احيانا اي احد يضربه ياخذ اي شي قدامه ويصك اللي ضربه :18: ولدي من النوع اللي اذا بكا يبكي بقهرررر بحرررقه :29: مو متعلق في ابوه مثل بنتي ولدي متعلق فيني كثيييييييييير :15: اذا دخل غرفتي وانا احط مكياج اطرده منها يبكي يقووول حطيلي حمره ابي مناكير!! اذا قال كذا على طول افهمه هذاعيب واعطيه شماغه وعقاله انت رجال زي بابا واطلعه برا الغرفه ما ابيه يعرف عن هالاشياء :( ابوه اقووله اخذ الولد دخله نادي كاراتيه علمه عوده على مجالس الرجال وسلومهم يرد ويقول توه صغير اذا ترك البامبرز يصير خير اااااااااااخ ياربي تقهرني هالكلمه :29: وربي ولدي تركها بس البسه اياها وقت ما ينام بس ملاحظه : انا اللي اشجع عيالي و افهمهم واحذرهم واعلمهم كيف المضاربه والدفاع عن النفس بس احس اني فشلت بليزززززززز ساعدوووني |
عززي ثقتهم بانفسهم من خلال انشطة و رياضات
اذا تقدري دخليهم يتعلموا سباحة و احد الرياضات القتالية زي الكاراتيه مثلا \ بيعطيهم جرأة و ثقة بالنفس وزوجك لاازم يعاونك في الولد .. يخصص على الاقل نص ساعة من وقته يقضيها مع ابنه يطلعه معاه او حتى بس يلعب معاه بالبيت ربي يصلحهم لك و يبارك فيهم يارب |
زوجي افهمه الحين بكرا يسحب علي مليت وطفشت وانا اعيد وازيد وهو يطنششششششششش
يسعدك ربي اختي نورا جزاك الله خير |
هل انت جريئة بطبعك
و تتكلمين بثقة امام الأخرين ورأيك مسموع,, لأن البنت عموما تتخذ القوة من امها عدما تراها تتحدث بكل ثقة امام الجمع و صاحبة شخصية ينطلق لسانها و تقوى شخصيتها ايضا حدثيها كأنها صديقتك و اشركيها ببعض الاعمال المنزلية إذا اتوكم ضيوف ,شجعيها ان تقدم معك الضيافة كتوزيع شوكولا او عصير لا تهزئيها امام الآخرين.إذا قامت بفعل خاطئ عاتبيها بينك و بينها هذا ما اتذكره و طبقته على بنتي ..اشوفها تحسن واصبحت اجتماعية اكثر لازال يغطيها الحياء و هذه زينة البنت |
انا مو جريىه مره ولا شخصيتي عاديه مو قويه ولا ضعيفه لكن اسولف على الناس بكل ثقه
لكن بخصوص بنتي فهي مره خجووووله عند الناس اللي ماتعرفهم اذا عن الكلام معها انا اسولف عليها واخذ واعطي كانها صديقتي قبل لاتجيني الشغاله كنت اخليها تساعدني بس ماقد خليتها تضيف الضيوف احاول بقدر الامكان اني ما اهزئها قدام الناس لكن هي تخيلي لو احد لمسها او قالها انقلعي تجيني تكبي كانها مضروبه !!! مشكوووورررررررررره مسداني جزاك ربي الجنه |
الحل بالإحتكاك مع الأطفال
دخلي بنتك روضة وكذلك ولدك أول ما يكمل أربع سنين الإحتكاك بالأطفال اللي مثل عمرهم يعلمهم كيف يضطرون يدافعون عن أنفسهم ويقلدونهم في الأشياء اللي تنقصهم لكن مافي الا انت وأبوهم مقابلينهم لا تتضاربون ولا أحد ياخذ حقه من الثاني شلون بيتعلمون مكر الأطفال؟؟ |
اي والله صادقه
لازم ادخلهم الروضه العقد الفريد جزاك ربي الجنه |
الله يصلح لكِ النية والذرية وتفرحين بهم بس نصيحة انتبهي من الدلع الزايد إذا دخلتيهم الروضة ترى بعدين ما يمشون في المجتمع الخارجي اتركي المعلمة تتعامل معهم ولا تتدخلين في أسلوبها في توجيههم لو سووا حركات الدلع وبعدها بتتكون لهم شخصية متزنة عقبال ما تفرحينا بأخبار حلوة |
هذا اللي راح اسويه ان شاء الله
نبرات شعري مشكووورره يالغلا جزاك ربي الجنه |
انتبهي من الدلع الزايد هو الي خرب عيالنا ><
قولي لها كيف تتدافع عن نفسها واذا صار لها شيء وصاحت قولي أجل مراح أعطيك شيءء طيب لو انا أمك ماكنت موجودة وش بتسوين مايصلح تسوين كذا لاتخلين الاطفال يقولون يوووة فلانه تصيح ! اذا شفتيها تدافع عن نفسها عطيها هدايا وكذا اتمنى أفدتك :) |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©