|
اخو زوجي محتاجه مساعدتكم
السلام عليكم اخوتي
سعدت بتفاعلكم مع المواضيع وارائكم النابعه من الاخلاص للسائل فشجعتموني على التسجيل في المنتدى وطرح مشكلتي عليكم وارجو منكم ان لاتحرموني من ارائكم مشكلتي .. اولا انا وزوجي ساكنين بشقه لوحدنا وبمدينه بعيده عن اهل زوجي واهلي لنا تقريبا سنه وشوي و ماعندنا اطفال المشكله ان ام زوجي اتصلت عليه وطلبة منه انه ياخذ اخوه يسكن عندنا اخوه الحين بثالث متوسط وتبيه يكمل الثانوي حتى عندنا عشان اخوه ينتبه له لانها خايفه انه يدشر عندهم او يفسد زوجي دوامه 10 ساعات وغير هذا نظام شفتات يعني كل اسبوع وقت انا رافضه انه يجي اولا لان وجوده بيضايقني بشقتي وماراح اخذ حريتي لا انا ولا زوجي ثاني اني بصير مسؤله عنه لان زوجي اغلب وقته بالدوام ولا نايم ثالثا لانه بياخد من وقت وجود زوجي معي اذا جاء انا الحين وبالياله اقعد معه لان اليوم يضيع مابين دوام ونوم كلها كم ساعه اللي نقعدها سوا غير اني مااعرف احد بالمدينه اللي انا فيها يعني زوجي الوحيد اللي بسولف معه واقعد معه زوجي مو عاجبه انه يجي ومقتنع بكلامي بس المشكله انه مايبي يقول ل امه لا ومستعد يضغط على نفسه عشان امه خايف ياثم بس انا ماني مستعد اضغط على نفسي واضحي براحتي وسعادتي لو انها اختبارات بس ماعندي مشكله بس هذي سنين 3 سنوات ثانوي غير المتوسط غير ان بغى يكمل عندنا يعني مو سالفة شهر شهرين افيدوني كيف اتخلص من هالمشكله مع العلم ان والد ووالدة زوجي على قيد الحياه وعنده اخوان اكبر منه 2 متزوجين وقريبين من عندهم وفيه بعد 2 غير اللي بيجينا |
بصراحة معاك حق لو إنه يتيم كان قلنا تكسبي أجر فيه لكن أبوه وأمه عايشين وعنده أخوان هناك فما في داعي لمجيئه عندك .. خلي زوجك يفهم أمه إنه دوامه فترته طويلة يعني ماراح يقدر يراقبه غير إنك غير محرم له وبقاءه لوحده معاك في نفس الشقة صعبة شوي .. الله يكون في عونك
|
اختي ادخلي من باب انه ليس محرما لك فكيف ستقضي كل وقتك معه بخلوة
اعاننا الله واياك على اتباع الحق وفرج كربك |
ماذا سيفعل اخوه في حالة زوجك ذهب للعمل؟
هل سيبقى معكِ في البيت!!!! (حمو الموت) مستحيلة هذي.. رضا الله أهم بكثير من رضا الوالدين خلي يفهم امه انه ما يستوي وحرمتي موجودة في البيت كيف حيبقى في البيت بغيابي ويجيبها من ناحية الشرع حتزعل امه في البداية بعدين بترض مع الوقت والله يصلح الحال |
مع رائ الاخوان الحمو والموت والشيطان شاطر انتبهي
خلي زوجك يبين لامه مده دوامه واننه كيف بتقعدين كل هذه الفترة مع غير محرم لك وبعدين وش الفائده من وجوده عند اخوه اذا اخوه مو فاضي له نفس الشي بيدشر براحته عندكم صحيح حتزعل امه ولكن رضى الله قبل رضى الوالدين |
معك حق في كلامك
وأخ زوجك يعتبر شاب بالغ ومايصير تكشفين عليه ورح تتمين كذا كمان 3 سنوات لين يتخرج صعبة جدا على فكرة زوجك مارح يأثم لو رفض طلب أمه لإنه الضرر عليكم اكبر من صلاح أخوه خليه يكلم أمه ويشرح لها السبب يقولها أنا ماأجلس في البيت على طوول مشغول في عملي وزوجتي لحالها في البيت ومن هالكلام لين يطيح اللي براسها الله يفرج همك يارب موفقة |
اتفق معك واختف بنفس الوقت ..
تصرف والدته يصير كثيير خوفا على ابناءهم من الضياع وكثرة خروجهم من البيت بصحبة اصدقائهم .. ويتم ذلك الا اذا سكن بمدينه بعيده .. لذلك هو عندك وليس عند اخوته القريبين منهم كما قلت ِ ... كما انك ِ غير مسؤوله عنه .. الزوج هو المسؤول لانه اخوه .. ومسؤول عن تحقيق التوازن وتنظيم الوقت بينك وبينه وبين اخيه .. فان سكن معك بالتاكيد سيكون في جهة منعزله .. كالمجلس مثلا .. ومن حقك اقفال الباب من جهتك .. ولو موظفا لقلت لك ِ فليسكن لوحده . لكنه لا يزال طالب بالمدرسه ... حاولي ان تتعرفي على صديقات او جارات .. او التحاق بدورات او بمراكز تحفيظ للفائده ولقضاء بعض الوقت بغض النظر عن وجود اخيه من عدمه .. ولو كنت ِ ذات ابناء لاختلفت معك .. احب التنويه على امر بشكل عام .. بعض الزوجات ترى ان لها الحق الاول فيه .. في وقته وفي مشاركته وفي ماله بشكل اناني .. ( وليس معتدل ) مماينتج عنه .. ابناء اختفوا وانسلخوا من عائلاتهم مجرد زواجهم .. وحقيقة لا اعرف ان كان هذا الابن ان سكن بشكل شبه مستقل ويتم اقفال الباب من جهتك يدخل ضمن الحمو الموت ام لا .. اسالي فان كان الامر لايدخل ... فارى ان تقبلي درءا للمشاكل .. اسال الله ان ييسر امرك كما تحبين .. |
اسمعي يا أخية: 1) بعض الآباء أو الأمهات يرسلون أبناءهم خصوصاً في هذا السن عند إخوانهم الأكبر منهم في مدن مختلفة.. لماذا؟ لاعتقادهم أن خروج هذا الابن من بيئته الحالية سوف يغير مستواه الدراسي، ويتعلم بمفرده مواجهة الحياة، ويكون تحت نظر أخيه ومتابعته.. ولديهم حق فهناك حالات ناجحة في هذا الشأن في كثير من الأحيان. 2) موقف زوجك محرج جداً في الرد على أهله.. فماذا يقول لهم؟ 3) ربما لو كلم أباه في توضيح هذا الأمر من حيث أن ساعات عمله طويلة فلا يمكنه متابعته لكان هذا حسن.. ويحاول التلميح بشأن وجودك في البيت لوحدك.. فإن لم ينفع فيمكن التصريح بحديث "الحمو الموت". 4) لو أتى الشاب إلى بيتكم فاجعلوا المجلس له كغرفة مستقلة على سبيل المثال.. واحتسبي الأجر. ::: أخوكم في الله/ حاتم بن أحمد-الرياض |
:* أولاً: هذه مسؤوليِة والدِيه لازوجك ويجب عليهما عدم التنصل من مسؤوليتهم أوالإلقاء بها على عاتق أحد الابناء وأحراجه بتحمل مسؤولية مراهق في عمر حرج ثانياً: هذا شاب في سن مراهقة ووجوده معكِ في نفس البيت غير لائق و 90% منزلكم عبارة عن شقة صغيرة أي سيصادف أن يرآكِ لضيق المكان أضيفي لذلك عمل زوجك شفتات أي سيطيل الغياب خارج المنزل ولن يكون بإستطاعته مراقبة هذا المراهق ثالثاً: هذا المراهق سيكون له زملاء وسيدعوهم للمنزل ولاتعلمين أي صنف سيدخل بيتك ولقد سمعت عن قصة شبيهه لقصتك من حيث السُكنى رأى المراهق زوجة أخيه ووقعت في قلبه وحكى لأحد أصحابة الفاسدين الأمر فأعطاه حبوب يضعها لها وتم تنويمها وحدث ما حدث لهذا حذاري التهاون في هذا الأمر زوجك لابد أن يقول لأهله لا أستطيع تحمل مسؤولية مراهق وعملي يتطلب غيابي الطويل عن المنزل فكيف سأراقبه وأرعاه وأعرف من يصاحب ومن يماشي؟! :* |
خلي زوجك يكلم أمه إنه ما يقدر عليه لوحده
ووقته كله عمل ونوم شلون بينتبه له وسيرتك لا يجيبها لا يعفسون الدنيا عليك ويقولون انتي اللي مغيرته عليهم ويطلعونها في شغلات ثانية لو بعد سنين |
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©