|
ظلموني صديقاتي وأنا لاأثق بأحد
السلام عليكم
أسعد الله أوقاتكم بكـــــل خير.... بصرآحه دخلت هون لجل تساعدوني...من زمان انتظر تفعيل عضويتي,,, تكفووون سآآعوني.. بتطفشون من مشكلتي بس ان متفاله فيكم... عمري 21 أنا انسانه لآاثق بأحد لآن لما كنت بالمتوسط ظلموني صديقاتي ورب البيت اظلموني.. وخانوني واخذت موقف وصرت مآأثق بأحد كانو يتكلمون عني تخيلو دقو ع امي قالو لامي اني اني اسوي حركات وسخه وهل الاشياء اوقسم برب البيت واللي خلق سبع اني كنت ماعرف شي كنت باول متوسط وكان عهدي عهد البرائيه وكنا ذاك الوقت ..ماعندنا تلفزيون من وين اتعلم هالآشياء...كنت ع نياتي ورب اني ابكي..حدي اتألم من هالشي...ومكتفو ع كذا حرضو اللي يمشي معي.. أمي احسها تشك فيني ..تدرون لهذا الوقت لما اجلس تطالعني ولما اناظرها تصرف النظر.. احيان ودي اسالها بس مابي افتح الماضي لآنه يجرحني.. احسها ما تثق فيني أنتقلت لمدرسه جديده ..في الثالث متوسط.. تعرفت ع بنات يعني مو ذاك الزود لآني اخذت موقف وانعدمت ثقتي وشخصيتي كنت مابي اتعرف ع احد كنت اكره الدراسه رحنا اول ثانوي ارتقت نفسيتي لان حسيتهم طيبات وصرت مسانسه بس الثقه مافيه لما تخرجنا...دخلنا جامعه ..كنت خايفه تركتها عشانهم مابي اتقرب اكثر وانصدم تركت الجامعه ...وقلتلوهم خلص انتهت علاقتنا انا اسفه بس فيه شي يمنعني تركتهم وانا بامس الحاجه لهم .. بس مابي احد يجرح قلبي مابي احد اثق فيه غيرت ايميلي وجوالي بس تدرون كانو يدقون ع جوال امي ولما ارد يبكون ليش تتركينا اوقسم برب البيت ما أكذب انا حسيت ع نفسي وأستلمت الطريق الخطأ اللي اني ارجع لهم ورجعت يسولفون معي ويضحكون زي اول .. ماعاتبوني,,ماصرخو بوجهي وقالو وش جابك.. رحبو فيني...بس احس بقلوبهم شي احيان طريقه كلامهم مايكلموني زي اول ولا يرسلون لي مثل اول طيب ليش رجعوني ابي اعرف انا ودي اتركهم لآاني اتعذب معهم احسم يقولون اني اجاملهم لآن دايم يقولون عني اني اجاملهم تعببت ساعدوني؟؟ اتركهم؟؟ والا اكمل معهم؟؟ وش اسوي؟؟ مع العلم ماقلتلهم عن الماضي اللي صار لي مابيهم يرفون بحالي ويحطوني حاله خاصه ومعامله مابي كذا؟؟ سااعدوني ولكم مني دعاء في كل رد ((من فرج عن مسلم فرج الله عنه يوم القيامه)) |
حبيبتي
الثقه مو شرط بعلاقتك بالناس يعني عادي تمشين مع صديقاتك تضحكين تسولفين وعادي بس ثقه ابدا لا تثقين باحد محد يستاهل عادي كملي معهم صعب يعيش الانسان وحيد من دون اصدقاء شيلي الحواجز اللي بينك وبينهم ولا تحسسينهم انك تجاملينهم بس اشياء خاصه فيك اسرار ابدا لا تطلعينه لو لاعز الناس على قلبك عيشي حياتك اضحكي مع الكل وفرفشي بس بدون ما تعلقين امالك على احد بترتاحين ان شاء الله لاتخلي الماضي ياثر فيك سلبا بالعكس اعتبريها غلطه وتعلمي منها |
اختي الكريمه
نحن في تعاملنا مع الناس لنا بالظاهر فقط وماكان في بالباطن فعلمه عند الله شوفي انتي الناس اللي امامك كيف يعاملوكي حاولي تعامليهم باحسن منهم واللي يحاول يتجاوز حدوده لاتستكتي وباسلوب مهذب وقفيه عند حده واي شي يطلب منك وانتي منتي مجبره انك تفعليه فلا تجاملي ابدا على حساب نفسك وحااااااااااولي انه لاتعمقي صداقتك مع كل الناس عشان لايتكدر خاطرك في حال سار شي لاسمح الله |
حطموكـ يآقلبي.. حنون بطبعي.. أشكرلكم مساعدتي جعلها الله في موازين حسناتكم ولذوقكم الراقي عبق جميل.. تحياتي لسموكم الكريم.. اجلآلي وتقديري |
جبتيها على الجرح كنت اثق ما يحتاج اذكر قصتي
لكن مو كل اصابعك سواء اذا كانت صديقتك او ذولي البنات فعلا صديقات ليش لا مو عشان تجربه تندمين بالعكس الصداقه شيء حللللللللللللللللو والله بس انتبهي لا تنصدمين انتببببببببببببببببهي فانتي ادرى مننا كلنا اذا هم يستاهلونك او لا مدري بصراحه وش اقولك احس كلامي مخربط ولي عوده لكلامك بس طمنيني عنك يالغلا |
اختي العزيزه
الثقه بالنفس سلوك واعتقاد يزيد وينقص وكل انسان معرض لمثل هذه الظروف واول شيء كان تعمليه..انك تتكلمي مع امك وتكذبيهم فسكوتك وخوفك هو ما اثار شكوك امك الان... والا فالام تشك في نفسها ولا تشك في بناتها بسهوله .. فتشجعي وتحدثي معها في الموضوع وضعي النقاط على الحروف ولا تعيشي الاوهام وافتراضات مو صحيحه ابدا... منذ زمن كنت في مثل سنك واتذكر ان فتاة اتصلت بامي وارادت تشويه صورتي فطلبت من امي ان احادثها فلما شعرت الفتاة بصوتي اقفلت السماعه وهربت وضحكت من تصرفاتها فيا عزيزتي الواثق من نفسه ومن سلامة سلوكه مايهمه احد .. ثانيا: صديقاتك رائعات لا تخسريهم بسبب عيشك في الماضي فاخلعي نظارة الخوف والتشائم لتتتعلمي مهارات التعامل مع الناس فالصداقه ضروريه ومهمه خصوصا من اناس طيبين كما عرفتيهم... و تغير تعاملهم معك هو بسببك يا عزيزتي لانك تركتيهم فجأه وبدون سبب مقنع..... فلم يرغبوا بخسارتك فهم الان يتعاملوا بحذر وينتظرو منك فتح قلبك لهممن جديد وترميم العلاقه فاعيدي النظر وثقي بنفسك وقدريها لتعطيك دفعه لامام..وانصحك بالقراءة في هذه المهارات لتكتسبي مهارات جديده وفقك الله |
ماقصروا الاعضاء معك
واحب ازيد اذا انتي مو مرتاحة وجلوسك معهم يذكرك باشياء ماودك تذكرينها وتكرهين نفسك وانتي بينهم اتركــــهم وارجعي لدراستك وتعرفي من جديد مو شي سهل ان الشخص ينسى بسهوله اذا المـك كبيييير ربي يوفقك |
اقتباس:
أشكركـ من اعماق قلبي لذوقك الراقي انا محتاره مدري وش اسوي اكمل والا انسحب بشويش؟ محتآآره.. |
اقتباس:
بجد كلآمكــ فيه الصفآ والنقآآة ..شوكرن لتواجدكــ بمتصفحي... كيف أخبر أمي وانا اخش من نظراتها أخاف نظراتها لآأعلم ماهي ليتني أستطيع ان اسالها ولكني أخاف لآ أعلم لماذا احس بشي من الحرج.. فان ثقتي مززعه بالجميع.... اقسم اني اخاف ان تطور حالتي مع الماضي وافقد الكثير من راحتي واصبح نفسيه؟؟ أحيان اتمنى الموت ولكن اتعوذ من الشيطان اقسم بربي ان احيان اريد ان افعل شي لكي امووتــ.. خوفي وثقتي .. من دمرتني ماذا أفعل هل انسحب بشويش ام اكمل لآني لآ أستطيع لعدم ثقتي بهم فهل تدووم الصدآقه بلآ ثقه.. |
اقتباس:
شاكره لكي مروركـــ بمتصفحي ,,أسعدني وجودكــ صحيح كيف أنسى وانسي الماضي واجعله راحتن لي |
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©