|
عندنا حفلة تخرج .. ارائكم وأفكاركم
السلام عليكم :: كيفكم أخواتي العزيزات ::: بعد ماانتهى ضغط الامتحانات والتعب والسهر والحمدلله وبانتظار النتائج :17: عندنا حفلة تخرج لوحدة من الأخوات:14: راح تكون في الجامعة لان تعرفون الجمعة في البيت ترفضها العادات والتقاليد علاقتي فيها بسيطة تعرفت عليها عن طريق صديقتي وزميلتي في القسم تعرفها من زمان ومن قبل ماتعرفني أنا المهم الحفلة مسويتها صديقتي مفاجأه لها :23: وانا راح أساعدها ببعض الأغراض ان شاءالله صديقتي تقول بتجيب لها هدية احتمال جوال جينا الحين للمطلوب وش رايكم يلزمني اجيب لها شي :28: انا قلت اذا بجيب هدية بجيب شي رمزي بحكم العلاقة السطحية بيننا طيب ... وش اجيب لها ؟؟؟ أو مالها داعي برايكم ؟؟ :::::: واذا عندكم أفكار للحفلة لاتبخلون علينا هيا ياحلوات انتظركم ... الحفلة بتكون يوم الأثنين ان شاءالله اذا الموضوع مكانه مو هون في هالقسم شغلتك يازهورة واعذرينا :::: |
بحكم المناسبة مايمنع تاخذين معك هدية وكذلك من باب (تهادو تحبوا )
الهديه تكون رمزيه مثل ماقلتي تكون مثلا عطر + قبعة تخرج تزين في صندوق صغيربورد مجفف وتغلف من محل الهدايا كذلك يوجد أناشيد تخرج وياليت تكون زينة الحفله من ورد وكيك وعصيرات ومفارش الزينه تكون لون موحد مع لبسك أنتي وصديقتك |
ذكرتني بحفلتنا أنا وصديقاتي قبل العااام .. سقا الله ذيك الأيام
مثلكم عملناها بالجامعة .. و أخذنا إذن من الشؤون عشان القاعة >> تعلمك إنها نظامية و عملنا عروض و فلاشات مع الأناشيد وشغلنا البروجكتر مع البوفيه و التورتة و البوم >> البوم هذا للحين ما أدري وش أسمه الحقيقي أهم شيء التوثيق صوروا كل شيء صور و فيديو اقتباس:
وكثر خيرك :) |
أمممم حفلـة تخرج هاه ..
ماراح أقول أفكاري أليـن تعزميني ههههه أمــزح .. .. شـوفي الهـديه راح تـزيد من علاقتك معاها اذا أنتي شايفه فيها سمات الصداقـه الصالحـه .. .. جيبي لهـا حاجه تبقى عندها مثلا .. لوح السيراميك وأكتبي عليه عبارات تهنئـه حلوه .. تلاقينـه في كل مكـان بمحلات الهدايا وانا شايفته بالعثيـم .. مع علبــة شوكلت راقيه .. وصلى الله وبـارك .. |
السلام عليكم ورحمة الله وبركاته ,’~
ياحبيبتي الف مبروووك التخرج والله يووفقكم ويوفقنا جميعاً ,’~ طبعاً لآزم تاخدي معاكِ هديه ولوو بسيطة أهم شي الافتكار ,’~ وأقترحي عليهم يوزعو للمعازيم حاجات بسيطة وتكون مناسبة لحفلة تخرج .,~ وان شاءلله تنبسطو ياعسل ,’~ دمتي بوود =) |
فكره حلوه ..
بنظري اهم شئ الجو العام للحفله .. تجهزوا المكان ... ترتبونه تجيبون الاكل اللي انتو حابينه تحضرونه .. شغلوا شئ مناسب ... اشتريلي لها مثلا .. عطر .. ماادرى الجوال اهداء من الجميع ولا من وحده ..؟ باقة الورد بتجي رووعه كاهداء لها كمان .. مبروك وعقبال الجميع وان شاء الله تجي الحفله زي ماتحبوا واكثر .. |
تسلمون يالغاليات ..
غدي المستقبل
ألوان عيوني تحكيني زهرة الرمان لاتظلمونه شكراً ,, شكراً ,, من الأعماق وعذراً على التأخير حبيباتي انقطع الاتصال بالنت وماقدرت ارد ,, يجزاكم ألف خير ,, الحمدلله عملنا الحفلة وكانت جميلة :22:.. بقول لكم وش صار بختصار .. جيت انا وصديقتي وأختها الصغيرة وعفش الحفلة معنا تورته ورق العنب معجنات عصيرات قهوة بلونات وزينة الحفلة ....الخ رتبنا المكان والسفرة ونفخنا البلونات وجهزنا الأناشيد والطراطيع والبخاخات والورد المجفف .....:22:.. جت البنت هي وأختها وتفاجئت وانبسطت كثير:23: وشغلنا شموع الترته وقطعتها وجلسنا وانبسطنا .. صديقتي جابت لها الجوال ومغلفته تغليف يجنن دبدوب وحركات وانا بما ان علاقتي بها سطحية جبت صينية شوكلاة وحطيت كرت مبروك التخرج مع تصميم مثل وثيقة التخرج سويته بالبيت وكتبت عبارة حلوة وتبريكات وطبعتها ولفيتها مثل الوثيقة وربطتها بشريطةطقم الشرايط حقت صينية الشوكلاة مع قبعة تخرج صغينونة... بس وطلعت الحفلة تجنن وعقبالي وعقبال كل البنوتات :::: يعطيكم الف عافية استفدت منكم عسى ايامكم افراح ::::::: |
الله يديم الأفراح عليكم يا قمر
|
ماشاءلله تبارك الله ,’~
الله يديم عليكم وعلينا الافرراح والمسرات دووماً يغلق الاشراف |
| الساعة الآن 12:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©