|
* خلونا نتشارك بأفكار للصدقات الجارية *
السلام عليكم و رحمة الله و بركاته
أخواتي الفاضلات و اخواني الأفاضل .. موضوعي هذا من اجل ان نتشارك سوياً بافكار و اعمال للصدقات الجارية ،. سواءً كان أجرها لكم، او للوالدين، او لأي شخص اخر .. و ليت نحكي عن تجاربنا و أفكارنا و اي مواقف واجهتنا .. حتى نفيد و نستفيد بإذن الله .. و هل حسيتوا ببركتها عليكم بالفعل بحياتكم ؟ و كم المبلغ اللي تدفعوه للصدقة الجارية ؟ حتى نتنافس جميعا بفعل الخيرات .. و راح ابدأ أنا باول تجربة بحياتي و منكم نستفيد .. * |
اول شي ..
تعرفت على داعية حضرت وقت عزا امي الله يرحمها و القت محاضرة .. و قالت لنا اللي ناوية تتصدق او تعمل عمل خير .. فممكن اساعدها .. قبل كم افتكرتها و دقيت عليها و رحت لها .. و أعطتني افكار و اغلبها قالوها الأخوات بموضوعي السابق .. و قالتلي هناك ارملات عندهم أيتام و ماهم لاقيين لقمة العيش .. اخدت منهم رقم 2 من العوائل .. الصراحة انحرجت أدق عليهم و خفت انهم يزعلوا و احرجهم .. كلمتهم و قلبي تقطع لحالهم .. خاصة انه ابوي الله يرحمه مات و نحن صغار و امي ترملت من بعده .. بس الحمد لله ما احتجنا لاحد .. بس حسيييييت بمعاناتهم و احزانهم .. حابة اساعدهم بس محتارة و ماني عارفة كيف ؟ خاصة انها تجربة جديدة بحياتي .. و حابة استمر بإذن الله .. وعدت الارملتين بزيارتي لهم بكرة .. و كل وحدة عندها اقل شي 5 أطفال و مالهم عائل بعد الله و فلوس الضمان مايكفيهم بس كان نفسي اني ما اقابلهم عشان لا احرجهم و عشان ما ابغاهم يعرفوني و الشيطان يوسوس لي انه رياء ووو الخ بس أنا قلت لهم انه المساعدات بتجي من واحد .. و قالولي يستقبلوا اي شي و وحدة منهم توه زوجها مات من شهرين و كل أطفالها بالمدارس و تقول كلهم متفوقين و عندهم اختبارات و ما تبغاهم يتأثروا بالحالة اللي يمروا بها .. طبعا ماحد يدري عن الموضوع هذا غير زوجي، لانه لازم يعرف بما انه هو اللي راح يوصلني لهم .. و هو اقترح علي فكرة اني اشتري كمية مثلا من زحام و زيت و رز ووو اله بداية كل شهر و اوزعه عليهم و اكتب ارجو منكم الدعاء للوالدين بالرحمة و المغفرة .. بس مترددة ؟ أخاف انهم محتاجين فلوس و ما راح يعجبهم زي كذا ؟ و اذا لقيت نتيجة، راح اطلب من الداعية أرقام لناس ثانيين كمان .. |
قالتلي كمان ممكن نشارك بحفر بئر موية بدولة إفريقية اهلها يموتوا من العطش و الأجر ليوم القيامة بإذن الله
و ممكن كمان المشاركة ببناء مسجد بالخارج او وقف مسجد .. زوجي ماعجبته الأفكار هذه و قالي ايش يضمنك ؟ يمكن الجهة هذه تضحك عليكم و يحطوا الفلوس بجيوبهم ؟ قالتلي الداعية انه استاذتهم تروح بنفسها و تسافر للدول هذه و تجيب لهم ظرف موقع و فيه اسم فاعل الخير *. قلت لها تعمل واحد لابوي و امي و تكتب فاعلين خير .. و واحد لامي زوجي و ابو زوجي .. عشان زوجي وقف معاي بمرض امي و عشان ولدي اربيه زي ما تربيت انه يدعي لأجداده و جداته .. و باخليها هدية مني لهم .. . . و يارب كلنا نستمر * |
أوســــع الابواب ،،، بــــاب الصدقـــــات ..
،،، لــي عوده لموضوعك بأذن الله .. |
أشكركِ على طرح مثل هذا الموضوع فالدال على الخير كفاعله ومن يفعل الخير لا يعدم جوازيه ولي عودة لموضوعكِ لسرد ما لدي ولكني متعبة قليلاً إذا ارتحت دخلت مرة أخرى بمشيئة الله |
الصدقات الجاريه ...
تعليم القرآن الكريم والمساهمه في دور التحفيظ ،، ،، برادة مــويا عند المساجد في الطرق السريعه .. ،، المساهمه ولو بالقليل في بناء المساجد .. .. توزيع القرآن الكريم على طلبة التحفيظ .. .. |
الله يجعله في ميزان حسناتك يا اختي ,’~
ورحم الله والديكِ |
خليكي مع الايتام
اول مره اكل رز زيت لحمه دجاج بطانيات الدنيه برد اشياء يدفو فيها ووقت تشوفي الاولاد تعرفي اعمارهم المره القادمه ثياب احذيه واعطيها مبلغ من المال وقولي لها تتعطيهم وهم ذاهبين للمدرسه ربما احبو ان يشترو شي بالمدرسه خذي معك فواكه ولو كيلو من كل صنف اول مره هيك وشهر ورا شهر رح تلاقي تعودو عليكي ويفرحو بولدك يلعب معهم تابعي معهم الدروس وكيف الدراسه وان احد عندو نقص ساعديه فيه ابقي مع الايتام حاليا |
انا مع حفر البير كمان
انما هالعائلتان ما تتركيهم ابدااااااااااااااااااااا فاهممه عليي ما تتركيهم الله يقدرنا على فعل الخير يا رب خذي لهم معك شوية شوربا ماجي ظروفه تدفيهم بالبرد |
يالله وربي احزن على اللي كذا
صراحه مالي تجارب بهالمجال واذا بغيت اتصدق او شي اعطي اخوي وهو يتصرف ويقول انو يعرف امام مسجد حالته بالويل ومرره وحتى بيتهم شوي ويطيح عليهم وقالي اذا تبين اوديك تشوفين بيتهم بس ما قدرت احس هو يوصف ببكي عليهم باقي اشوفهم اظن اموت من القهر الله يغنيهم من فضله ويرزقهم من حيث لا يحتسبون والله يجزاك الف خير روح الطير والله يرحم والديك ويسكنهم فسيح جناته |
| الساعة الآن 11:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©