|
ايش تهدي هدية لاخت زوجها ؟
السلام عليكم و رحمة الله و بركاته
حابة أستشيركم بشي بسيط .. يخص زميلتي أخت زوجها نقلت لبيت ملك جديد و عاملة عزيمة بالمناسبة هذه، و زميلتي محتارة ايش تاخد لها هدية ؟ تبغى هدية مناسبة و ماتعرف كمان ايش تكتب عالهدية ؟ تبغى هدية تكون مميزة اهم شي .. ممكن آرائكم و افكاركم ..* |
:* كم محددة ميزانية للهدية..؟! :* |
أهلين روح شحالج حبيبتي ان شاء الله تكونين بخير وصحة وعافية من فترة لي صديقة سكنت ببيت جديد بيتهم الملك فرحت هوم سنتر واشتريت لها أطقم صحون مختلفة كلاسيكية بألوان رايقة ومودرن بألوان صارخة وأقماع ايس كريم لأولادها وطقم شاي مغربي وهيك , يعني كانت الهدية منها للاستعمال اليومي ومنها تنفع للضيوف حقيقة هي انسانة أعزها وأخذت لها الهدية تقريبا بـ 1000 درهم يعني تقريبا 1000 ريال بعملتكم أشوف هذه أنسب هدية كونها ساكنة بيت جديد ان تكون الهدية شي يخص البيت الله يفرج همج ياروح |
:* بعطيكِ تجربتي *قريباتي أسألهم من باب الكلام مع بعض ها وش خلصتوا وش باقي لكم من أثاث وأجهزة للبيت وأعرف الناقص وأشتريه لهم وأفاجئهم فيه *أخواني وأخواتي أكمل معهم بيوتهم مثل تأثيث غرفة البنات كامل وتزيينها من ورق جدران وخلافه أو أساعدها بغرفة النساء وأهديها طقم الكنبات كامل وهكذا..؟! *صديقاتي غالباً أهديهم أجهزة كهربائية أعرف أنها بتنفعهم مثل الماكرويف ومعه كم قطعة كهربائية أو الشوايات والمكانس المتطوره والغريبه أو النشاف أو أي شيء يخدمهم *أحيان أضع مبلغ حلو مع هدية ناعمه لها ويكون المبلغ بصندوق مع كرت وأطلب منها تشتري الهدية إلي تحبها أو الشيء إلي ناقصها بالبيت ماكملته :* |
سيدة الموقف
هي علاقتها رسمية جداً مع أخت زوجها و عندها اختبارات تمنعها انها تسافر عشان تحضر العزيمة بمدينة تانية فهي حابة ترسل لها الهدية مع زوجها .. و نفس الوقت حابة تحسن العلاقة بينها و بين أخت زوجها .. أهل زوجها يهتموا بالأشياء هذه .. ميزانيتها بحدود 500 بس ما يتجاوز الألف .. |
هلا أختي ممكن تشتري علب حفظ الذهب والاكسسوار من لايف ستايل وتجي أشكال روعه وأحجام مختلفه ممكن تاخذ ثلاثه من نفس الشكل بس احجامها مختلفه وتراها روعه وفخمه وان شاء الله مايتعدي السعر 500 الي 700 ريال وتطلب منهم يغلفوها وهي تشتري كرت حلو وتدور عبارات من النت مليان وبالتوفيق
|
اقتباس:
مادام بهالميزانية فراح تلقى أطقم صحون مثل ما قلت لج أطقم صحون حلوة وكلاسيك طقم الشاي مع صحون صغيرة وكبيرة وبعض التوابع أنا اذكر خذت لها كذا طقم تراوح اسعارهم بين 250 و 300 وممكن تزيد عليهم أشياء ثانية وغلفتهم بتغليف بسيط وطلعت من أروع ما يكون |
غالبا ما يحتاج المنزل الجديد للزينه
فعندك الشلالات المائيه...او اللوحه الفنية...او تحف ومزهريات حائطية وغير حائطيه وهذي وجهة نظري واسعد بمن يهديني اياها اكثر من غيرها... وياليت زوج زميلتك يساعدها اكثر بالتفكير باعتبارها اخته.... تحياتي |
محلات العبدالوهاب .. للأواني ..
كهديه جداً راقي ،، بتغليفه بسولفان وشريطه ساتان عليها اسم المحل ،، اخذ منهم غالباً ،، كاسات او بيالات للشاي .. وغيره لكن ؛؛ تنتهز موسم التخفيضات الحالي .. واحلى عباره .. في مثل هذه المناسبات.. ( اللهم اجعله منزلاً مباركاً وانت خير المنزلين ) |
مداخله
شقرديه فين المحلات اللي تقولين عنها؟ روح الطير انا لما سكنت بنت زوجي بيت جديد جبت لها ترامس قهوه وشاي ومبخره وساعه حائط وفناجيل وكاسات وكلها كانت نفس اللون وغلفتها بشكل فخم ومرتب وكلفتني 800 ريال اتذكر فرحت فيها مرره لانها كانت كلها اشياء ناقصه عندها يعني خليها تجيب شي ناقص عليها |
| الساعة الآن 05:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©