انا حامل و لا لأ ؟؟؟؟!
 

السلام عليكم

انا متزوجه صار لي سنه و سبع شهور
ما حملت طول هالفتره
قبل اكمال سنه من زواجي سويت فحص دم و هرمونات و طلع كل شي سليم و لله الحمد
بس زوجي طلع عنده قلة عدد الحيوانات المنويه و ضعفهم
الدكتور عطاه علاج و توه من جم اسبوع سوا فحص مره ثانيه و طلع النتيجه وااايد احسن من قبل و ان ممكن يصير حمل طبيعي بس مع اخذ فيتامينات له زياده
بس اهو للحين ما اخذ

المهم ..

اخر دوره يتني كانت في تاريخ 8/12/2011
و انا عادةً دورتي تجي مبكره يومين عن الشهر اللي قبلها و مرات يصير تغيير بسيط انها تتأخر يوم او تجدم يوم ( و اتوقع ان جذي تكون دورتي منتظمه )

لكن هذا الشهر تأخرت وايد عن موعدها .. يعني للحين صار لها تقريبا 9 ايام متأخره ( اول مره تتأخر علي جذي )

في تاريخ 11/1/2012 رحت لطبيبه مختصه كنت ابي اعرف اسباب تأخر الحمل و قلتلها ان دورتي متأخره ( كان وقتها متأخره 4 ايام )
قالت ان تأخرها 4 ايام عادي و سوت لي اشعة ألترا ساوند ( سونار داخلي او مهبلي )
و اللي فهمته من كلامها ان كل شي اوكي ما عدا ان مبيضي اليسار شوي اصغر من اليمين بس ما فيه مشكله
و قالت انها ما شافت جنين و شافت شغله و اشرت عليها و قالت ان الدوره راح تييني بفتره قريبه يعني خلال يوم يومين
بس الدوره للحين ما شرفت !!!!

و انا بفترة اللي المفروض تييني الدوره حسيت بأعراضها مثل ألم بالبطن شوي و احس بثقل و عوار خفيف بصدري
و طول هالفتره اعراض الدوره مره تيي و مره ما احس فيها

بس ما احس بأعراض الحمل اللي اسمع فيها .. اللهم مره وحده قبل لا اروح للطبيبه بيومين تقيأت الصبح مره وحده بس و مو عارفه شنو السبب


ممكن احد يطمني و يقولي اذا ممكن اكون حامل او لا

و هل ممكن ان الجنين ينشاف او لا في بداية الحمل او بالاسبوع الثالث او الرابع من الحمل عن طريق السونار المهبلي ؟!؟!

اسأل الله الكريم أن يرزقك بالذرية الصالحة آجلا غير آجل

انتظري اسبوع وسوي فحص دم وان شاء الله تبشرينا

ما عندي علم اذا كان يبين بالسونار الداخلي بس المفروض يبين كيس الرحم من أول يوم حمل على حسب ما أعرف

ربي لا يحرمك ويفرح قلبك قريب

لا يا اختي ما يبين شيء
انا بالشهر اللي حملت فيه عملت التراساوند كفحص دوري قبل ميعاد الدوره ب 4 ايام يمكن
وسالت فيه حمل قالت لالا مافي شيء وبطانة الرحم تدل انه الدوره رح تنزل
وجا ميعاد الدوره وفات وما نزلت بالاخير طلعت حامل
معناته ما يبين شيء بالرحم الا بعد مرور وقت على الدوره يمكن 4 اسابيع ..

برايي اشتري فحص الحمل المنزلي من الصيدليه واعمليه اذا طلع ايجابي ان شاء الله معناته فيه حمل اذا سلبي معناته مافي حمل والموضوع مجرد لخبطه دوره..

بنت ابي

تسلمين حبيبتي
و يفرح قلبج انتي بعد ان شاء الله



كرستاله

انا بعد صار معاي نفس الشي



خلاص انشالله راح انطر شوي و احلل و اشوف شنو النتيجه




مشكورين يا قلبي :***

اشتري اختبار حمل من الصيدلية (فحص البول) وحطي نقطة بول حسب الارشادات وانت تعرفين إن كنت حامل أم لا

سويت تحليل منزلي اليوم و طلعت النتيجه ( yes + ) ولله الحمد D:

بس هل اعتمد ع النتيجه و لا مو دايما تضبط ؟!
لان بصراحه ما احب الابره و ما ودي اسوي تحليل دم p:

مبارك الحمل

اهتمي بنفسك حاليا وانتظري قليلا

وكلو على خفيف والجماع وشغل البيت والحركه والمشي واتدفي منيح


ان شاء الله خير يا رب

الف الف الف مبروك الحمل

ماشاء الله ولا قوة إلا بالله

ربي يتمم لك على خير حبيبة قلبي فرحت لك والله :)

الله يبارك فيكم ^_^
و يا رب تفرح قلوب كل من تمنت انها تصير ام و يفرح قلوبكم حبايبي باللي تتمنونه

و تسلمووون يا قلبي