|
ماهو افضل شي تتمناه البنت من خطيبها في الليله الملكه ..؟
السلام عليكم
اولا ماشاء لله تبارك الله منتدى رائع واعضاء مثل الورد عموما اود ان استفيد من خبراتكم في الموضوع ملكتي قريبه بعد يومين والصراحه ودي اسال الشباب والبنات بشكل خاص اش افضل ماتتمناه البنت من خطيبها في مثل هذه الليله يعني الكلام الحلو وهل في حد معين او فعل شي معين يعني يابنات اش اللي تتمنوه واللي متزوجه اش الشي اللي الى الان تذكريه وتفرحي بذكراه من الملكه واش الشي اللي ماسواه زوجك وكان نفسك يسويه يعني نقطه ضعف الرجل هي جمال المراه ونقطه ضعف المراه هي عاطفه المراه فباش تنصحوني ياشباب ويابنات وشكرا |
اولا الله يوفقك ويسعدك طبعا اذا دخلت عليها قبل يدها وراسها وامدح شكلها ولبسها ومافي حد للكلام الحلو تكلم زي ماتبي
وبعد انت لبسها الشبكه ذكرى ماراح تنسي وبعد لاتقول ماودي اتصور امم امم امم بس هاذا اللي عندي وربي يوفقك ويسعدك:14::14: والاعضاء ماراح يقصرون معك تحياتي |
شوفي ياختي
طبعا انا ممكن اتجرا واسوي اللي قلتي عليه لكن مش قدام اهلي او الوالده او حتى والدتها طبعا اشعر لو تجرات امام اهلي او اهلها يعني حتكون امور محسوبه بالنسبه عليا يعني مثلا الاهل حيقولوا انت من البدايه قبله يدها واش حتسوي بعد الزواج وياريت لاحد يجي ويقول الى متى ونحن بهذه الافكار ليش مانتغير لانه وبصراحه اللي رجله في الماء مش زي اللي رجله في النار وبعدين انا ممكن اتغير لكن من الصعب اني اغير وجهه نظر عند الكبار سواء من اهلي او اهلها الاباء والامهات نحن نتقبلهم كما هم ونحن نتشكل كما يريدون وياريت اللي عنده افاده ياريت يكتبها وان شاء الله اني اتجرا والله يجيب الامور على خير وياريت خبراتكم وارائكم وشكرا |
هلا بك اخوي انا مثلك خاطب واتمنى اني املك قريب وهالشي اللي قلته ودي اسويه مع زوجتي وانا فاهم قصدك بس انت يهمك سعادت زوجتك وبسطتها ولالا كلام الناس؟؟؟ وبعدين يقولون اللي يقولون زوجتك حلالك وانت سو اللي تشوفه
وترى حتى عندنا هالشي لاني من الجنوب وفاهم وضعك زين وانت ادرى بحالك وع فكره كلام (الناس كالتراب ان لم تذره الرياح فهو يداس ) وع كل ربي يوفقك ويسعدك |
ابي الأمان
ابي يعطيني احساس بالامان الحب لاحقه عليه ولو قالي احبك كذا من الباب للطاقة ماصدقته |
الى مستقبل غامض
كيف يعني يعطيني احساس بالامان الرجاء ان توضحي ياختي بادق التفاصيل لان هذا مانجهله نحن الشباب فيعني عالم حواء اكبر الجاهلين به هو ادم وعالم ادم واضح المعالم برضه قد يكون اكبر الجاهلين به هو حواء فوضحي واشرحي واستفيضي بس بدون تطويل ممل او اختصار مخل وطبعا الكلام لكل الصبايا افيدونا بارك الله فيكم بس بدون تطويل ممل او اختصار مخل وشكرا |
انا مع مستقبل غامض اهم شيء الاحساس بالامان يعني لا تصير انسان غامض قل طموحاتك وخططك الجايه وش تحب هي وش تتمناه في الحياه الزوجية يكون موجود عند الطرفين وش مفهوم الزواج ومسؤلياته عندها ..
خلها تحس انك مهتم بتفاصيل حياتها وشخصيتها .. واهم شيء خذ رقمها عشان تحس انك حابها وصدقني اهم شيء اول لقاء عشان تنجذب لك .. والله يوفقك يارب |
ياجماعه افيدونا بارك الله فيكم
باقي يومين فنريد فزعتكم انا اخواكم مبتدى في هذا المجال يعني ياريت تعطوني نصائح وتوجيهات وشكرا |
بالإضافة الى ماقالته بسمة امل
تعطيها إحساس بالامان عندما تتحدث معها بنبره رجولية واثقة ومتزنة , لكي تشعر الفتاة انها في حمى رجل تستند عليه, له احترامه ومهابته ايضاَ عندما تقول لها في اول لقاء بأنك سوف تسعدها بإذن الله و تضعها داخل عينيك وتغلق عليها عندما تخبرها بأن كرامتك من كرامتها , وسعادتك من سعاداتها , وانك ستكون امها وابيها وأخيها وهي كذلك عندما تطلب منها ان تكون اقرب انسان الى قلبها , وتعاملها على هذا الاساس بعد ذلك بفترة تبدأ في اعطائها تفاصيل ترتيبك لعش الزوجية , ماذا اشتريت, ماذا فعلت , ماذا اضفت , مع استشارتها في كل شيء , حتى ولو لم تأخذ برأيها , المهم تستشيرها , وتأخذ مافي خاطرها كذلك تعطيها انطباع انك متحمس للزواج ومهتم وحريص على الافضل في كل شيء حتى تكونان سعيدين ثم تبدأ في الحديث عن المستقبل , كيف تحبان ان تسير حياتكما , كيف ستربون ابنائكم , كيف تخطط لحياتك , مشاريعك المادية والحياتة , تصارحها بكل احلامك وامالك وفي خضم ذلك كله , تقوم بأفعال عملية تبرهن ماتقول, اياك ان تكون ظاهرة صوتيه فقط مثلاً كن واضح في علاقاتك الهاتفية , اخبرها مع من تتحدث ومن هم اصدقائك و لا تمانع في ان تطلعها على جوالك ايضاَ عندما تزورها تهديها اروع الهدايا , التي تتناسب مع حالتك المادية ومستواك بالطبع ايضاَ تهتم بشدة اذا مرضت , تطمئن عليها اذا خرجت وهكذا , لابد ان يصحب القول فعل هنا تشعر الفتاة بالامان , وتشعر انها منقادة لك وتحت جناحك , تشعر بالطمأنينة والراحة , تسند رأسها على كتفك وهي مرتاحة وهذا اهم شعورتحتاجه الانثى بعد ذلك سيتفجر الحب الحقيقي, وستنعم بإذن الله بزوجة عاشقة اسال الله ان يوفقك ادعيلي بالشفاء لو افادك كلامي |
اقتباس:
|
| الساعة الآن 10:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©