عندي استفسارين يا دكتور
 

السلام عليكم عليكم يا دكتور احمد..يارب تكون في احسن حال
انا الحمد لله الان في الاسبوع ال٢٢ من حملي وعندي استفسارين
اولا
لما امشي بخطوات سريعة اشعر بألم كأنه شد لأحد الاربطه او مش عارفة اوصفه غير انه ziehehnde schmerzen تمتد من من اعلى يسارالسرة الى اسفل يمكن مسافة ١٥ سم فهل الالام دي طبيعي علما انها بتختفي بس لما استريح من المشي

ثانيا
لما قارنت التحاليل المختلفة للبول في كل زيارة للطبيبة من اول الحمل لاحظت ان ال pH بتزيد فكانت في الاول ٥,٥ وزادت بالتدريج ووصلت اخر مرة ٧,٥ فياترى ايه السبب ممكن يكون بداية عدوى او التهاب مع ان باقي القيم في التحليل طبيعية وازاي احافظ على الpH في المدى الطبيعي
والف شكر يا دكتور

اه الام التقل دي طبيعية علشان الرحم لما كبر شد الأربطة ومنها واحد متصل خارج البطن ده غير بقية الاربة اللي ملهاش علاقة بالرحم بتبقى سايبة بسبب هرمونات الحمل
كل ده طبيعي جدا وبراحة على نفسك

التغير في الحموضة لوحدها مش مهم غالبا لو بقية الحاجات التانية طبيعية
بس خلي بالك اشربي مياه كتير بس وخلي بالك انك طبيعي ماتعطشيش في الشتاء بس لازم تشربي برضه ضروري جدا


ربنا يتمم لك على خير
Viel Glück

شكرا يا دكتورنا الفاضل..طمنتني جزاك الله خير
بس بالنسبة لموضوع المياه انا بحاول اشرب من لتر الى لتر ونصف في اليوم هل ده كفايه ولا لازم ازود الكمية لاني كده كده مضطرة اشرب عشان الامساك اللي بيخف شويه بسيطة ويرجع تاني
وألف شكر يا دكتور

على الأقل لتر ونصف وكتري الألياف في أكلك شوية

شكرا جزيلا يا دكتور ..هاحاول اشرب شويه زياده بس المشكله ان الواحد فعلا في البرد مش بيحس بالعطش
مرة تانية الف شكر وربنا يجعله في ميزان حسناتك