|
خطيبي مجنني
سلام..
هذي اول مشاركه لي بالمنتدى راقبه المنتدى عن بعد وشفت ان الاعضاء قلوبهم ع بعض ويقدمون النصايح بكل صددر رحب وحبيتي اقول مشكلتي يمكن القا حل عندكم انا مخطوبه من سنه و6اشهر تقريبا طعبا اهلي مشددين شوي ومافي طريقه اكلم خطيبي الا عن طريق المسن كانت السنه الاولى نتعرف ع بعض هو قلي انه يكلم بنات وقال انه راح يتركهم طبعا اول ماكان يهمني اذا يكلم او لا لاني ماكنت متعلقه فيه بس الحين الوضع تغير صرت اغار عليه وااايد وماابيه يكلم غيري والمشكله انو تقريبن من شهرين في المسن اذا كلمته مو دايم يرد واذا قلتله ليش ماترد ولا زعلت يقول وربي ارسلك بس كلامي مايوصلك ولين الحين بس يسالني كيفك وبس اذا جيت اتكلم مايرد وطلع الشهرين كذا اتكلم هو مايرد وانا مو عارفه هو صح كلامه مايوصلني ولا معد يباني والله خايفه يكون مايبني او طفش مني ومن سواليف والله حالتي النفسيه زفت !! |
حاولي تكلمينه تليفون اذا قدرتي عشان تتعرفين اكثر ترى المسن ماينفع بتاتا واذا يكلم بنات وانتوا مخطوبين معناها متعود على كثرة البنات حوله ولا يبي يعف ويصون نفسه بالحلال شوفي يا اختي انا اقول لك كلميه تليفون لازم عشان تشدينه من ناحيتك واذا شفتيه يلعب وحسيتي انه لعوب ممكن يخونك بعدين عاد استخيري وفكري لان هالنوع من الرجال تحسين قليل ايمان ومابعد يحس بالمسؤلية انك زوجته يفكرها لعب وفترة وبتعدي خليكي حازمه معه وممكن تنقطعي من مكالماته فترة خليه يشتاق لك ويعترف لك وحاولي تهددينه انه ممكن تغيرين فكرتك من ناحيته وانك ماتتحملين تشوفين حبيبك يكلم غيرك
|
بالعكس اشوف أهلك مو متشددين
فقط عندهم عدم حسن التصرف المتشددين هم من يجعلون خطبة ابنتهم وعقد القران لاتتعدى 3 شهر على بعضها اما فترة سنة خطبة بدون زواج هذا مايصلح والله يوفقك |
ماشاء الله يقولك انه يكلم بنات؟
وانتي ضايق صدرك بس لخوفك من ان يكون طفش منك ومن سواليفك ؟ ونفسيتك زفت عشان هالشيء؟ والله شيء يبشر بالخير طيب وش رايك تصادقين صديقاته وتسولفون مع بعض جماعي اكيد بتقضون على الطفش |
حبوبتي خطيبك يعني ملكة (كتب كتاب) ولاكيف ؟
لإنه ماينفع تكلميه إلا بعلم أهلك |
اقتباس:
احاول انني اكلمه يعطيك العافيه |
اقتباس:
امين يعطيك العافيه ع الرد |
اقتباس:
بعدين انا قلت اول ماكان يهمني الحين غير حبيته ومابيه يكلم غيري ويوم سرت اقول لاعاد تكلم بنات وكذا حسيته يطفش من كثرت اسلتي ويمكن علشان كذا مايرد ويقول كلامي مايوصلك!! مشكور اخوي ع التريقه |
اقتباس:
لانه زواجنا يمكن يطول شوي فقالو لاتكلمينه ولا يجيك ولا شي ...... |
يعني سنة كاملة والأمر على مايرام ...وفي الشهرين الأخيرة بدأ التغيير أختي على المسن مراسلة بالكتابة او عن طريق المكالمة ..؟ افترضنا إن المكالمة ما يسمعك. ليه ما يتواصل معاك باكتابة ثانيا غيري أسلوبك معاه تلطفي له ..لا تستخدمي أوامر..لا تتصل ...غالبا الرجل لا يتقبل الأوامر خاصة من زوجته فما بالك لسى ما تم الزواج |
| الساعة الآن 08:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©