|
والدي ماذا قدمت لك ؟
السلام عليكم ورحمة الله وبركاته
بسم الله ابدء اولا لفت نظري شيئ مهم واحببت ان اتناقش معكم فيه لي يومان واريد ان اكتب واتوقف وارجع اعود http://www.66n.com/forums/showthread...65#post2758365 عرفتو بابا مسافر كل وحده ذهبت ودخلت غرفتها واغلقت على نفسها الباب ليه اهكذا نعامل والدنا اعلم وقت يعود من السفر ستفرجون وتركضون وترتمون بحضن بابا واللي تنتظر الهديه الوالد والله مظلوم في الحياة معه حق انا لست فقط اتكلم عن والدكم هنا فقط هو حنون وما ان يرا ابتسامتك رح ينسى انو ما ودعتوه ها فتحت موضوع خاص لوالدنا كيف تعاملوه في بيوتكم صحيح نحن نعلم انه امك امك امك ثم اباك ولكن اباك ماذا قدمنا له ؟؟؟؟؟؟؟؟ لن اتطرق للام فهناك دروووووووس وصفحاااااااااااات ولن نكفيها حقها ولكن والدنا ف البيت كيف نعامله نفس المعامله هنا كما عاملتكم والدكم المستشار بابا الذي يتعب ويركض ويكد عرق ليطعمنا من عرق جبينه وقت يعود متعب الى الببيت من يستقبله هل اسرعتي الى الباب وابنتسمتي في وجههه هل حملتي عنه الحاجيات وهل ساعدتيه في نزع المعطف عنه وهل ساعدتيه في نزع الحذاء واعطيتيه الشبشب هل حنيتي ظهرك لتضعي له الشبشب في رجليه ام فقط وقت تريدي شيئ تركضين وتتدللين عليه لتاخذي ما تريدين يقولون في الامثال ان البنت لوالدها والولد لامه انتي ماذا ؟؟ هل انتي لابيكي ؟؟ هل تكوين له ثيابه هل تطعميه مما تأكلين ؟ وتقولي له : غصيت لك هل احضرت الحلوى ؟ وتقولي له : صنع ايديا وحياة عينينا لاحلى بابا في الدنيه هل قبلت وجنتيه ويديه ؟ هل مسحتي له جبينه ؟ الوالد عز ومسند ظهر وطيب رغم كل صراخه وعبسته ولكن ما ان نقترب منه فيتحول الى طيب انسان على وجه الارض ولو حتى ضربنا كملة بابا ام نحن لنأخذ فقط ووقت العطاء نعطي لاولادنا كما اعطونا اهالينا نعطي نحن لاولادنا امنا وابونا يرضون بابتسامه ولو بعد شهر الاهم انو يعلمون اننا بخير مثل ما نشعر لاولادنا يشعرون تجاهنا وعيت على الدنيه وامي تتعب ووالدي عصبي والله صوته يرعبني من بعد ..... ولكن امي تتعب فاخذت عنها ابي وطلباته هي فقط تعطيه تلبسه ولكن اعلم وقت القهوه والفواكهه هل جربتي ان تقطعي اكللك لتحضري القهوه او الشاي له او الفواكه او الحلويات افعليها مره وراقبي والدك زميلاتي في المدرسه كانو يسألوني : الا تخافين من والدك ؟؟ انا للحقيقه كنت رفيقة والدي منذ الصغر لا اعلم وعيت على الدنيه ويدي في يده امي لا تخرج من البيت الا نادرا جداااااااا انما اي تعلمت منه الكثير تعلمت منه صلة الرحم كنت اشاركه في توزيع الصدقات ها حطموك يا قلبي ما ان تغيرت في البيت وبدت تعمل حتى فرحت امها فيها واكيد والدها استقبالي لوالدي دائما وكأـنه عائد من السفرر اقبله وانا مبتسه احضر له الفواكه واحرص ان الاكل دائما يكون على الوقت امي حرام تتعبت كثيراااااااااااا ودايما يسبقها الوقت فكنت اهتم بابي لاجل ما يصب عليها احضر له كل شيء خفت حت العصبيه في البيت بنسبة 85 % الباقي ليس لي دخل فيه انتم اخبروني ماذا تفعلون اكتبو تنشوف وقت انزل من السفر ومعي سياره لا ارضى الا انا اوصل والدي للعمل وغير الدلال الكل يقول ويسأل : ماهذا لست مضطره فاقول : اريد ان اعوض وآخذ رضاه محرومه بالغربه هو يترضى عليي وامي ايضاااااااااااا ولكن ماذا قدمت انا لهم اللهم اطل لي بعمرهم يا رب ويحفظهم لي انتظر ردودكم |
يمكن ما تصدقيني لو اقول لك
اني متحطمه لابعد الحدود وقريت هالموضوع وكرهت نفسي اكثر وش اقول اقول لك انه هو اللي كان يدافع عني هو اللي ما يرد لي طلب هو اللي يفهمني هو اللي احسه يحبني صدق هو اللي ما جرحني وهو اللي ما خذلني وكلهم كلللهم بدون استثناء خذلــــــوووني بس هو لا كان معي ودايم يسأل عني واللي تسببو بكل شي نسيو وش اقووووول اقول ان مالي سند غيره اقول اني انحرمت من اشياء كثييييييير بعد ما انشل انشل وانا صغيره بس انقلبت حياتي كلها صح كل شي ابيه عندي مهما كان لكن لو هو اللي جابه واعطاني بيده غيييير اتمنى احضنه وابكي واقوله كل شي بخاطري تدرين اني مستحيل اقول لاحد اخواني امي صديقاتي عن اللي بخاطري هو الوحيد اللي ممكن اقول له بدون ما احس بإهانه اني شكيت لاحد ومع ذالك ما اقدر هو ما بيده شي ولا ابي ازيده على اللي فيه احبه واموووووت على التراب اللي يمشي عليه بس شفتي الاقدار كيف تسوي شفتي الدنيا ما تضحك لاحد الا وتبكيه دبل اللي استانسه دايم اساعده واحس اني ببكي كل مره لكن امسك نفسي احزن لما يضحك معي ويسولف احزززن محد يحس بكلامي الا اللي جرب موقفي لو اتكلم من اليوم لبكره ما اقدر اعبر عن حجم مصايبي وحزني الله يخليه لي والله لو اعطيه عمري ما اوفيه حقه اكبر فخر لي ان اسمي مرتبط باسمه يعطيك العافيه ماما قرين على الموضوع اللي بكاني من قلب |
ابكيتيني
اعطي وقت لوالدك صدقيني رضاااااااااااااه و الجنه مع الوالده امسحي دمعه كوني له رجليه التي يمشي فيها ابتسمي له الله يطول لك بعمره ويشفيه لك اجلسي قربه اجلسي قرب صديقك حبيبك اغمريه وضمي وشميه اطعميه بيديكي نظرة من عيونه فيها رضاااااااااااااااااااا كل يوم احبك اكثر من يوم كل يوم اتخيلك في البيت عندي تمرحين احبك حطوووووووووووووومه قبله على جبين الوالد مني له فخرا ان عنده ابنة مثلك |
تصدقين ياخاله انه موضوعك شدني
مع العلم صار لي 7سنوات بالمنتدى دائما اتردد بردودي وهي قله الا في قسم الدعوات وموضعنا عاشقات حلم الامومه والله والله كلماتك ابكتني بابا حبيبي وروحي وعيوني وكل دنيتي اموت فيه وفي التراب الي يمشي عليه افديه بروحي وليتني اقدر اعطيه من عمري عمر ثاني له ربي يحفظه لي ويخليه ويطول بعمره ياااااااااااااااااه ياخاله ما تتخيلين كثر حبي له مستعده لكل شي يطلبه مني والله تخيلي من اسمه بتلفوني الغالي ومره عمي شاف اسمه على تلفوني ضحك عباله زوجي قلت له لاهذا بابا كل اهلي وقرايبي يعرفوا حبي لبابا وهو بعد يحبنا انا واختي وصرنا على لسان الكل بقصة حبنا والله ويوم زواجي لما جيت اروح الصالون سلمت عليه قبل لا اروح وقعدت ابكي وابكي اكثر من نص ساعه وانا بحضنه حبيبي وتخيلي حبيبي كانت مفاجئته لي انه دخل علي بقاعة الفندق بالحفل وسلم علي وعدت نفس الموال قدام المعازيم مع العلم انه من عاداتنا عيب اهل العروس الرجال يجوا للعرس بس بابا غير حبيبي لدرجة انه امي تغار دائما يسرني بامور خاصه وامي ماتدر بس مع ذلك هي مو زعلانه لانه على قولتها انا نفسكم ما ابدل حبي لبوي ابدا عموما ما عمري فكرت اجرح او ازعل بابا ابدا وعجبتني هذه الجمله اكبر فخر لي ان اسمي مرتبط باسمه لحطموك ياقلبي فعلا امشي وانا كلي فخر انه ابوي ربي يخلي لك ابوك يارب ولايحرم كل بنت من ابوها الابو عزوه وسند للبنت محد يقدر يعوضها |
السلام عليكم
ليش هذه المواضيع المهيجة للمشاعر :) جرين ماتدري اننا بغربة و بعااد عنهم :(.. كل ما اشوف موضوع عن الاب او فلم .. دموعي تنزل اربع اربع الله يخليه لي و لا يحرمنا منه يارب والدي حازم ... مايحب الحال المايل و لا الدلع الزايد بس بنفس الوقت ماحرمنا من حنانه و حضنه و دلاله باعتدال يعني ماسك شعرة معاوية معزته عندنا كبيييرة انا و خواتي بينما الاولاد مايلين لامي اكثر اتذكر وقت كننا كلنا سوى .. اول مايرجع من الشغل اختي الصغيرة كانت بنت 3 سنوات تجري تجيب له الشبشب و انا اجري اجيب له الماء و الثالثة بس ترتمي بحضنه و تبوسه :) بعد مايرجع من شغله مايحب يطلع لمكان يحب ينام و يصحى يقعد معنا و جنبه كوب الشاي واحنا مجموعين حوليه .. على الغاز و نكت و مواقف قديمة مضحكة واحيانا نسوي تمثيليات الي تسوي مذيعة اخبار و اللي مذيعة احوال جوية :) يسوي لنا دوري في الشطرنج و الرابح ياخذ جايزة مالية .. بس وقت الجد و اذا قلب الوجه الثاني كنا نرجف مكاننا :) الله يخليه و لا يحرمنا منه يارب الحمدلله لليوم علاقتنا كووويسة لازم كل 4 ايام اتصل عليه و اشوف اخباره و اذا ما اتصلت هو يتصل عليا .. لما ننزل للوطن .. اقعد معاه .. اطبخ له و اكوي له و اسوي له الاكلات الي يحبها حتى هو يقول اني ادلله اكثر من امي الكلام الحلو و المدح صديق والدي .. يحب نمدحه كثير و انا ما اقصر لدرجة يقولي الله يستر منك من وين جايبة هاللسان ماندري نصدقك و لا لا :) بالليل ضرورري اجيب الكريم و اجلس عند رجوله فديته و اسوي له مساااااج و ينبسط و يدعي لي من قلبه وافرح بدعواته كثير .. خالة خليتيني ابكي الله يسامحك و الله فقدته كثير لي سنة ماشفته ربي يخليه فوق رؤؤسنا يارب و مايحرمنا منه و لا من امي يارب و يطول بعمرهم و يعطيهم الصحة و العافية و يشوفوا اولاد اولادنا يارب |
مريت و ماعرفت ارد ؟
بس ربي يخليكم لبعض :) |
رووووووح الطير يا حنونه انتي
حبيبتي انتي انا حبيت الصبايا يقتربو من والدهم تسلمي لي ادخلي وحاولي تكتبي ان قدرتي لازم البنات تتعلم وانتي قدوه للبنات بالتعامل مع اهلك وحبك لهم ما تزعلي حبيبتي انتي انتي ولد صالح يدعو لهم ويتصدق عن روحهم حلم حياتي ونوراااااااااا فرحت بكم كثيراااااااااااااااااااااا هيك ها خلونا نخرج وتتعلم البنات اعرف نوراااااا انو مغتربين انما شو نعمل الحمد لله رب العالمين انو يوجد نت نكلمهم فيه تصبحو على خير نعسااااااااااااااااااااااانه انتصف الليل عنا وفوقو شويه |
تم نسخ الرد رقم 2 ولصقه في الرد رقم 1
|
والله ياجرين ماعاوزين منهم حاجه
بس يترحموا علينا بعد مانموت ويقرولنا الفاتحه |
كنت داخله بحماااس عشاان أكتب
بس حطوومه كسرت مجاديفي بلغة الحزن اللي داخلها وهي تكتب دوووبه ياحطوومه.. الله لايحـرمك من والدك .. |
| الساعة الآن 12:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©