|
انا اطمح بالزواج من فتاة رائعة الجمال ليس بفتاة جمالها عادي اواقل
السلام عليكم ..
حبيت افضفض .. ممكن ؟ سبق اني حطيت موضوع وقلت اني تقدمت لبنت ومرتاح لها غالبا الا انه احيان تجيني نوبات من التفكير اللي احس انه بلا بهرج ولا اي زخرف .. القصة باختصار اني تقدمت للبنت وشفتها لين قلت بس ومع ذلك ماني مثبت شكلها وانا ماادري حتى هل هي جميلة والا عادية , وهل فيها مسحة جمال أو لا .. طلعت من المجلس اللي كانت فيه البنت واهلي وانا اقول ايوة ايوة خلاص , وانطلقت الاصوات المزعجة اللي يسوونها الحريم بفمهم , هالحركة اللي ماناقص فيها الا انوار زرقا وحمرا وتصير دورية .. وفرحوا اهلي وفرحوا اهل البنت والبنت بعد , واصحابي جاهم خبر فوري وفرحوا هم بعد .. يعني حسيت جيوش واقفة على راسي , وفرحت انا بعد ولكن ماادري هل كاان فرح حقيقي والا فرح بسبب الضغط الغير اجباري اللي حسيته ؟ احترت واحترت وحترت ثلاثاً , كلمت احد اصحابي المشهود له بالعقل والمشورة والجميع يستشيره , هون علي الموضوع وانها وساوس ابليس وانه شي طبيعي وفيه ناس يحتارون بعد الشوفة ووو الخ .. سلمت انا للامر الواقع على طريقة خلاص يارجال مش امورك واللي يكتبه الله بيصير .. صحيح تمشي اموري كويسة لأيام ولكن لاتلبث الافكار ترجع لي ويحق لها ترجع لأنها ماراحت على حجة وبينة واضحة .. راحت على كلام كله احتمالات وظنون وانه قد تكون وساوس شيطان وووالخ .... كيف يروح الخوف نهائيا على ظنون ؟؟ كيف اتخيل اني أتعامل بطريقة مشي حالك, مع موضوع حياتي الاول وهو الزوجة .. هالموضوع اللي دايم كنت معلق خيالي فيه من نعومة اظفاري على انسانة صاحبة جمال اكثر من العادي ؟ ايوة انا منذ طفولتي كنت اعيش في خيال مع انسانة رائعة الجمال , دايم اتخيل اني مع حبيبة لي رائعة في الجمال واني سأرزق بمثلها لما اكبر .. مدري احد زيي والا انا لحالي ف ذا الشي ؟؟ واخرتها أطيح بانسانة اعتقد ولست جازما ان جمالها مابين العادي إلى القليل من الجمال .. الاحلام كل هالسنين تروح في ليلة وضحاها .. وليش أحس اني مرتكب جريمة لما أفكر بانسانة رائعة الجمال والقوام والعقل ؟ ليش يحسسوني ان البنات اللي بهالوصف ماانخلق منهم الا ثنتين او ثلاثة من عهد آدم عليه السلام ؟ وبعد ليش يحسسوني ان البنت الحلوة مطبوع على جبهتها عظمتين وجمجمة ؟ وانها تحمل بين جنبيها شيطان مريد ؟ وليش بعد احس اني مو كويس لما أقول ابي انسانة حلوة كثير , وليش أحس ان ربي بيعاقبني جزاءا لي على اني اطمح بالزواج من فتاة رائعة الجمال ؟ وليش احس اني بطال وسخيف لما افكر برفض بنت بسبب تواضع جمالها ؟ وارجع استغفر , بسم الله وليه طيب ؟ نفسية البنت بعد هم آخر لي .. ماابي اكسر خاطرها مع ايماني ويقيني انه مهما بلغ ضيقها من فركشة السالفة بعد ان علم به اقاربها وزميلاتها , فهو قبل العقد اهون منه بعد العقد بحيث يصير لقبها مطلقة .. وبعد مشكلة اخرى وهو انه ابوها طالب مني مؤخر جامد, يعني لو طلقت بعد العقد وبعد ان وقع الفاس في الراس فأمامي نكبة اخرى قد تحرمني من التقدم لأخرى فترة طويلة لأني سأكون في ضائقة مالية .. لاإله الا الله , ارجوا انكم تدعون لي لأني فعلا اعاني .. ساعدوني بالدعاء .. |
شكلك مش مقتنع اقتناع كامل من البنت بعد محاولاتنا في تهدئتك في موضوعك السابق .. بشور عليك مادام انك ماشفتها زين اطلب شوفتها مره ثانية ومافيها شيء ممكن تتحجج انك ماشفت الا شعرها لانها كانت منزله راسها وقل لأخوها يكلمها وانت يمه عشان تنتبه لها لانها بترفع راسها واذا تبيها تحط مكياج قل لاخوها خلها تحط مكياج بس ما أظن راح تستجيب البنت مره ثانية للموضوع بس جرب عشان تقطع الشك باليقين مع اني ودي تتوكل على الله بس اذا تطمح للجمال زي ما انت شايف وراغب راح تتعب على بال ماتلقى ويمكن ماتلقى والجمال ترى بعد فترة بتشوفه عادي وراح تهمك اخلاقها وتعاملها معاك وحنيتها
|
السلام عليكم ورحمة الله وبركاته
اخي الكريم اطلب من اهلها انك تشوفها بس تكووون رابطه شعرها لانك المره الاولى ماشفت الا شعر هذا سبب والسبب الثاني انها ماشافتك وانت تبيها تتزوجك وهي مقتنعه فيك قل لهم انا ماانام محتار ابي اشوفها واتطمن ؟؟؟مو مساله انها حلوه بس مهم الراحه بين الطرفين وانك تشوفها زين واستخير وخلك لبق بطلبك |
أنت مو محتار بزاويه ..
أنت مــــوســــوس بزاويه .. خطيبتــــك حلـــــــــــووووووووه .. واللي أنت فيه من والوسوسه الزايـدة لاأكثر ولاأقل .. بعطيـك تمرين بسيــط جـدا .. كلما فكرت بموضوع الجمال ونسبته أشغـــل نفسك أطلع مع زملاك جب صينية حلا وفطاير وأجمع الأهل وأشغل نفسك بجلسه حلوه معاهم .. خذ نفسك للمشى مع أي شخص ترتاح له .. سجل بنادي .. شف ملتزمات الزواج أطلـع على القاعات من اللحيـن خذ عنها فكره .. .. يعني بالمختصـر .. لاتجلـس لحالك وتسمح للأفكار تزيد عليك .. .. وعشان أريحك أكثر .. البنت ماتطلع بدون مكياج ألا وهي وااااااااااااااااااااااااااااااااثقه من اللي عطاها ربي .. |
من حقك أنك تحلم ببنت جميله جدا وتكون ذات دين وقوام وخلق وأكيد موجوده وأنخلق منها كثير ,,
والتوفيق من الله سواء مع بنت جميله جدا أو عاديه أو حتى مافيها من الجمال ذره وكل شي ياأخوى نصيب فى نوعيه من الناس إذا ماحصل على المواصفات الى فى باله مايقدر يمشى حياته ولايقدر يتقبل الطرف الأخر أبد وأعرف أشخاص من هالنوعيه وايضا بالمقابل فى ناس تتأقلم مع الشريك مهما كان شكله وتتقبله ومع الوقت تحبه من طيب عشرته ,, بس لاتتزوج بنت الناس إذا أنت مومقتنع بجمالها على أساس أخت صديقي وبمشي حياتي وهالكلام هذا زواج مولعب . لازم تقتنع فيها 100% أطلب تشوفها مره ثانيه لازم تشوفها وهذا حقك أذا أنت يهمك الجمال لهالدرجه وكنت من النوع الى ماتقدر تتنازل عن المواصفات الى ببالك وممكن هالشي يأثر على أستقراركم وحياتكم,, بس أحب أذكرك بشغله مهمه قبل لاتتخذ اي قرار الجمال والشكل مع الوقت بتتعود عليه واذا حبيتها راح تشوفها الأجمل بين كل نساء العالم والمهم العشره الطيبه |
وهي من حقهآا تحلم بفارس أحلامـ يحمل آياآت الكماآل و الوفاآء ووو وجميعـ صفات الرجولة ومع ذلكـ فرحة فيكـ بنقصكـ ومخلصة لكـ سبحاآان الله شتاآاآن بين وفاآاء الأنثى و ،،، عموماآا أتمنى أن يكتب اللهـ لكـ الخير ،، وإن كنتـ تظن ولو بنسبة 1% أن شعوركـ هذا سيستمر إلى مابعد الزواآجـ فأبتعد و اعلمـ أن المشكلة مو فيـ البنت المشكلة عندكـ داخلية ولابد أن تعالجها قبل أن تجرح مشاعر البنت معـ إنني أحسـ من كلامكـ أن البنت جمييييلة جدا وتحمل مواصفات مميزة جدا أتوقع من النادر أن تحصلهاآ واعتذر عن القسوة ولكنـ أحببت أن أدلي بدلوي |
الســــــلام عليك ورحمة الله وبركاته هلا بك اخي ...أنا حسبت موضعك هذا ستبشــــــــــرنا بأن وافقت وإنتهى الأمر !!! ولكن يبدو أنك متردد والسبب لا شي ..........أوهام وتخيلات وشيطان لك بالمرصاد أخي ايش رأيك أخطبها أنا إذا لم تريدها............هون على نفسك أراك غرت عليها صح ...أعصابك !!! لذا أنت تحبها ..........أعتقد انك غرت .........لا تخاف هي لك أنــــــا قد رديت عليك في الموضوع السابق ...ولكن أضيف أيضا أخي العزيزإذا تريد إمرأة جميلة جدا وكاملة المواصفات, مواصفاتها فوق ما تتخيل هي موجودة وأنت تدري أين هي ...............؟ أخلي الإجابة لك أخي العزيز خليك واقعي لقد اشار لك البعض في الموضوع السابق أن تذهب وتراها مجددا ..هل فعلت ..؟ إذا لم تريدها ...............لا عليك من ناحية أني قد تكلمت والناس عارفين ..أهون بكثير وهي واثقة من نفسها وبأخلاقها وجمالها ستتزوج عاجلا غير آجل .....لا تخاف من ناحية نفسيتها كم يوم وتنسى الأمر وكأن ما صار شي .المهم الآن أنت ......سؤالي لك أفترضنا إنك تزوجتها ..بس لم تكون على ما تريد هل سيكون لك الأمر عادي وتكون قد المسؤلية ..؟ أو ترجع في نفس التفاكير وترتكب أمراً لا يحمد عقباه ..جاوبني بصراحة أخي |
الله يجملها بعيونك
|
وعليكم السلام ورجمة الله وبركاته
ترا اللي تمر فيه من أفكار وقلق بخصوص جمال خطيبتك إنت اللي سببته لنفسك و سالفة إنك تبيها جميله جدا..ليش أهلك قبل الشوفه ماوصفوا جمالها لك ؟؟! كلم أحد من خواتك وخلهم يصفون البنت لك بدقه أكثر.. عجبك الوصف زين ما عجبك خلاااص لا تؤذي بنت الناس وياك! |
مشكلة والله !
|
| الساعة الآن 11:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©