![]() |
هل أجلب عاملة للمنزل ؟
السلام عليكم جميعا
طبعا من زمان ما دخلت المنتدى والله مشتاقه بس شنسوي للوقت بهاي الايام يركض ركض ومو محلقين على شي في دنيانا وهنا تكمن المشكله انا طبعا مقيمه في دولة الامارات صارلي 8 سنوات من اول ما اتزوجت والحمد لله مرتاحه ...الله يديم هالبلاد بخير على اهلها وعلى جميع العرب يارب ما عندي اي احد من اهلي في الدوله ولا من اهل زوجي نهائيا انا وهو وبس ...بعد مرور سنه صارت عندي بنوته وفرحت فيها ...طبعا كاي وحده يصير عندها بيبي تنشغل معاه وتزيد المسؤليات والسهر والى اخره ..بس اختكم سنعه ومسيطره على الوضع تمام >>>>متأثره بالدعايات انا اقوم بشغل البيت والبنت وزوجي وضيوفي على اتم وجه ولله الحمد بدون مدح بنفسي مرت سنتين وصارت عندي بنوته ثانيه ....وشي اكيد بتزيد المسؤوليات والتعب لانه صاروا اطفال اثنين وابوهم والتنقل من مدينه لاخرى على حسب رزق زوجي والبيت والضيوف واذكر الضيوف دائما لانه اسبوعيا يكون عندي ضيوف ....بس اختكم بعدها سنعه ومسيطره على الوضع تمام وما اشكي نهائيا وزوجي يقولي اجيبلك خدامه وانا لالالا والف لا معقوله انا بعدني صغيره واكدر على بيتي وبناتي وكل شي وانا كنت احب اتحرك في البيت بدافع احافظ على رشاقتي ونشاطي وحيويتي ...ونروح ونيجي ورحلات مع اصدقاءنا وابدع في المطبخ في الطبخ والحلويات والمعجنات وانا الحمد لله اسوق وشغل زوجي طويل يعني اتسوق للبيت مقاضي واودي المستشفى لو حد من البنات اتمرض واودي المدرسه واروح احفظ قران وعال العال مرت اربع سنوات وصارت عندي بنوته ثالثه ........وهنا انقلبت حياتي 180 درجه اصبحت اسابق الزمن حتى اكدر على الاقل انظف بيتي اطبخ الغدا ادرس بناتي ...وطبعا بين هذا كله فواصل بنتي الصغيره ها بكت ها جاعت ها تريدني اجلس جنبها والا تظل تصرخ ...البنت الصغيره متعلقه في لدرجه انا ما تريد ابوها واحنا جالسين حتى وهي شبعانه حتى وهي مرتاحه ونظييفه صار عمرها ست شهور وانا كرهت نفسي بهالست شهور وكرهت حياتي ....اذا اريد اروح دكتورة اسنان ما اكدر لانه من بيجلس عند بناتي ...اذا اريد اروح صالون ما اكدر ...شغل البيت صرت مو ملحقه عليه ....للاسف بطلت اروح احفظ قران لانه يكون الساعه تسعه الصبح واحزن اخذ بنتي وهي لسه صغيره واحرمها من نومها .....بطلت اودي البنات للمدرسه لانه لازم لما اوديهم اخذ بنتي الصغيره معاي كلما رحت اوديهم ولا ارجعهم الظهر صاروا يروحن في الباص المدرسي ...ما ظل عندي وقت اسوي طبق حلو ولا صينيه معجنات ...صرت اكره اطلع اي مكان لانه بتزعجني بنتي وصرت اكره احد يجيني البيت لانه اموووت تعب مع الضيافه والبيت والبنت ...باختصار صرت اكره كل شي كلت ما في حل غييييييييير اجيب خدااااااااااااامه ...طلبت من زوجي وقال حاضر بس الحاضر هاي صار فيها غش اشوي مره يقولي يعني انتي محتاجه خدامه ومره يقولي اخاف تتعودين على الخدامه وتصيرين كسوله بعدين ...وفي الاخر يقولي تكاليفها عاليه ...بس مراح اظلمه وقال طالما انتي محتاجه بجيبيلك وحده بس انا متردده جداااااااا .....لانه اذا جت الخدامه لازم ننقل لانه ما عندي حاليا بسكني غرفه لها مع اني مرتااااااحه جدااا بسكني واسع وجديد ...يعني تكاليف نقل وسعر اعلى لانه راح يكون في غرفه خدامه حسب الاسعار اللي شفناها ....خلينا من هذا كله ...خايفه اخسر راحتي الشخصيه في لبسي وجلستي مع زوجي ...وخايفه ما تكون بنت حلال وتاذي بناتي ...ومخاوووف كثييييييييره وانتوا ادرى بمشاكل الخدم انصحوني هلاجيب خدامه واريح نفسي من ضغط البيت والتنظيف على الاقل واربح اني اهتم بشكلي وصحتي ....ولا اقاوم وتظل حياتي كلها تعب في تعب بس اربح حريتي في بيتي الله يخليكم ادري طولتها عليكم بس ما عندي احد استشيره ....للعلم دوام زوجي يبعد عني ساعه ونص يعني يطلع الساعه 6 الصبح ويررد الساعه سبعه او 8 بليل وهكذا كل يوم ...يعني يجي مالا خلق يسوي شي يريد بس يرتاح وانا واقعه فيها مشكورين مقدما |
الله يختارلك الي فيه الخير.. استخيري وادعي .. إذا متخوفة من وجود الخادمة على طول .. ليه ماتجيبي خادمة بالساعة أو باليوم؟؟ والله يعطيكم خيرها ويكفيكم شرها.. |
خليها تجي و من يوم يجي زوجك هي تجلس بغرفتها
و لو مافيش مكان تنام فيه، خليها تفرش لها عالارض بغرفة بناتك او الصالة و تنام مؤقتاً |
الخادمـه سيئاتها أكثر من محاسنها ..
أحدى بنات الرسول صلى الله عليه وسلم أتت لمنزله تريد خادمه تساعدها في منزل زوجها .. ولم تجد الرسول صلى الله عليه وسلم وعادت وعندما أتى أخبرته أحدى زوجاته فذهب لمنزل أبنته في الليل وهم نائميـن وقال لها ..في ما معناه .. قبل أن تنامي قولي .. سبحان الله والحمدلله ولا أله ألا الله والله أكبر ثلاث وثلاثون مره .. تعينك على عملك في المنزل .. .. وأنا بنفسـي أتبعت هذه الأذكار قبل النوم وفي أثناء الشغل سبحان الله أخلص قبل الوقت المطلوب وبشغل أحسن مما أتوقع .. سواء في البيت أو المطبخ او التقديم للضيـوف .. .. جربيها وراح تستغنيـن عن فكرة الخادمه .. |
مع فكرة الخادمة بدوام جزئي ... تجي مرتين بالأسبوع مثلا لمدة 6 او 7 ساعات تعطيكي راحة ونفس .
الخادمة الدائمة مشاكلها كثييييييييييرة وفعلا ما راح تاخذي راحتك ببيتك . خاصة وان مشكلتك مؤقتة وبمجرد ما تكبر بنتك الصغيرة راح ترجعي لروتينك الأول .. نشاط وسناعة ورضى على النفس :) |
اقتباس:
معاها مليون بالميه .. يعطيك العافيه اخت بيتا ..‘ |
اقتباس:
حديث مرفوع) حَدَّثنا سُفْيَانُ ، أَخْبَرَنِي عُبَيْدُ اللَّهِ بْنُ أَبِي يَزِيدَ , أَنَّهُ سَمِعَ مُجَاهِدًا ، يَقُولُ : سَمِعْتُ عَبْدَ الرَّحْمَنِ بْنَ أَبِي لَيْلَى يُحَدِّثُ ، عَنْ عَلِيِّ بْنِ أَبِي طَالِبٍ ، أَنَّ فَاطِمَةَ بِنْتَ رَسُولِ اللَّهِ صَلَّى اللَّهُ عَلَيْهِ وَسَلَّمَ أَتَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ ، تَسْأَلُهُ خَادِمًا ، فَقَالَ : " أَلا أُخْبِرُكِ بِمَا هُوَ خَيْرٌ لَكِ مِنْهُ : تُسَبِّحِينَ اللَّهَ عِنْدَ مَنَامِكِ ثَلاثًا وَثَلاثِينَ ، وَتَحْمَدِينَ اللَّهَ ثَلاثًا وَثَلاثِينَ ، وَتُكَبِّرِينَ اللَّهَ أَرْبَعًا وَثَلاثِينَ " , ثُمَّ قَالَ سُفْيَانُ : إِحْدَاهُنَّ أَرْبَعٌ وَثَلاثُونَ ، قَالَ عَلِيٌّ : فَمَا تَرَكْتُهَا مُنْذُ سَمِعْتُهَا مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ، فَقَالُوا لَهُ : وَلا لَيْلَةَ صِفِّينَ ؟ قَالَ : وَلا لَيْلَةَ صِفِّينَ . حَدَّثنا سُفْيَانُ ، حَدَّثنا عَطَاءُ بْنُ السَّائِبِ ، عَنْ أَبِيهِ ، عَنْ عَلِيِّ بْنِ أَبِي طَالِبٍ رَضِيَ اللَّهُ عَنْهُ , أَنَّ فَاطِمَةَ أَتَتِ النَّبِيَّ صَلَّى اللَّهُ عَلَيْهِ وَسَلَّمَ تَسْأَلُهُ خَادِمًا , فَقَالَ : لا أُعْطِيكِ خَادِمًا ، وَأَدَعُ أَهْلَ الصُّفَّةِ تُطْوَى بُطُونُهُمْ مِنَ الْجُوعِ ، أَلا أُخْبِرُكِ بِمَا هُوَ خَيْرٌ لَكِ مِنْهُ ، ثُمَّ ذَكَرَ مِثْلَ حَدِيثِ عُبَيْدِ اللَّهِ الأَوَّلِ إِلَى آخِرِهِ . حَدَّثنا سُفْيَانُ ، حَدَّثنا حُصَيْنٌ , عَمَّنْ حَدَّثَهُ ، قَالَ : فَقَالَ لَهُ عَبْدُ اللَّهِ بْنُ عُتْبَةَ : وَلا لَيْلَةَ صِفِّينَ ، قَالَ : وَلا لَيْلَةَ صِفِّينَ ذَكَرْتُهَا مِنْ آخِرِ اللَّيْلِ . انا مع رأي الأخوات اللاتي أشرن الى جلب خادمة تعينك على بعض اعمال المنزل بالساعة لا احب وجودهن بالمنزل وطالما انك امرأة غير عامله احتفظي بحريتك واستقلاليتك في بيتك أفضل .. والوضع مؤقت الى أن تكبر الصغيرة ربي يحفظهن لك |
اشكركم جميعا ...بس فكره الخدامه بالساعه جربتها برمضان بعد ما ولدت بشهر واتفقت مع وحده تيجيني 3 مرات في الاسبوع لمده خمس ساعات بس للاسف هذول الخادمات ما يلتزمون يعني تيجيني يوم وعشره ما تيجي ...تتصليلها ما تردلك وتحرك اعصابك
تيجي تشتغل على هواها ما يعجبها تعلميها ولو علمتيها تطبق يوم وتنسى ثاني يوم وفوق هذا كله ما يداومون الجمعه وانا احوج ما اكون للخادمه يوم الجمعه لانه يكون عندي ضيوف بس بالفعل مع اهالسلبيات هذي كلها وانا افكر اني اعتمد على اللي يداومون بشكل جزئي ...واحيانا افكر مثل ما كالت اختي وح الطير اني من وقت معين اخليها تجلس بغرفتها وقت ما يكون زوجي في البيت ...والله يعين مدري بعدني محتاره وشكلي بصلي استخاره |
شوفي امي جربت اللي عن طريق الاستقدام وعلى طول معك بالبيت
بس يبي لك تنتبهين منها زين لان عليهم حركات مالها داعي واللي تجي كل يوم كمان حلوه لانها على طول تشتغل وتروح ملتزمه يوميا تجي من غير ما نتصل عليها وانتي بعد خليك شديده معها يعني جت تاخذ حقها كامل ما جت اخصمي عليها وخليها بالشهر احسن عشان تنجبر تجي يعني مو تشتغل اليوم تاخذ فلوسها اليوم لا تشتغل طول الشهر ونهاية الشهر تعطينها راتبها وبالتوفيق يالغلا |
عندي حل
انتي الان حايسه ومتخبطه ومن وصفك لحياتك فعلا تحتاجي عامله منزليه تساعدك .. جربتي حل العامله المنزليه اللي بالساعات بس تضايقتي منها لانه ما بتتواجد دائما عالاتفاق وانتي في امس الحاجه لها .. اذا الان الخيار الثاني هو الاستقدام.. استقدام عامله منزليه بدوام كامل ولكن الفرق انه انتي مارح تخليها عندك سنتين او ثلاث لا راح تخليها عندك الين تحسي انه رجعتي تسيطري على الوضع ونفسيتك هدات وبنتك الصغيره استقر وضعها وقتها بيعيها على اي مكتب استقدام وارجعي استخدمي العاملات اللي بالساعه لانه لو وقتها خلت بيكي وما جات على موعدها انتي مارح تضرري كثير لانك مو جدا محتاجه لها نفس وضعك الان... وبالنسبه للنوم خليها تنام بغرفة البنات بس خلي الباب مفتوح بالليل او انتي كل شويه شيكي عليهم وان شاء الله خير |
الساعة الآن 07:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©