|
زوجي طلب مني خلع جراباته فرفضت..فما رأيكم؟
بسم الله الرحمن الرحيم صاروا الرجال يفهمون الرجولة شيء ثاني زوجي يريد إمرأة تعبده ببساطه كان يطلب مني مرات ان اقبل يديه ظناً منه بأنها دليل على طاعتي له فكنت أوافق طلب مني اليوم أن أخلع له جراباته علماً بأنها ليست اول مرة سبق وطلب مني ووافقت ولكن اليوم فاض بي الكيل من استعباده رفضت وقلت له لماذا هل الرسول كان يطلب من زوجته خلع نعاله؟ طبعا غضب وقالي خلاص اطلعي برا الغرفة تكلمنا بعدين بشكل عادي ومافتح الموضوع ولا انا فتحت الموضوع فما رأيكم يا اخواني؟ لماذا يريد الرجل استعباد المرأة وكأننا في زمن الجاهلية؟ مثل هذه الطلبات تعتبر اهانة للمرأة لماذا الرجال يعتبروها مجرد طاعة للزوج؟ هل من حقي الرفض؟هل سيحاسبني الله بأنني لم اطع زوجي بمثل هذا الطلب؟ استغفر الله واتوب إليه استغفر الله واتوب اليه |
شوفي يالغاليه
انا ماني ضد خدمة الزوجه لزوجها ولا انا ضد ان المرأه تسوي اللي امرك فيه زوجك ، تدرين ليه؟؟ لان هذه الاشياء البسيطه العفويه يكون لها طابع قوي في قلب الزوج حتى لو ما تكلم بس هو في داخله وفي قرارة نفسه مرتاح ورح يزيد احترامه لك كزوجه لكن بشرط مثل هذه التصرفات تأتي من تلقاء نفسها وبدون أي طلب مثلا : أول ما يوصل من الدوام ويكون تعبان ماهو بقادر يسوي شي، او وقت ما يكون متعب وغيره وغيره و في حالة انه طلب أكيد انتي رح تعرفين قصده من نبره صوته( اي انه مايكون في نبرة صوته تقليل من شأنك أو الغاء لشخصيتك) وكل واحده مننا اعلم بزوجها والله يهدي لنا ازواجنا ويهدينا لهم ( اللهم آآآمين) |
انا ما ادري البعض من الرجال شلون يفكر
يعني بتقبيل يده او خلع جواربه او الاشياء الثانيه بيبرز رجولته يعني المشكله فيه اللي فاهم معنى القوامه والرجوله غلللللللط يعني ليه ما يكتفي بانك تلبين باقي طلباته وطاعتك له بالاشياء الثانيه في نظري رفضك هو الصح الله واكبر وش هالعجز اللي واصل لهالدرجه وانتي ادرى بزوجك ومعنى طلبه اذا فيه حب اذلال واستعباد فلا تعطينه وجه او مجرد طلب عابر ما يقصد فيه شي فنقول عادي مشيها |
اعتقد الامر جدا عاااااااادي انا اسوي هالشي مع زوجي وابوس رجوله بعد اذا صارت نظيفه طبعا ههههههه
فالفعل في حد ذاته عادي الا على قولة الاخت اتعبني فراقك اذا كنتي تحسين في نبرة صوته تقليل وتسلط هذا شي ثاني والله يألف بينكم يارب |
حبيتي خدمة الزوج تجي من دوون طلب منه يعني اخدمييه من عيووونك ومن قلب زوجه محبه وبدوون مقاآآآآآآبل يعني لاتقصري خصوص لما تقولي يطلبني ابوس ايديه ليش يطلبك ..؟؟ ليش مو انتي اللي تسويهااا بدووون طلب منه هو شخصيته كذا يشوف احترامك له بهاالطريقة بوسه على ايديه على راسه خلع الجراب وووووووووو .... مع اني اشوفهااا عاديه وأقل من عااديه لزوجي وتآآج راسي .. في زوجاات بتنظف زوجهآ وبتروشه وتحممه .. الزوج ياامآآمآآ طفل كبير يحتآآج للعناااايه يبغيك ادلعيه يجي من دوامه تبوسيه من راسه .. وايديه .. وتحضنيه .. تقابيله بأحلى وارق ابتسامه تقوليله كلام يقطر عسل .. .. توديه الغرفه تخلعي ثيابه وجرابه وجزمته تتدخليه الحمام تحمميه ,, كل هالأشياااء والله بسيطه في حق الزوووووووووووووج خصوص انه يتعب ويشقى ويكد علشاان خاطر عيوني وآولادي ...
موفقه ..** |
عزيزتي ..
الموضوع جدا بسيط بس أنتي الله يهديك كبرتيه شووي .. وش رايك تاخذين طلبه من ناحيه ثانيه .. وهي ان زوجك حابب تنزلين جواربه .. لأعجابه بطريقـتـك وأنتي تزلينها .. برقتك وأنوثتك .. .. أين انتي من مقولة .. كوني لزوجـك أمه يكن لكي عبدا .. |
اقولك شي انا كزوجه اقبل يد زوجي اذا جا من دوامه كل يوم ماحس فيها اي نوع من العبوديه بلعكس يقولي الله يرضا عليك وماتدرين شلون هالكلمه تاثر بي مره ماحس انه بين الزوجين عبوديه وكرامه الا اذا زوجك من النوع المتسلط هذا شي ثاني
|
والله ياقلبي هالشغلات تفرق حسب الزوج وطريقته وتعامله وايش قصده منها
بعضهم تكون من باب الحب والميانه وبعضهم من باب الاهانه فرقي بين القصد اذا قصده اذلال واهانه لو يموت لاتنزلين له شرابه ولاتبوسين يده واذا العكس عطيه اللي يبيه وزياده |
اتوقع انك ماتحبينة
والله عادي اخلع شرابة وابوس رجولة والبسة الجزمة(تكرمون) انا تشوفها مافيها شي |
, عَنِ أَبِي هُرَيْرَةَ رضي الله عنه , قَالَ
رَسُولُ اللَّهِ صَلَّى اللَّهُ عَلَيْهِ : " لَوْ كُنْتُ آمِرًا أَحَدًا أَنْ يَسْجُدَ لأَحَدٍ لأَمَرْتُ الْمَرْأَةُ أَنْ تَسْجُدَ لِزَوْجِهَا " . |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©