|
مطلق ولديه طفلتان وفتره طلاقه مالها الا 6 شهور
اسعد الله اوقاتكم بكل خير
في البدايه اشكركم على الموقع الرائع لان لي فتره ادخل الموقع واعجبتني كثير الرود والحلول العقلانيه اللي فيه راح ابدا بموضوعي واتمنى القى الجواب الشافي تقدم لي شخص مطلق ولديه طفلتان والشخص سالنا عنه وطلع شخص كويس واخلاقه كويسه و سبب زواجه يبي وحده حنونه على بناته سبب طلاقه على كلامه انو ام طليقته شخصيتها قويه عليها وطلقها عشان هالسبب الى هنا والموضوع عادي عندي لكن المشكله انو فتره طلاقه مالها الا 6 شهور بس وهذا الشي اللي يخليني افكر اخاف يكون زواجه مجرده ردة فعل لاني اشوفها فتره قصيره جدا انو يقرر قرار مثل كذا حابه اعرف رأيكم |
اذا وافقتي حط بالك احتمال كبير يرجع طليقته موفقه يارب |
أهلين أختي ..
لا بالعكس هذا متأخر :) الرجال ما عندهم وقت يطلقون من هنا ويملكون من هنا اللي بعد اسبوعين واللي شهر واللي 3 أشهر .. يعني خوفك ماله مبرر بس لحظة : ليه تاخذين مطلق ؟ إذا إنتي توك بنوته إنتظري لين يجيك شاب ما سبق له الزواج وخلي المطلق للمطلقة .. عموما بالتوفيق يا وخيتي والإستخارة لا تنسينها |
استخيري
وانتبهي لايكون يريد تأديب زوجته او يريد غيرها ليرى من افضل مقاصد الرجال هاليومين غريبة واكثروا من السؤال عنه يسر الله امرك |
إذن العيب في أمها وليس فيها بالدرجة الأولى!!
وذكره السبب بهذا الشكل يقلقني يا أختي وماذا لو تحسنت الأمور في المستقبل وهدأت عواصف أمها؟ هل سيعيدها؟ وأنت ماذا سيكون قرارك حينها ؟ هل ستفكرين بالطلاق والإبتعاد؟؟ أم الصبر والرضى لأن الأمر فيه مصلحة الفتيات بالإضافة إلى أن الرجل طيب كما ذكرتي ؟؟ وهل تستطيعين صبراً على رجل سبق له الزواج ومعرفة النساء؟ وقد تأتي مناسبات عدة تلوح لك بأنه يتذكر شيء من أيامه معها فهل سيؤثر هذا عليكِ؟ وهل تطيقين احتمال الفتيات وتربيتهن التربية التي ترضي ربك عنك؟ أجيبي عن هذه الأسئلة بعد قرائتها عدة مرات والتمعن فيها وأنت طبيبة نفسك والزواج حياة كاملة مستقلة تقوم على أكتافك أنت وشريكك وليس كمثل حياتك في بيت والديكِ فاحذري.. بالإضافة إلى أن الرجل الذي سبق له الزواج وفشلت حياته وتزوج بأخرى سيكون لديه رواسب أو كما نقول بعض العقد ويخشى من تكرار الأمر فلا تجدي في بعض الأحيان مرونة كافية فيه فإن مازلتي صغيرة اكفي نفسك العناء.. |
استخيري والله يوفقك يااااااااااااااااااارب
|
اقتباس:
رائع ردك بارك الله فيك اختي اقرأيه جيدا ولاتتركي الاستخاره في كل اوقاتك وفقك الله لما فيه خيرا لك |
| الساعة الآن 10:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©