منتدى عالم الأسرة والمجتمع - قررت أتزوج دعواتكم

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - قررت أتزوج دعواتكم (http://www.66n.com/forums/showthread.php?t=233007)

قررت أتزوج دعواتكم

السلام عليكم :

أنا ادري أن البعض بيقول عني أناني وظااالم لزوجتي ولكني قبل كم يوم اتخذ قرار بالزواج وطلبت من واحد من الشباب يشوفلي وحده في البدايه يكون بالسر من غير ما أعلم الاهل وعقبها ربنا يحلها .

أنا حاولت ويا زوجتي وقبل أسبوع تواصلت ويا مستشار أسري يعلم الله حاولت فيها عشان تتواصل وياه وهي مثل الطوفه سااااااكته ودموع أربع أربع , عرضت عليها موضوع لوحاتها أني أصورهم وأنزلهم تدرون شو ردت " هذه أشياء تخصني وما أحب أحد يدخل مرسمي شفتني مره من يوم ما تزوجنا دخلت حجرة ملابسك الخاصه فيك أنا عاد هذيج الساعه ضحكت وقتلها الله يخلي البشكاره قايمه بالواجب وتدخل حتى حجرة رقادي "
موضوع السفر ترجيتها بدال المره مليوووووووووووووون مره وهي رافضه تسافر وياي .

قبل كم يوم صارت بيني وبين أختي مشكله كنت مضايج رحت دخلت عندها الحجره وقعدت أعلمها شو صار بيني وبين أختي وأني ندمان على اللي صار وقعدت أسالها شو أسوي بكل بروووود من غير ما تتكلم خذت الموبايل وقالت خذ واعتذر منها وانتهت السالفه ليش انت تحب المشاكل أنا جنيت وقتلها أنا أحب المشاكل وقعدت أصارخ عليها قالت أنت اللي ياي لغاية حجرتي وتناقشني بموضوع ما يخصني فيه ولحين قاعد تصارخ عليا قتلها انتي حرمتي ومافي فيها شيء اذا جيت وسولفت وياج قالت انا ما أحب الكلام الكثير قمت وأخذت الموبايل مالها وكسرته بس بكل بساطه قامت هي وخذت اللاب مالها وحذف على الارض كان ودي هذيج الساعه يوم شفت للاب جدامي على الارض أعطيها طراق على خدها يمكن تستوعب اللي تسويه فيني .

خلالالالالالالالالالالاص تعبت انا صرت الاسم متزوج لاني قادر اخذ حقوقي منها ولا أتفاهم وياها وهي مافي على السانها غير وديني بيت أبوي .

دعووواتكم الله يوفقني بوحده تعوضني عن اللي شفته من لجين .

الله يوفقك باللي اقدرك وتسعدك .. الصراحة ما اقدر الومك .. لو مشكلة لجين وقفت على موضوعها مع والدتها كنت قلت انها معذورة لكن واضح انها ما تعرف حقوق الزوج ولا تربت على المشاركة والمراعاه واحترام الاخرين .
المفروض انها تقدر وقفتك معها وصبرك عليها .
الله يهديها .

أخت بيتا الله يجزاج خير صادقه والله لجين تعودت على ان طلباتها مجابه ولا أحد يرفض لها طلب وموضوع امها زاد الطين بله .

الله يوفقك أخوي وينولك اللي فبالك
بصراحة ماقريت مواضيعكم بالتفصيل يادوب لمحات عشان كذا مو عارفة شسالفة لجين غير أمها وبدون تفصيل
والله يهديها الأخت لجين
هل تقدر تحاول معها محاولة أخيييييييرة وبعديبن تلجىء لآخر حل وهو الزواج
او ماعندك نفس تحاول
هالشي راجع لك وأفضل إنك تصارحها بهالخطوة عشان يمكن تحس وتتغير
بالتوفيييق

انا تابعت مشكلة لجين... و بصراحه انت كفيت و وفيت معاها...

الله يرزقك الزوجه اللي تعفك... الرجل و المرأه كلاهما يتزوجان ليعفوا انفسهم... ما فائدة الزواج إذا هالشي انتفى؟؟؟

و بصراحه في اشيا منها تقهرني... و الدلع الزايد اللي حصلته يلعب دور في اللي قاعد يصير...

لكن رجاء... هذي المره احسن الإختيار... و فكر في بنت الناس اللي بتتزوجها... و إذا كنت تبي تتزوج بالسر في البدايه... فرجاء لا يطول اكثر من شهور قليله فقط... لأنها راح تكون زوجتك على سنة الله و رسوله و من حقها تكون موجوده في العلن.. من حقها بعرس و كل شي...

الله يوفقك... و يصلح بال لجين و حالها...

اقتباس:

المشاركة الأصلية كتبت بواسطة روح المساء (المشاركة 2763463)

يا بنت الحلال أنا حاولت وياها شعري شاب ولي يشوفني يسألني بلاك تعبان , يعلم الله أني أحبها واموت فيها ولكنها ما عطتني مجال شو الفايده من حبي لها وانا أحس بروح الحرام من وراء أفعالها حتى زواجي قررت يكون بسر خوفاً من اهلي مب منها ولا هي مب على بالها سالفه وكم مره تقولي عادي بس طلقني اول شيء .

ودها بيت أبوها و تفرغ لجياتك الجديدة
مبروك مقدما و الله يوفقك يا رب

أنا فكرت أوديها بيت عمي لكن قلت يوم حدد موعد زواجي بوديها .

الصراحه ياخوي دامك مومقصر معاها بشيء

وشايف انه وضعك بيسمحلك بالزواج ..

وانو وضعك بيستاهل ...(( الصراحه مابعرف شو قصتك مع لجين ))

فعلى كل حال الله ييسر امورك ويرزقك بالي تقدر وضعك

وتعرف حقوقك .. وتسعدك كزوج

موفق ابو خليفه

انا اقول تزوج ........... اهم شي احسن الاختيار

لا تطلقها خلها على ذمتك

موفق يارب