وليش ما تكلمنه .. ؟؟ كلميه ونص سكوتك بيضرك وابدا مب حل لانه بيتمادى

حبيبتي انتي بعدك صغيره وعمر زواجك اصغر ما دام انك في البداية تعلمي الحزم وخلي عنك البكاء والزعل والضعف
الغلط غلط لا تقولين بينكر او يمكن يتصلح مع الايام .. اذا ما وضحتي موقفج من تصرفاته الطايشه الحين
صدقيني بتتعبين بعدين .. خليه يعرف انك مستحيل ترضين بالتصرفات هذي

قولي له : يا ولد الناس عيب رجل بطولك وعرضك عندك الحلال وتدور الحرام انا ما ابي بكره ابو عيالي يكون
بهالاخلاق وهالتصرفات .. ما ابيك تخاف مني لكن خاف من اللي خلقك ورزقك بنعمة الزواج اللي الكثير يتمناها
ومو محصل .. انا استاهل منك الاحترام قبل الحب .. واللي ما ترضاه على نفسك لا ترضاه علي .. انا بعيش
مره وحده وما ابي اعيش في هم وغم وكدر وحرق اعصاب .. كل شيء برضى فيه الا الحرام ..

خليك حازمه وقويه بدون بكاء ولا صراخ بكل هدوء .. لما بيشوفك قويه بيحسب لك الف حساب
وغلطتي غلطة كبيرة لما سكتي على اتهامه هذا شرف حبيبتي مو لعبة .. من اليوم لا تسمحين له يهينك ويسيء
لك بأي كلمة او فعل ..

الله يفرج همك ويسعدك ويهدي زوجك