صينية فراخ بالبطاطس من مطبخ الشيف مونى بالصور
 

السلام عليكم ورحمة الله
دى اكلة سهلة للعرايس والمبتدئات وبتبقى حلوة اوى فى العزومات
بس قبل ماكتب اى حاجة عنها
متنسونيش فى الدعاء ان ربنا يفرجها عليا ويرزقنى بالزوج الصالح
نبدء بقى ياقمرات
المكونات
فرخة بلدى

4 بطاطس

مقادير التتبيلة
بصلة

م ك مستردة

2 م ك صويا صوص

ملح وفلفل

م ك بابريكيا

2 م ك خل

ليمونة

بشر جزر اختيارى

قليل من الزعتر الناشف

هنخلط مقادير التتبيلة مع بعض ونتبل بيها الفرخة كويس وندعكها كويس ونتبل مابين الجلد والعضم

هنسيبها يوم بايتة فى التتبيلة

هنجيب صينية نقطع فيها 4 بطاطس وعليهم رشة ملح وفلفل

نحطها ع النار يعنى البطاطس بس لونها يتغير هنشوحها يعنى

بعد كده نجيب الفرخة نحطها هى والتتبيلة على البطاطس

نغطى الصينية ونسيبها ربع ساعة على البوتاجاز لغاية ماالفرخة تجيب ميتها بعد كده قلبت الفرخة بعد كده ندخلها الفرن

انا عملتها فى فرن الكهربا على حرارة 180

هتقعد حوالى ساعة فى الفرن

بعد ساعة الا ربع نجيب شوكة عشان نشوف الفرخة استوت ولا لسة

ان كانت استوت هنطفى

وهندخلها فرن البوتاجاز ونشغل الشواية عشان تاخد لمعة من فوق

ونغرف وتتاكل بالهنا والشفا

هسيبكم مع الصور بالترتيب والتفصيل


http://i43.servimg.com/u/f43/15/33/51/98/117.jpg

http://i43.servimg.com/u/f43/15/33/51/98/216.jpg

http://i43.servimg.com/u/f43/15/33/51/98/317.jpg

http://i43.servimg.com/u/f43/15/33/51/98/418.jpg

http://i43.servimg.com/u/f43/15/33/51/98/520.jpg

http://i43.servimg.com/u/f43/15/33/51/98/617.jpg

http://i43.servimg.com/u/f43/15/33/51/98/718.jpg

http://i43.servimg.com/u/f43/15/33/51/98/818.jpg

http://i43.servimg.com/u/f43/15/33/51/98/918.jpg

تسلم يدك يا اختي الكريمة فعلا طبق بسيط و شهي

الله يرزقك بالزوج الصالح و الذرية الصالحة و الصلاح بالدنيا و الآخرة

بانتظار جديدك من الأطباق الشهية و الاخبار السعيدة

مرحبا بالشيف موني بيننا

حياك الله .. وصفة شهية والدجاج المشوي من احب الاكلات عندي

بجرب تتبيلتك باذن الله وابلغك بالنتيجة

عوافي

حياكِ الله شيف موني
واسأل الله أن يرزقكِ بزوج صالح وذرية صالحة نافعة وتذوقيهم هالطبخات الحلوة

ماشاع الله عليك الله يعطيك العافيه أكلك شهيييييي
بس عندي سؤال أش هي المسترده