|
تزوجت وتعبت من الغربه ارشدوني .
السلام عليكم
أكتب مشكلتي ودموعي على خدي أتمنى من الجميع مساعدتي والوقوف معي في مشكلتي أحتاج رأيكم أولا الحمدلله أن رزقني بزوج صالح ولله الحمد عانيت في الحياة وتقدم بي العمر وكنت أتمنى أتزوج وأدعي ربي يرزقني بزوج يسافر للخارج كنت عايشه حياة كلها مشاكل ودعيت ربي يرزقني بزوج يكون له بعثه في الخارج توقعت الغربه سهله المهم تزوجت ولله الحمد وفي أيام الخطوبه كان الوالد يقول لي ترى الرجال يشتغل بالخارج عندك إستعداد تتحملي الغربه قلت نعم مايحتاج أنا كبيره المهم تزوجت الآن سافرت مع زوجي طبعا زوجي متزوج يوم عندي ويوم عند زوجته مافكرت قبل الزواج بهالنقطه توقعت أنا راح نسكن مع بعض لكن لما سافرنا هي لها سكن وأنا لي سكن الآن لي فتره قصيره جدا مسافره تقريبا أسبوع وزياده لكن تعبت من الغربه كل ما كلمت أهلي بكيت تعبت أذا زوجي طلع لزوجته أبكي ساعتين أو أكثر فكرت أرجع لأهلي الحمدلله زوجي عادل بينا ماقصر معي ومرتاحه بس أنا ماقدرت أتأقلم مع الغربه والله العظيم دايم أفكر أطلب الطلاق وأرجع لأهلي وش فايدة الغربه!!!!! وش رآيكم شورو علي قبل لا أتخذ قرار أندم عليه وش رآيكم أنا فكرت لو طلبت الطلاق يمكن ربي يرزقني بزوج في السعوديه وقريب من أهلي والله ما أحد أجبرني على الغربه على الأقل يوم يكون عند زوجته أقدر أزور أهلي الغربه صعبه قولو وش رآيكم ما أبي أرتبط بعيال بعيدا أندم طبعا بعثة زوجي باقي لها 3 سنوات يجلس بالدوله 10 شهور وينزل السعوديه شهرين بس!!!!!! ما أتوقع أصبر وش رآيكم تعبت من الدموع ساعات أقول هذا الشيطان يوسوس لي وساعات أقول كيف أقول للوالد عن موضوعي متزوجه لي فتره قصيره جدا شهر لكن السفر لنا أسبوع وزياده وش رآيكم أتخذ قرار وأرجع لأهلي ماقدرت وربي أتحمل الغربه والشي الثاني أهلي محتاجين لي كثييييييييييييير أنا لهم الساعد الأيمن أفكر كل يوم بأمي وأبوي ياربي وين عقلي وأنا أختار قرار الزواج ساعات أقول كيف أواجه الناس وأنا مطلقه وساعات اقول راحتي أهم وش لي بعذاب الغربه مو أنا أول وحده تتطلقت غيري كثير انتظر ردكم لاتتأخرون علي تعبت أبكي |
أختي تناهيد ألف ألف مبروك الزواج ثانيا الغربه مره ولم يذق طعمها إلا من أغترب مررت بنفس تجربتك عندما أغتربت عن أهلي ولكن ولله الحمد أستطعت
التغلب على هذه المراره والصبر أصبري وأهتمي بنفسك وبزوجك وبيتك وأتركي عنك الشيطان هو من يوسوس لك ذالك وأبغض الحلال عند الله الطلاق لماذا الطلاق أليس لأجل الغربه وانت من تمنيت ذالك طالما الزوج قائم بجميع حقوقك فدعي منك الشيطان ونزغاته ولاتكوني كما قيل ( جنت على نفسها براقش ) ضعي لك جدول تشغلي به نفسك قرأة قرآن تعبد بيتك ونفسك وأشغال أخرى ترضي الله ولاتغضبه الجدول يكون عندما يكون زوجك عند زوجته الأخرى ولاتكثري الأتصال بأهلك وماتمرين به هو بسبب تحولك من عزباء إلا متزوجه وكذالك الغربه أيام قلائل وتتأقلمي على هذا الوضع ويتنهي إبتعاث زوجك وتعودون إن شاء الله لأرضى الوطن سالمين غانمين أسئل الله لك التوفيق .............شااااب |
يالغلا الغربه فتره وتعدي لكن الزوج الصالح لاراح ماتظمنين تلقين غيره صالح
انا حاليا اعيش غربه لي خمس سنوات متزوجه ومتغربه وظروفي قريبه منك كل سنه كنت انزل لاهلي شهرين ثلاثه الحين لي سنتين مانزلت والحمدالله صابره بعد ثلاث شهور بننزل نهائي حاولي تتأقلمين مع الوضع ودام زوجك طيب وعادل احمدي ربك والباقي يهون واهلك ربي موجود مايضيعهم وصدقيني لاتطلقتي ورجعتي بشيلون همك زياده هم اكيد فاقديك بس فراحانين انك ببيت زوجك نصيحه محد نادم من الطلاق الا انتي انتي باي دوله تعرفي على ناس واشغلي نفسك والايام تمشي وبكرا تصير لك ذكرى* |
مشكور شاب على الرد
واسمح لي الشاب مو مثل الفتاة الشاب يقدر يطلع يغير جو البنت لا في البيت أنا في دوله مافيها عرب أكثرهم دول أجنبيه ما أعرف لغتهم والجدول الحمدلله عندي جدول لمراجعة القرآن الكريم وأحاول أكتب روايه لأشغل وقتي دعواتكم لي |
دنيتي بك جنه
استفدت كثيرا من ردك خاصة ماراح يستفيد أحد من الطلاق إلا أنا أدري الأيام تمشي بسرعه لكن أنا في دوله مستحيل أتعرف على أحد كلهم أجانب ما افهم لغتهم مافيها عرب كثير زوجي تخيلي وقته مابين عمل ويطلع لزوجته أحاول أشغل وقتي لكن الشيطان يوسوس لي كثير المشكله زوجي أستأجر لي سكن مدة 10 شهور يعني فترة إقامتنا في بكين لو أقول له برجع لأهلي ما أدري و ش موقفه الله يصبرني الله يصبرني الله يصبرني |
هلا بك تنـاهيد الأسى ..
أنتـي قررتي الزواج وعندك خبر لسفره للخارج .. كل مافي الموضوع عدم تأقلمـك على الغربه فقط لاغيـر .. أسعدني في أحد ردودك أهتمامك لقراءة القران الكريم .. زيــــدي من أهتمامك فيه فسيكون السبيل لنجاتك من الحـزن في الغربه .. انتي اللحيـن مالك ألا أسبـوع .. طبيعي كل اللي تمرين فيه .. وغلط في هالمـرحله تقررين العوده أو الطلاق .. أهلك محتاجينك بس فرحانين بزواجك وبتقلبين فرحتهم بتفكيرك بالطلاق .. الأهم الآن .. مـداومتك على الأذكار ليطمئـن قلبك .. واذا زوجته الأولى ماعندها مانع من زيارتك لها .. أستئذني منها تزورينها وتقـضين وقت معاها .. أكيد فيه نادي للملحقيه السعوديه يرعى نشاطات كثيـره ,, ألتحقـي به وطوري من مهارات كتاباتك في مجلتهم .. أشغلـي وقتك بأشياء تفيدك .. مو أشياء تهدم حياتك .. ووفقتـي ويسر الله أمـرك .. |
غاليتي ... ربي يصبــــــــــــــر قلبك .. ذكرتيني بموضوع أحد الأخوان قبل أيام شال زوجته معاه بالخارج .. وظلت تبكي ووو أتمنى إنك ما تصيرين مثلها.. الغربة تحتاج قلب ورباطة جأش . أنت وافقتي عليه وتعرفين ظروفه.. إن شاء الله فترة وراح تتعودي عالوضع .. والحمدلله زوجك رجل عادل . ومرتاحة من وضع الزواج .. استغلي وقتك أكثر .. تعلمي لغة البلد اللي إنتي فيها.. وإن شاء الله الأعضاء راح يفيدووك من تجربتهم .. خصوصا عدد منهم ما زال بالغربة. ومثل ما قالت العزيزة عيوني .. حاولي تبادلين الزوجة الأولى بالزيارات .دام إنك واثقة ما راح يفتح للمشاكل بينكن .. الزمي الدعاء والاستغفار .. ربي يسهل عليك الغلا: |
ارى انك انسانه جدا عجوله في قراراتك دون النظر لنتائج تلك القرارات ..!
عندما قبلتي بمعدد ومقيم فالخارج .. لابد ان ياخذ بالحسبان الحياة مع متعدد والغربه .. والان وبسرعة البرق تريدين الطلاق ..! لابد ياعزيزتي ان تتحلي بالصبر والبحث على كيفية التأقلم مع الحياه الجديده ..‘ الطلاق لا يكون الا بعد استفاذ كل المحاولات وانت هنا جعلتيه اول الحلول ..! وعذرا منك ِ لا ارى هناك مشكله حقيقية تستحق الطلاق .. والكثير من الاخوات هنا يعيشون في الغربه راح يفيدونك باذن الله بكيفية التاقلم والاستفاده من الوقت .. هوني عليك ِ .. |
أختي لا تعجلي بقرار الطلاق الذي لا يفيدك في شيء الا الحسرة والالم أنا متأكدة أنك ستندمين كثيرا إذا اتخذت هذا القرار فهذا ليس حل أبدا وما دام زوجك انسان ملتزم وعادل بينكما فعليك بالصبر وادعي الله أن يرزقك الاولاد واقرإي القرآن وقولي لزوجك بأنك تتألمين كثيرا من الغربة ربما يقول لك تزورين زوجته الاولى ويخرجك في بعض الاحيان عندما يكون في عطلة واهتمي بنفسك وبزوجك والله أتمنى لك حياة سعيدة بدون غربة من هذا اليوم إن شاء الله. أختي حتى أنا عندي مشكلة خائفة أعيش الغربة بعد الزواج أنا مخطوبة من شاب يعيش بأمريكا وأنا أسكن بالمغرب والله حتى أنا خايفة كثيرا من الغربة عندما خطبني هذا الشاب رفضته وقلت له لن أقدر أن أعيش في الغربة فقال لي اطلبي الزوج الصالح والحياة السعيدة فقال لي عندي أصدقاء مغاربة متزوجين وتتعرفين على زوجاتهم ونأتي كل عام لزيارة العائلة بصراحة استخرت الله وارتحت بعض الشيئ لكني أختي ما زلت أتخوف من الغربة وعندما قرأت مشكلتك زاد خوفي عزيزتي أصيكي جيدا لا تطلب الطلاق فالطلاق ليس حل إن شاء الله عندما يرزقك الله بالابن الاول أو البنت أكيد ستزول الغربة الله يسهل عليك ويفرج عنك اللهم ابعد الغربة من قلبها واسعدها وفرح قلبها دائما اللهم آمين والسلام عليكم.
|
اتفق مع لا تظلمونه
حبيبتي ليش انتي مستعجله.. مافي شي يجي بسرعة .. اصبري كثير بنات عاشووا بالغربة و معروف ماتتاقلمي الا بعد 6 شهور على الاقل و انتي تووك داخلة البلد .. زيك مغتربة ,. و اذكر اهلي و ازعل و ابكي فترات .. بس بعدها ارجع انشغل باعمالي و انسى طول ما انتي فاضية راح تحسي بالملل و تقارني بين الغربة و الوطن ... شوفي ياعسل .. **ممكن تسألي زوجك اذا في مسجد قريب (لا تستغربي .. اكيد بتحصلي مابتكون مساجد كبيرة و مااذن ... بس مراكز اسلامية .. فيها اقسام للنساء بتتعرفي على نساء عربيات و بتنشغلي بانشطة.. **خليه يدخلك كورس لغة ,, ** كيف علاقتك بزوجته الاولى هل ممكن تتواصلوا ؟؟؟ على الاقل تقللوا من غربة بعضكم البعض **حكاية انك ترجعي لاهلك ما اويدها .. لانه بعدك عنه بيولد الجفاء و انتي لساتك عروسة جديدة ومافي عندك رصيد كفاية معاه من العشرة و الحب .. لذا خليك عنده و حببيه و علقيه فيك افضل لك ** بكرة باذن الله تحملي و تنشغللللللللللللللي **عندك كل وساءل التواصل من ويب كام و مسن و واتس اب افتحي على بيت اهلك و شوفيهم طول اليوم ... الله يوفقك و يسعدك |
| الساعة الآن 11:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©