تعبت من تشدد زوجي وتصرفاته
 

السلام عليكم

ببدا بذكر مشكلتي مباشره ..

وهي التشدد الزائد من قبل زوجي في امر خروجي من االمنزل ..وكل سنه اشد تعقيد من اللي قبله

السوق ماطلع له الا بطلعة الروووح , وبعد تعقيدات منه يطلعني ومن غير نفس ...وعلى فكرة ماطلب السوق الا للحاجة الضروريه فقط

مع العلم ان السوق قريب من بيت اهلي وبامكاني اخرج مع احدى اخواتي , لكن رافض الروحه والجيه له تكون بسياره ... طيب قلنا مو مشكله اخواني ينزلوني السوق ويرجعوني ..
برضوه يرفض ..
اليوم وعدني بعد ,معاناة وبعد ووعود منه , طلعت نص ساعة وكرهت عمري , حتى انه قال بنتك انتي تمسكينها ماعلي منك , مارحمني وقال هذي حامل بالتاسع انا امسك يد البنت واريحها

بالسيارة حصلت مشاداة بيننا قال / عسى تمر سياره تصدمك وتموتين

جرحتني كلمته حيييييل وكل ماتذكرها تنهمردموعي ..

نفسي اطلع لاي مكان من غير مايذلني .. الاسبوع اللي فات رفض زيارتي لصديقتي في بيتها او في احدى المنتزهات ...

ولا فكر مرة يعزمني برا .. طول وقته روحات وجيات مع زملائه ... امس طلب مني اسلفه مبلغ علشان يعزم اصدقائه بمكان برا ..
والله حزت بخاطري بقوه , وانا زوجته ما فكر مره يعزمني لمكان..


لو اطلب منه انزل السوبر ماركت اختار اللي نفسي فيه , لو بطلب من اروح محلات الاثاث واختار اللي ابغى لازم يرفض ... مع العلم ان كل شئ من حسابي هو ما يدفع ولا ريال ...
حتى لو بروح مع اخواني يرفض ..

انسان يعشق كلمة (لا )على حساب نفسيتي

صبرت كم مرة , بس اليوم وصلت حدي منه ,وعند اهلي , لاابغى اكلمه ولاابغى اشوفه

يابعد قلبي الله يقرج همك ويحنن قلبه عليك ماحبيت اقرا واطلع وما ادعيلك

يوه يعني لا هو اللي يحب يرفه عنك و مانع أهلك برضو من الخروج معك
::
هل عندك أطفال؟
هل انتي موظفة؟
::
و لماذا تعطيه المال إذا كان بهكذا جلافة معك
لااااا يستحق
..
أيضا حسسيه انك متمللة
يعني مثلي شوي بالكآبة و خليك دايم سرحانة
و لما يسألك قولي لا ما في شيء
يمكن يحس ,,,و يتلحلح

:(
يممه هو صاحي ذا الله لايبلينا بس
ماسألتيه إيش سبب رفضه الدائم للطلعة ؟ تناقشتي معاه قالك شي
بالنسبة لي أحس لازم يطلعون الأزواج او العائلة ولو مرررة في الأسبوع تتغير النفسية وينعكس هالشي
على التعامل في المنزل او الأداء بشكل عام ومن جميع النواحي
والله حرام لاطلعة ولاشي وغير كذا النكد
إنتي إنسانة من لحم ودم ولك مشاعر ومن حقك تطلعين تشمين الهوا
لازم تكلميه وتوضحين له هالشي وتتفقين معاه مثلا اليوم الفلاني من هالشهر فضي نفسك نروح السوق
وحطي لك قائمة بأهم الطلبات من ملابس أدوات منزلية كماليات والسوبرماركت
وإعرفي إيش هيا الأماكن اللي بتروحي لها عشان لايتملل من كثر اللف
وإذا عنده سبب بالنسبة للأسواق مثلا قالك شباب او زحمة ومن هالكلام أطلعوا فترة الصباح او الظهيرة مررة فاضي وتاخذون راحتكم وعلى رواق
برضو ماأشوف فيها شي لو رحتي مع اهلك تخففين عليه المشوار والتعب

نسيت شي بالنسبة لسالفة الفلوس ليه تعطيه ؟ إيش السبب هو يشتغل ولاكيف او فلوسه تخلص بسرعة ؟؟
أقولك شي لاتعطيه إذا الطلعة حارمك منها وينكد عليك
وهو بكل بساطة يجي يطلب منك مافي حيا مو شايف نفسه مقصر معاك من هالناحية
الله يعينك ويفرج همك

1) أكثري عليه من الكلام الجميل.
2) أشعريه بالتزامك بأوامره ورغباته.
3) خذي منه ما تريدين بالتغنج وخلافه.
4) ادعي الله كثيراً بأن يليّنه ويليّن قلبه.
5) لا تجعليه يدعو عليك.
6) اختاري أوقاتاً مناسبة لطلب هذه الأمور منه.. إن رفض وكرر الرفض فقولي: من تريده أن يقوم بواجبات زوجتك وأبنائك؟

صرخه حب
مشكوره علي دعواتك ، جزيتي خيرا

الممسداني /
ايوه موظفه وعندي طفله
قد اعطيه المال لانه لايبقي في رصيده شي من المال ، فاضطر اعطيه
وبالنسبة اظهار التملل والسامه ماعتقد تجدي معه ، لم يرحمني مع دموعي واسماها دموع التماسيح
بل وبخني وقال : ماتستحين تبكين وانتي بهالعمر ام وعندك طفله ، وش خليتي للاطفال
يظن اني جدار بلا احساس بلا مشاعر

روح المسا/
دايم اتناقش معه ، بس النقاش عقيم
يقول انا كذا تبغيني ولا روحي لاهلك
وبالنسبة لكلمته جات بعد استفزازه لي باني ساخرج من غير مايدري ، طبعا ماراح اسويها بس قلتها مقهوره منه
بالنسبة للفلوس هو عنده وظيفه راتبها زهيد يروح علي الاقساط التي تخصم منه ، لكنه من ناحية التدبير المالي زيرو

البليغ /
جميع النقاط التي ذكرتها اطبقها ماعدا الاولي فانا مقلة فيها

لا تظلمونه/
النقاش معه عقيم بكل الطرق ، ما ينفذ الشي الا اذا خلاص نفسي عافت وكرهت الطلعه

الله يعينك صراحة
يمكن يحن قلبه لما يصير عندك عيال كثر بيحنون عليه
,,
لكن لا تعطيه مالا للترفيه عن نفسه!!!
هل تتوقعين منه ردة فعل عنيفة لو رفضتي كأن يضربك لا سمح الله؟