|
أمي بعد كلي يبدو أنها تحسدني مالحل ؟
السلام عليكم ورحمة الله وبركاته صباح - مساء الخير على الجميع كيفكم ان شاء الله بخير ؟ اخواني واخواتي عندي احساس غريب اتجاه والدتي ماعرف شلون حسيت فيه ومن متى وليش ماعرف شئ غريب امي انسانه طيبه وفرفوشه وتحب عائلتها كثييييييييييييييييييير يعني تضحي بنفسها مقابل زوجها وعيالها .. الموضوع ومافيه انا تزوجت من 9 سنوات وزوجي انسان طيب وخلوق ربي مارزقنا بأطفال والسبب غير محدد للحين .. عالجت كثير وكنت بأي رحلة علاج لازم اهلي واخواتي يعرفون ماكنت اخبي شئ .. حتى لو بصلح تحليل لازم الكل يعرف لاني اشووفهم يسألون ومهتمين من الامر .. لكن اكتشفت ان أهلي وأمي بالذات نحس عليّ .. مريت بمواقف وربي ماكنت اعرف الا لمن استرجعها اشووف امي كانت بالنص واتعجب اتعوذ من ابليس واقول من الشيطان بس وربي " امي نحس عليّ " يمكن زيادة حرص واهتمام ماعرف بس الموضوع اللي تعرف عنه ماااااااااايتم وخاصه اللي من جهتي انا وزوجي .. واخر موقف زوجي جاتله ترقيه عممممل ولمن قلت لها اتكنسلت متخيلين ترقيه تتكنسل ؟ وربي تكنسلت .. !! الامر رسمي ميه بالميه وجايه بإسم فلان الفلاني ... امي حياتي ودنيتي كلها بس للأسف هي كذا عليّ وعلى حياتي وش اسوووي ؟ اقسم بالله العلي العظيم اني مو مرتاحه لهالشعووور لأنها احبها واعرف انها اكثر اهتمام فيني وبحياتي بس مادري وش اسوي ؟ ابغى اتعالج واروح من دون ماتعرف وأجرب بس احس نفسي رح انكشف واتوهق .. هل فيه أحد مثلي ؟ |
في ناس عينها حاميه تحسد مو عن قصد ولا عن كره وممكن تحسد حتى نفسها
روحي وتعالجي واذا انكشفتي قولي لها ما حبيت أشيلك الهم وتقلقي عليي يمكن يكون شعورك غلط .. واشوف انك تتأكدي منه أفضل ما تظل الشكوك تدور براسك |
لا شوفي موضوع انها نحس عليك
ابدا استبعدي هالاحساس لكن ممكن مثل ما قالت خاله بيتا انو حسد او شي كذا واكيد من غير قصد منها وسوي كل شي من غير ما احد يدري ولو صار وعرفو عادي صرفي اي تصريفه اسال الله ان يرزقك الذريه الصالحه ويحقق لك اللي تتمنين |
عزيزتي .. ربي يرزقك ويرزق كل محروم الذرية الطيبة التي تقر به عينه .. تبقى هذه المرأة هي أمك .. جنتك ونــــــــــــارك .. لو علمت ما بقلبك من أوهــــــــام سيضيق صدرها .. أبعدي هذه الأفكار من رأسكِ حتى لا تسيطر عليك .. ويتأثر ود العلاقة بينكِ وبين أمك .. وهناك جانب آخر أختي العزيزة قول مأثور "اقضوا حوائجكم بالكتمان" ليس بالضرورة كل ما تفعلينه تخبرين به الجميع حتى الأقربون منك ِ .. حتى يرتاح بالك أكثر.. |
سبحان الله
شوفي ياعزيزتي انا كل حمل احمله بمجرد وصول خبر لأي مخلوق غيري انا وزوجي على طول احس بعوارض توقف نمو الجنين وفعلا اليوم الثاني اروح اسوي تحليل ثاني يطلع سلبي وان شاء الله اذا صار الحمل الخامس ماراح اخبر ولا مخلوق والله يكتب اللي فيه الخير يارب ونصيحتي لك اقضي كل امورك بالكتمان حتى لو تافهه وبعد ماتتم امورك بشريهم وفرحيهم ولاتنسين التحصين داااائما |
كنت اتمنى ان العنوان لم يتغير لان فيه فرق بين الحسد والنحس ..
عالعموم اخواتي اقتباس:
اقتباس:
ومتأكده انها تتمنالي حياة افضل منها اقتباس:
والله العظييييم كنت ارتااااح لمن اقولها ع علاجي وطلعاتي وكل شئ اللحين اخاف واقول كل ناس مثلي يعني فيه امهات او حتى اخوان بينهم هالشئ .؟ اقتباس:
ماتخبرين أحد .. بس الله يعين ويفرحنا يارب |
ليست امك السبب
اقضو حاجاتك بالكتمان هذا هو السبب لا تنشري الخبر لاي كان اصمتي ضعي في فمك ملح لكي لا تتكلمي |
اختي انا جالي موقف حرمت بعده اقول لامي او اختي شي الا بعد مايصير كنت اذا ابغى اخرج اقول اني خارجه اليوم اتمشى وسبحان الله نتنكد انا وزوجي ونتمشكل وتتفركش الروحه عشان كذا معد اقول الابعد مااروح ومااحكي بالتفصيل
|
اقتباس:
يهتمون ويحاتوني .. انا مشكلتي متخوفه من امور ثانيه مابغى اشوف امي كذا انا قلت الحمل وله حل ان شاء الله زي ماتفضلتوا لكن اموري الثانيه شلون اكتمها عشان تكوني بالصوره عندي مشروع ماشيه فيه من 6 شهور جيت لأهلي وقف الشغل تماما اسوي اعلانات بأغلب المواقع الاعلانيه وداخله كذا قروبات .. ومع هذا مافي استجابه!!! الشغل وقف تماما .. كان ماشي زي الساعه بعدها استوعبت ان فيه مشكله ومن هنا لاحظت واسترجعت وماحبيت اذكر هالشئ في بداية الموضوع ... لان موضوع الحمل يهمني أكثر شئ شاكره لك ردك حبيبتي .. اقتباس:
|
حبيبتي ما في شي اسمه امي نحس علي من باب الشرع اولا ، وقد ورد عن النبي صلى الله عليه وسلم أنه قال : " الشؤم في ثلاث : الدار ، والمرأة والفرس"
فلا تكون امك نحسا عليك فانتبهي اختي حفظك الله الى هذه النقطة . كلمة الحسد والعين اصح ، فان كانت انك تحبك فغالبا هي تصيبك بعينها من غير ان تقصد ، وهذا قد يحدث. من شدة محبتها لك منها تنسى الدعاء لك بالبركة فتصيبك بعينها والله اعلم . احيانا احدث امي بأمر فتحدث هي خالاتي وأقاربي ولا تستطيع ان تكتم الخبر ، ثم اجد تعسيرا في الامر وعدم تمامه ، وارجع سبب ذلك لانتشار الخبر فقد قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود، فان لم تكن امي فقد يكون احد من أخبرتهم أصابني بعينه على نعمة أصابتني عموما اذهبي الضيق عن قلبك وأقرأي الرقية الشرعية لنفسك ، واحفظي اسرارك واكتميها وان تم الامر ، ذلك افضل من ان تخبري امك ثم تحملي بقلبك عليها انها نحس عليك ، وهذا خطأ |
| الساعة الآن 01:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©