|
كيف اطور من لغتي ..‘
السلام عليكم ورحمة الله وبركاته .. حابه اطور اللغه الانجليزيه عندي .. فكرت في معاهد لكن ارى انها غاليه دون محصله تستحق كل مادفع .. وكمان مش حابه اخذها معنى دراسه ومتطلبات خصوصا اني منتسبه .. ولقيت بالنت مواقع لمعاهد لغه اجنبيه وباسعار زهيده .. يعني الدراسه عن طريق النت .. فكرت بسما وثقت فيهم .. فقررت اطورها عن طريق اجتهادي الشخصي بمعنى اعتبرها بالنسبه لي كهوايه ولا اضغط نفسي بس مش عارفه كيف ابدا .. مرات اقول بشتري قصص قصيره .. وبحضر لي نوته خاصه واسجل كل مفرده جديده علي .. ووحده قالت لي على برنامج بالايفون .. وممكن اتحدث مع والدي كونه متقن لها كانوع من الممارسه .. ارغب بالاستفاده من تجاربكم وخبراتكم ... وشكرا للجميع ..‘ |
شوفي انا اعشق الانقلش واتمنى اتقنه
والحمد الله عندي خلفيه حلوه فيه اول شي تسوينه احفظي اكبر قدر ممكن من الكلمات كلمه ومعناها واهم شي تتأكدين من النطق يكون صح ابدي باشياء بسيطه والاغراض بالمطبخ مو يجيك مكتوب اسمها عربي وانقلش احفظي وحاولي تقعدين فتره ما تنطقين اسمها بالعربي وحتى لو بنفسك ذي كذا شوفي انا كذا نص كلامي عربي ونص انقلش وحتى امي واخواني صاروا يفهمون علي اذا تكلمت انقلش >>جننتهم بعدها شوفي تكوين الجمل كيف واحفظي جمل والقاعدات عشان تفهمين اكثر وعني اتابع افلام اجنبيه واركز على نطقهم والترجمه وبعدها صرت مع خالو بالمسن لانه بلبل ما شاء الله عليه وكل مره تطول المحادثه اكثر تري حلوه بس اهم شي تكونين مصره من قلب على انك تتقنينها حتى اذا عندك اخوان شوفي كتبهم اقري كثيييير فيها بس هاذي تجربتي ونفعت معي وانتي حاولي تشوفين طرق جديده تسهل عليك بالتوفيق خيتووو وخبريني شو بيصير معك |
أكثر شيء ممكن يطور اللغة هو الممارسة ... قراءة واستماع وتكلم .
تجربتي بالنسبة لي لغتي جيدة .. لا أحتاج من يساعدني خلال السفر سواء بعيادة الطبيب أو اللقاءات الاجتماعية بما فيها من مناقشات دينية وغيرها أو بالسوق والحمد لله .. بالرغم من أني لم أدرسها كمادة لكن أحاطتني عدة ظروف ساعدتني.. ببداية زواجي كانوا جاراتي بالبناية كلهم من الجنسية الايرلندية وبما انه صاحبتك عندها جرأة بمقابلة الناس وأحب أتعرف على الجن الأزرق فاستفدت منهم كثير طبعا جلست على هالحال سنتين تقريبا وانتقلنا وكان أولادي وقتها بمرحلة الروضه ويتابعوا الرسوم المتحركة وصاحبتك معااااااااااهم :) ...... توم وجيري لهم فضل عليي ههههههههه احضري برامج مثل أوبرا . دكتورز .. برامج عن الطبيعة واسمعي الكلام ولا تنتبهي للترجمة . أصلا ربع الترجمة غلط :) أقرأ قصص وكتب وما احب أقرأ الترجمة ... أكثر القصص لما تقرئي الكتاب الأصلي تجدي فرق كبير عن الترجمة أو الفيلم مثل قصص هاري بوتر . وييييييييين الأفلام ووين الكتاب الأصلي .. المؤلفة تملك أسلوب ممتع جدا .. في قصص كنت أشتريها لأولادي تكون مكتوبة باللغة الانجليزية والصفحة المقابلة ترجمتها بالعربي لكن ما أعرف إذا في على شاكلتهم بما يناسبك . لما يزورنا أحد أقرباءنا المغتربين ويجلب أولاده اللي تربوا هناك حتى يتعلموا اللغة أستغلها فرصة وأكلمهم بالانجليزية ووقتها أهلهم يشدوا شعرهم لأنهم ودهم اياهم يتعلموا العربي مو يعلمونا انجليزي هههههههه أشجعك على مكالمة الوالد الله يحفظه لكم بغرض الممارسة وعلى شراء الكتب وعلى حضور برامج سواء تلفزيونية أو بالنت وتعالي عندي نتكلم ونحش بالمنتدى بالانجليزي :23: |
اتفق مع بيتا ...
موضوع الكتب و النوتات الخ الخ ... حلو بس الممارسة افيد و احسن و اسرع مافي عندكم موظفة غير عربية؟؟ تواصلي معاها بالانجليزي غير البرامج الاجنبية . حلوة تابيعها .. وممكن تستعيري كتب الاطفال من المكتبة ابدأي باالكتب المبسطة و كل فترة ارفعي مستوى الكتب هذه بتكبر مخزونك اللغوي لكن بعدها بتحتاجي تتكلمي عشان تنفك عقدة اللسان :) |
اللغه الأنجليزيه أسهل شيء لتعلمها هو ممارستها انا كنت متبع طريقة أن كل شيء أتكلم به بالأنجليزيه والحمد لله أثنين من
أخواني بلابل ماشاء الله بحكم عملهم أنجليزي بحت مايعرفو شيء أسمه عربي وأحاول دائما أتكلم معاهم بهاللغه وكذالك بالسوبر والمستشفى والورشه السيارات يعني من هنا ومن هنا وشوي تجي معاك من دون ماتضغطي على نفسك بالخصوص إذا ماكنتي تحبي المذاكره والمتابعه عقبال مانشوفك بلبل يامشرفتنا إن شاء الله موفقه .............شااااب |
اما مع نفس كلام الاخوه
وبعدين انا نفسي اصير لب لب باللغه العربيه لما رجعت السعوديه حسيت اني استحاله اكون من اصول عربيه لكون لغتي العربيه ضعيفه والمصيبه انه ابنه خالتي الصغيره عمرها 8 سنين كانت تصحح لي لغتي صدقيني مثل ماقالو لك كل شئ بالممارسه راح يكون احسن وافضل وراح تتعودي عليها وبعدين يااستي انا موجوده هاااااااااااا ايش رايك!!! اي شئ تحتاجيه علي طول انا عندك والله يوفقك |
اقتباس:
وراح ابدا ان شاء الله بالتسجيل بالنوت .. ولازم استرجع القاعدات ... الف شكر ياغلاهم والله يسعدك ويطمن قلبك .. |
احسن طريقه مثل ما قالت نوره
ابداي بقصص الاطفال البسيطه و تدريجي زيدي اهم شي تقراي بصوت عالي مليون خط تحت بصوت عالي و حطي google translate منها تعرفي الترجمه ومنها طريقه النطق لايكل ولايمل من الاعاده بالتوفيق |
فيه موقع أجنبي روووعة بجد قعدت فيه فترة وطلعت بس مشكلته إنه اللي فيه يغثونك ماخذين السالفة تعارف وإضافة من هالكلام
وأغلبهم أجانب أوروبيين تدرين الأسبوع الماضي شريت من جرير كتاب لتطوير الذات وبنفس الوقت لغته انجليزية من حظي إنه ماعندهم نسخة عربية إسمه how to feel confident ? وإذا مافهمت شي بقعد اترجم من الديكشنري وفيه كتب بعد إسالي الأخ البليغ إن شاء الله يفيدك |
اقتباس:
الف شكر ..‘ |
| الساعة الآن 11:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©