|
علاقتي وحبي بشاب تجعلني ارفض كل من يتقدم لي
السلام عليكم ورحمة الله وبركاته
اخواني سااااااااااعدوني واتمنى الاخ البليغ يرد لي أنا على اطلاع بردوده ورجاحة عقله ادري في من بيكلمني بجفا وفيه من بيعصب علي ويزود بالكلام بس اتمنى تنصحوني وتوجهوني حتى لوغلطت محتااااااااجه لصواب انا على علاقه بشاب والله حبيته لنا سنتين وشوي عرفته وماكان موظف وتوظف بعد معرفتنا ب7 شهور تقريبا وعمري 23 حبييييييييييييييييته لدرجه الجنون والله هو طيب وحنوون واحسه صااادق بس يمكن متردد بسبب خوف او شي مااني فاهمه وش يرررررررده مايجي وماااكذب اني سويت اشيااا غلط ماكنت متخيله بيوم بحب او بسوي هالشي لاني واعيه وفاهمه كثير بس غلطت وكلمته وقابلته 3 مرات طبعا مقابلات كانت مغامره بس كنت مجنونه وفسخت خطبتي عشانه ووتعرف هو على واحد من اقاربي بطريقتي انا سويت حركه وخليته يتعرف عليه عشان يسهل الامر ويجي يطلبني لاني كنت ابيه يخطبني بسرعه لان الناس عرفت فسخ خطبتي وصارو يخطبوني بس ارفض عشانه المهم انا اللحين صرت ارفض كثيييير وكلمته امس وقلت له تعاال قال طيب بس ماندري وش يصير ويمكن تواجهنا عقبات واهلك بيرفضوني قلت والله مايرفضونك وانا ابيك قال واذا رفضو قلت بتتخلى عني لورفضو؟؟ قال وش تبغيني اسوي اخطفك هذا غصب عني قهررررررررررررني حاط الرفض وانا عارفه اهلي مابيرفضون بس بيكونون خايفين اهلي لانه مايقربلي بس احنا من عايلتنين قريبه من بعض ومن نفس المدينه اليوم حسيت نفسي رخيصه وقلت يااابنت لازم تاخذين امر يحسم قرارك لمتى حرام وارسلت له رساله طووووووووووووويله وقلت له كفايه امشي معاك بالحرام ابي بالحلال تعال اخطبني من ابويه واخويه والحرام نهاية دمار ومابرد احد يجيني بالحلال وانت ماسويت شي عشاني وكلام كثيييييييييييييييييييييير قلته قام ارسل اني ابي حجه وماصدقت كلامه عشان اتزوج غيره وقالي تزوجي انا فهمت كلامك والله انا ارررررررررررررفض الكل عشااانه واحبه والله بس مادري وش اقول من لما قالي كذا قمت ارسله واقوله انا احبك وماطلبتك غير تخطبني وانت وعدتني اني لك ومابتتخلى عني لو يصير مايصير وماعد رد بس دموعي على خدي وش اسوي ابي رد الشباااااااااااااب الواعيه بدون اي تجريح الله يسعدكم احباب الله التوابين |
شوفي حبيبتي بقلك لمصلحتك الظاهر انه كزاب بتعرفي ازا بحبك بجد ما بحكي لحسن اهلك يرفضوه كان بجيكي عطول هادا ان كان بحبك بس واضح انه بسوف بحجج غريبة بتعرفي سامحيني ما بحاسبك بس انتي ظلمتي حالك وخطيبك السابق ليش سبتي واحد حبك بواحد ما عملك شي؟؟؟؟؟؟؟؟؟؟ونصيحتي ازا اجاكي واحد منيح ارضي فيه عشان نا تتأخري وضلك من غير زواج......صدقيني ما راح ينفعك هادا الشب واضح انه بلعب عليكي وبنصحك ابعدي عنه افضل الك الله يوفقك
|
عزيزتي
طيب وحنون وثقه ورجل وتكانه ويحبك ماقلنا شي لكن ياحبيبتي واضح انه غير متقبلك كـ زوجه و واضح انه من النوع العقلاني الي يفكر بعقله عزيزتي انتي بنفسك قلتي حسيتي انك ارخصتي نفسك لكن سؤالي لك حسيتي انك ارخصتي نفسك واجد ولا شوي ؟؟ اكيد انتي عارفه حكم الشي الي قاعده تسويه ومانختلف عليه لكن ربي غفور رحيم اتذكري انو باب التوبه مفتوح لك حبيبتي ليه تربطين حالك بواحد علاقتك فيه مبنيه علئ باطل وما بني على باطل هو باطل واضح من كلامك انو الشاب غير مقتنع تماما انو يتزوج منك بالرغم من حبه لك زي ماذكرتي حبيبتي حنا في مجتمع يحكمنا فيه تعاليم دينا و العادات ولا العادات ولا تعاليم دينا يقبل بالي قاعده تسويه طيب مافكرتي انو زواجك منه بيفتح للشيطان باب بينكم انتي قويه كفايه وتحبيه اوكيه لكن حبك لربك ولرسوبك اولا بتخليك تتركين الي انتي عليه فكري بعقلك الموضوع في بدايته صعب عليك لكن بعدين راح تنسينه بكل سهوله واتاكدي ان ربي بيكون معك وبيساعدك وسبحانه مايقصر مع عباده |
هلا بك باقي امل واحسنتي اختيار المنتدى والعضو في الاستشارة --
عموما انا عندي كلام وياليت تفتحين له عقلك وقلبك وهذا الرجاء فيك انشاءالله عزيزتي الحب فعلا شيء جميل والاجمل انو يتوج بالزواج بس في مشكلتك حبك كان جريء جدا جدا مكالماتك .. لقاءاتك للي تحبينه تخلينا ناكد انو مصير زواجك منه لو اقدمتي عليه انعدام ثقة .. شك .. موت الحب والنهايه فشل اكيد انتي عايشه الحين احساس حب متأجج علشان كيذا مازلتي تحاولي انو الامر يتم .. الشاب واضح جدا جدا من كلامك انو مافي امل يقدم على هالزواج ورغم بجاحته وكذبه الا انو في قرارة هذا عاقل جدا .. الحمدلله انو امرك معاه ما تطور للنهايه ولا كنتي راح تندمي قد شعر راسك نصيحة اخت اذا تقدم لك من ترضين خلقه ودينه لا تترددي ابدا مازالت الفرص تجيك لا تفوتيها |
حبيبتي هذا كذذذذذذذذذذذذذذذذذاب لعاااااااااااااااااااب سوي له ذليت على طول ما يبكي زوجه كذاب لو هوصادق جاه تقدم على طول حتى لو اهلك رافضين بحاول مره و2 و3 بس هو ما يبي حتى يفكر انه يتقدم والله لو هو شاري بجي من اول مره بس كفايه ذل وخضوع هذا حب من طرف واحد عزي نفسك وشوفي حياتك وربي يتسلى فيكي ويا خذك على قد عقلك الرجال فعل مو كلام هاذي والنتيجه يقولك تزوجي يعني ما همتيني
|
لن أخوض معك في حديث بشأن الأخطاء الفادحة الخطيرة التي فعلتها انصياعاً لرغباتك الشيطانية لكن أقولها لك باختصار:
1) ارسلي له رسالة أن يأتي لخطبتك من الباب وليس من النافذة.. ووضحي أنك ستنتظرين خطبته لمدة 10 أيام فقط من الرسالة. 2) خلال هذه الفترة لا ترسلي أو تتصلي. 3) إن انتهت هذه المدة ولم يأتِ لخطبتك فأريد منك أن تغيري رقم جوالك، وتقبلي بالزواج من أول خاطب كفؤ يطرق باب بيتكم.. ولا تضيّعي وقتك أكثر من هذا. ::: ملاحظة مهمة: شرف المرأة أغلى ما تملك في حياتها.. فصوني شرفك.. ولا تكوني لعبة في يد الذئاب. |
اخاف يبدء يبتز ولا شئ عنده لك صور ولا ماسك عليكي شئ لانك عرفتيه على قريب لك انتى امشى على رائي اخونا البليغ وبتشوفي معدنه
|
من خلال مخالطتي لكثير من الشباب اللي يتعرفون على بنات لما أسألهم طيب ليه ما تتزوجها ما دامك تحبها ؟ يقول صاحي أنت ,, مستحيل أتزوجها ,, كيف تبيني أأمنها على بيتي وعيالي وشلون بتربي عيالي بكرا ,, هذي تنفع حبيبة ,, سعة صدر .. أما زوجة مستحيل ,, وإذا بغيت أتزوج أعرف وين أدور الصالحة ,, طبعا بتقولين لي هذا غيرهم هذا يحبني ومستحيل يسوي كذا ,, أقولك كذاب ,, والدليل إنه ما بعد خطبك بعد فسخ خطوبتك ,, وهذا يدل على عدم جديته ,, وأنه ماخذ الموضوع سعة صدر وتمضية وقت فقط ,, الله يهديك ويصلحك وينور دربك قولي آمين ,, وأذكرك بأنه ما بني على باطل فهو باطل والله المستعان |
اشوفك حبيتيه ونسيتي يا غلاتي تحبين نفسك
وش فايدة الحب الي نهايته دمارك ادري والله انك تموتين بثراه بس كفايه نفرض انفسنا غصب كفايه والله ايه اتعذب يوم اسبوع شهر سنة بس ما اخلي نفسي تنهان ثانية اقتباس:
|
اسفهيه كذااااااااااااااااااااااااب
غيري رقم جوالك و تزوجي بسرعة و عسى ربي ما يواخذك بالي رفضتيهم و لا بالي فسخت خطبتك منه و ربي شي يحزن غيرك تشفق الخطيب الحلال و العيشة الهنية و عندها استعداد تسوي وش عشان تتزوج و ربي يكرمها برجل كفو يحفظها و يصونها و يكون سبب لدخولها الجنة و سعادتها بالدنيا و أنت تسوين كذا ؟! توبي بس الله يهديك تراك على شفا جرف الله يستر ما يأذيك ليش إنك تركتيه و رحت لغيره و يخلي حياتك دمار تخيلي بطريقة ما وصل خبر لأبوك و أخوك يا رب لطفك ! مدري وين عقلك بس الله يعافيك و لا يبتلينا |
| الساعة الآن 01:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©