يقولون انه خطبني واحد ملتزم
 

السلام عليكم ورحمة الله وبركاته
مدري من وين أبدا ,,أصلاً مدري هي فضفضة ولا استشارة ..
يقولون انه خطبني واحد ملتزم وعلى قولتهم مافيه عيب !!!!!!!
المهم تخيلوا أبوي ماشاورنا ,,خبر زوجته بموضوع الخطبه ,,وبعدين جاء يقول لأمي أنتم تعرفون ناس
من العائلة الفلانية ولكم علاقة فيهم يوم قالت لا ,قال أجل وشلون يجي ويخطب منا وانتي ماتعرفينهم .
أمي ياعمري كالعادة ,,وبعدين يوم جيت قال لي لك صديقة من العائلة الفلانية نفس سؤال أمي
أنا قالت لا صدق مااعرف ,بعدين قال دق واحد يقول أبي فلانة قصده أنا ,عاد أنا ماكنت عارفة قلت يمكن غلطان ,.قال لاهو قال اسمنا بالكامل ويعرفنا ويعرف كثير عنا ..<<شكله جلس يحقق مع الرجل !!
الي قهرني ماقال لي وش رايك وحتى كذا قدام اخواني وخواتي الصغار ,,الله يسامحه أسلوبه مدري كيف؟؟
فيه كلمه قالها مدري وش قصده ,قال لأخوي انا قلت بس علشان اسمع انه بنات يشكون من اهاليهم انه مايدرون انهن ينخطبن ؟!!!
ماهمني الخطبة كثر موقف أبوي ,,مو المفروض يسأل ويعرف وبعدين يقول لي وشلون يقول كذا يعني تراني بس أعطيتك خبر يعني رأيي مو مهم .................................................. .............
أستغفرالله العظيم الحي القيوم وأتوب إليه ..........

أبوك يبغى يبري ذمته ويعطيك خبـر ليش زعلانه .:d.
صـح الأسلـوب كان خاطئ ..بس هذا الوالد على العين والراس ..

حبيبتي .. هل ترانا نلتقي ..
هـدي اعصابك ورووووقي شوي ..
وأستخيـري حتى لو ابوك ماطلب رأيك الى الأن ..


الله يسـهل أمرك ويسعدك ونفرح فيك قريـــب ..

بغض النظر عن الاسلوب

انظري الى الاهم الشخص المتقدم لك ؟

ملتزم حطي عليه مليون الف خط ؟

أظن البنت زعلانة إن أبوها ما أخذ رأيها
يعني من عنده لعنده صرف الخاطب
هذا فهمي

هلا خيتو عيوني. ،،،، أنا زعلانه على اسلوب أبوي إلى الآن يعاملني على إني صغيرة !
آمين ..... مشكورة على الطله.

لا مو هذا القصد ؛؛؛؛ حبيت أتكلم مع أحد أخواني صغار عندي وأمي ماتكلمني.
و أخواني الكبار استحي مو بالمره العلاقه معهم.

مدري أنا بس قالوا ملتزم. مااعرف كم عمره ولا و ش يشتغل وأشياء مااعرفها.
أصلا الوالد إذا مو ملتزم على الأقل محافظ مايوافق على أحد.
ليه و ش عيبهم الملتزمين !!!!!!!

بعدي والله فاهمتني خيتو آفاق.