منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   كم يحتاج اهل العريس يوم علشان يردون على اهل العروس بالموافقه او لا..؟ (http://www.66n.com/forums/showthread.php?t=233308)

رضاك ياااارب 13-02-2012 03:38 AM

كم يحتاج اهل العريس يوم علشان يردون على اهل العروس بالموافقه او لا..؟
 
السلام عليكم ورحمة الله وبركاته


صباحكم حااشي


اعذروني ع الكلام الملخبط بقوله لأنه عقلي بدا يودي ويجيب و افكار مالها داعي براسي

انا من كم يوم انخطبت وكانت الشوفه

اللي ابي اعرفه كم يحتاج اهل العريس يوم عشان يردون على اهل العروس انه اوكي

مني ملهوفه ع الزواج بس لأنه بصراحه ما أحب لحظات التفكير والتوتر والانتظار يا إيه يا لا

عاداتنا بالرياض انه بنفس الوقت يردون

و يوم الشوفه قلي كلام بس الصدق الصدق مافهمت منه اذا اوكي او لا

ايش التصرفات اذا تصرفوها الرجال يدل انه موافق

مثلا اول ماتدخلين يقول ماشا الله او بين كل سؤال وسؤال يكرر اسمك او انه قبل تخرج البنت يقولها صلي الاستخاره و انا اصلي او انه يجلس سااااكت ؟


بلييييز فصلو اسألتي تفصيييص


*

ووووضحى 13-02-2012 03:42 AM


ههههههههههههههههههههههه
صباحك حاشي ثاني غير الاول

والله ياقلبي معرف
بس تاكدي كله نصيب
ورزق من الله
استغفري ربك حتى يجي الرد
واذا تاخرو انسي

موفقه
يارب

الهدوء عنواني 13-02-2012 05:47 AM

وعليكم السلام

المتعارف عليه الرد يجي بخلال اسبوع بالكثير

ومافي ياختي تصرفات ولاشي هالمواضيع يانعم يا لا والتلميح يكون قبل الخطبه ممكن اما بوقت الخطبه خلاص اسبوع بالكثير ويردو يا بالموافقه او لا

والله يكتبلك الي فيه الخير

* حنونه بطبعي * 13-02-2012 09:38 PM

و عليكم السلام و رحمة الله و بركاته

هذي الأمور حسب تيسير الله لها قد يكونو موافقين لكن عندهم ظرف او مشغولون بأمر

و ينتظرو الفرصه المناسبه عشان يردو عليكم و يكونو مستعدين ماديا و معنويا للمرحله اللي بعدها

لا تشغلي نفسك بهذي الأمور من واقع تجربه قبل اذكرها لا يجي في بالك اني انفرك من الخطوبه

تعلمت من خطوبتي السابقه ( لم اوفق فيها )

تعلمت ان لا اشغل فكري بشيء قد كتبه الله و انتهى سواء سيستمر او لا

كنت اشغل نفسي بكل كلمة او مكالمه من ام الخاطب

اكيد قصدها كذا .. يمكن مو موافقين .. يمكن راح يتأجل شهر شهرين

كنت اشك حتى بنفسي كيف كنت بالشوفه طبيعيه او لا عجبتهم او لا ؟؟

اشغلت نفسي و فكرت و خططت و حللت و كبرت المسائل براسي

مع ان الأمور كانت ماشية تمام لكن في فترة قصيره تقل عن شهر

بدأت الأمور تتعقد بشكل متسارع و غير طبيعي لدرجة اني فقدت التركيز

و فجأة انتهى كل شي عندها شعرت انني اضعت وقتي و عمري و صحتي

في التفكير و الانشغال بأمر قد كتبه الله و لن يتغير

لذا تعلمت ان اضبط اعصابي ازاء اي امر فإن كان مقدرا لي سأجده لا محاله

و ان لم يكن مقدرا سيصرف عني مهما بذلت من جهد و عناء ..


آعتذر عن الاطاله

.

آريحي بالك و رددي اللهم ان كان في هذا الخاطب خيرا لي فيسر امري

و ان لم يكن في زواجنا خيرا فاصرفه عني و اصرفني عنه

دنيا الوفاا 14-02-2012 09:48 PM

الله يوفقك ويكتب لك اللي فيه اللخير

المتعارف عليه عندنا اسبوع او عليها بالكثيييير
وربي يوفقك
تحياتي

مستقبل غامض 14-02-2012 11:07 PM

اسبوع بالكثير

فديت تاج راسي 14-02-2012 11:15 PM

اشغلي نفسك باي شي
اذا فكرتي كثير بتمر عليك الدقيقة سنة
وكل تاخيره فيها خيره
ربي يسعدك ويقدر لك كل خير

ندى_1406 14-02-2012 11:23 PM

أكثري من الدعاء والاستخارة واذا فيه خير لك ربي ويسره واذا هو شر لك ربي بصرفه عنك

إحنا عندنا الرد ماياخذ اكثر من يومين
الله يوفقك

متفائلهـ 15-02-2012 08:07 AM

ممكن توصل لشهر والله يكتب لك كل مافيه خير .

بنت اطيب انسان 16-02-2012 02:20 PM

اسبوع بالكثير
ربي يوفقك لاتتعبين اعصابك
كلن بياخذ اللي ربي كاتبة له
تذكري(( علمت ان رزقي لن يأخذة احداً غير فطمئن قلبي))


الساعة الآن 12:39 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©