|
إبنتي مقبلة على الزواج وأريد نصائح لها
السلام عليكم ورحمة الله وبركاته ما عندي مقدمات زي ما شفتم في العنوان بنتي انخطبت:14: وقريب راح تملك وزواجها في الصيف ...العريس مستعجل الله يوفقهم طبعا انا كتبت موضوع لما انخطبت انها ما تبغى تتزوج خايفه من الحمل وتبعاته هي الان الحمدلله اكثر اطمئنان وكل تفكيرها في نتايج التحليل وتجهيزات الملكه حابه اكتبلها بعض النصائح واعطيها مع هدية الزواج ما ابعى اغلط معها نفس غلطي مع اختها تزوجت صغيره (18 سنه) وبدون ما اعطيها اي نصايح خصوصا عن العلاقه الزوجيه هذا بسبب استشاراتي للي حولي للاسف الكل قال ما يحتاج نصايح البنات فاهمين طبعا انا تأثرت لان بنتي ما كانت فاهمه شئ رغم انها فرحانه ومبسوطه بالزواج بس كان كل تفكيرها انه حب وخرجات وسفرات وبس الحمدلله طلع زوجها عاقل وصبر عليها وكان لها زي امها واحن الله يسعدهم الان ابغى منكم نصايح لبنتي الثانيه علما انه عمرها 21 وعقلانيه اكثر من اختها ولا تنسون ان عندها تخوف من الزواج بعكس اختها كانت بغاية الفرح وماعندها خوف ايضا هي بتسافر وبتعيش بعيد عنا وهذا اكثر شئ يؤلمني( الله يصبرني على فراقها ) واختها قريبه مني الحمدلله ودايم تشكلي وتتفضفضلي اذا عندها شئ اسفه على الاطاله بس اتمنى تعطوني بعض النصائح اللي تستفيد منها بدون ماترعبها دعواتكم لها بالتوفيق ولي بالصبر والثبات اسعدكم الله في الدارين |
الله يوفقها ويسعدها ويسعد كل بنتوته
هناك كتب روعة عن الحياة الزوجية وبدايتها منها تَذْكِيِرُ البَرِية بالحُقوقِ الزوجية-ثلاثون وصية نبوية للعروسين ليلة الزفاف تحفة العروسين-تسعة وتسعون صفة يحبها الرجل في زوجته-أداب الزفاف في السنة المطهرة وغلفيها وهي تقراءها على مهل اتمنى ان اكون قد افدت الله يوفقها ويوفق بناتي وبنات المسلمين |
اقتباس:
تسلمين افاده رائعه بارك الله فيك |
الف مبروووك والله يتمم لكم اأموركم على خير ,’~
:: خبريها ان الحياة الزوجيه زي مابتاخدي زي مابتعطي ولآزم لها صبر .,~ مسؤؤليه .. ان لها الاجر بهذا الشي . :: عند حصول اي مشكله .. يجب ان تأخذ الامور ببساطه وتتحاور بسياسه وتفهم . :: مو كل شي لآزم تقولو لزوجها . دآآ يللي حضرني الان وزي ما قالت الاخت اشتري لها كتاب ان شاءلله يفيدها والله يسعدكم دووماً يارب =) |
مبــــروووك يانوره خطووبة بنــتك ،،، الف مليووووون مبروووك ..
هـــذي اللي قلتي لي انها تكتب وخواطــرها فيها تشــــاؤم ...؟؟؟ عمـــومــا ياقلبي .. آنا كــاتبه بموضوع بقسم المتـــزوجيــــن ،، عنــوانه .. حياتك الزوجيه لاتسيـــر على مصطلح على البركه .. بـــــأذن الله راح يفيـــــدك كثيـــــر ... وعقبـــال يارب ماتشوفين بنــــاتك افضل مدبرات لحياتهن الزوجيه .. |
ينقل للقسم الأنسب
|
ماشاء الله تبارك الله ربي يتمم لها على خير
ألف مبروووك وعقبال العزوبيين الزواج ميثاق غليظ ومقدس مو أي خلاف بسيط مع زوجها تلم عفشها وتجي عندك وتطلب الطلاق زي بنات هالأيام الزواج مسؤولية ويحتاج إلى الصبر والتفهم والتغاضي أحيانا كي تمشي السفينة في سلام الزواج مشاركة أخذ وعطاء الزواج مبني على الإحترام اولا ثم المحبة والمودة الزواج ليس مجرد رومانسية حب وعشق وسفريات ووطلعات الزوج له حقوق وواجبات ولها ايضا مثله حقوق وواجبات ويجب أن تعرفها والمطالبة بها إن حصل تقصير دون إلغاء انوثتها برفع الصوت وطولة اللسان تحتوي زوجها وتحن عليه وتكون محتوى اسراره ولاتفشي بها لأي كان يكون في حال حصول أي مشكلة لاتخبر بها أحد إلا إذا تفاقم الموضوع تخبر به شخصا معروف بالحكمة والتقوى آخر شي أقدر أقوله إنه تطيع زوجها في غير معصية الخالق وإن لاحظت عليه شيء من المحرمات لاتسكت وتطلب المساعدة منك مثلا او زي ماقلت أحد حكيم أتمنى اكون أفدتك هذا اللي يحضرني وخليها برضو تتثقف بالكتب الموثوق فيها واللي تتكلم عن العلاقة الخاصة موفقة |
مبارك عليك خطوبة ابنتك وبارك الله لها وأسعدها لقد وفت الأخوات بالنصائح وحقا فكرة الكتب مفيدة جدا http://dc08.arabsh.com/i/02833/131zsr0lq0lg.gif |
| الساعة الآن 06:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©