|
السلام عليكم اخواتي واخواني بالمنتدى بدخل بالموضوع على طول انا مخطوبه وزاجي قريب ان شاء الله المشكله هي انه صرت اخاف من صوت زوجي ماادري احس بأرتباك وسرعه بضربات القلب لدرجة يسولف علي ماني معه وماانتبه لكلامه وصارت سواليفي بجهه وهو بجهه ثانيه انا صارحته وتفهم الله يخليه ان شاء الله وطلبت انه مايكلمني وهذا حل مؤقت طبعاً ووافق بس المشكله اني ابي حل جذري لانه الاحظ انه كل يوم يزيد الارتباك والخوف عن الثاني مع اني احس اني ناضجه لكن الظاهر ضاعت علومي اتمنى سرعة الرد انا حاسه انه متضايق مني بس مايقول اتمنى الرد لاني بكره ناويه اكلم بس ماادري وش ممكن يصير خاصه اني متفشله من الي صار انا ماعندي احد استشيره الا انتم اتمنى مايخيب املي |
انا اشوف انكم تنفصلون عن بعض وكل واحد يشوف نصيبه
هههههههههههه دعابه حبيت الطف الجو شوي ( الله يخليكم لبعض ويجمع بينكم بخير ويرزقكم بالذريه الصالحه ) اختي الفاضله تعوذي من الشيطان وودي لو توضحين سبب الخوف يعني ليه تخافين لابد فيه سبب وفقني ووفقكم الله |
انا ماني فاهمه نفسي انا عاقله وقوية شخصيه
لكن لمن اكلمه ينتابني هذا الشعور انا عندي ترسبات انه ممكن ماينجح الزواج ووان الزواج اوله عسل واخره بصل او انه يصير شيء غلط مني بالمكالمه يخرب الموضوع انا اتمنى اني مااكلمه الين الزواج مو هذا افضل؟ ولا ممكن يسبب مشاكل انا في غنى عنها شكرا على الرد |
ذكـرتني في أختي قبل زواجهـا .. كانت مرررره خـاااايفه ..
وقلت لهـا تخصـص ساعتين من يومها بقراءة القـرآن الكريم .. ساعه بعد الفجـروسـاعه قبل لاتنـام ..وبصـوت شووي مسمـوع ومرتل .. تصـدقين ماكملـت اسبـوعين ألا وهي تقولي وربي أدعي لك بصلاتي . تقـول حسيـت براحه وطمـأنينه عــاليــه جــدا .. أنصحك غاليتي .. أطبقين نفـس الطريقه وبأذن الله بترتاحين وتروح عنك الوسوسه .. |
تعوذي من بليس
وهذا شعور طبيعي الغالب يحس بارتباك وخوف إذا قرب موعد الزواج وهو مثل ماتفضلتي أوهام تدور في عقل الواحد عدم التوفيق مشاكل طلاق . . . إلخ ولكن تعوذي من بلـيس وسوي مثل ماقالت الأخت اقرأي القرآن كل يوم وأدعي ربك بالتوفيـق والراحـة والله يوفقكم ويجمع مابينكم ويسعدكم ويرزقكم بالذرية الصالحة . |
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©