|
تقدم لي واحد اصغر مني وخايفة شكلي مايعجبه
تقدم لي واحد عن طريق بنت عمه
اصغر مني بعشر شهور عمري 28 - عمره 27 وقريب يصير 28 خريج ثانوي وعائلته فقيرة عايشين على الضمان وعائلته فري عادي البنات يكشفون على عيال عمهم ويطلعون معهم مطاعم! وشبابهم عندهم استراحة للاغاني عود وطيران وغيتار هو ماله علاقه فيهم بنت عمه قالت لي ان بعض عائلتها وبعض اخوانه مهوب كويسين بس الي ناوي يتقدم لي انسان محترم وملتزم عائلتي مره ملتزمة منها رجال دين ومشايخ وحالتنا المادية ممتازة وانا جامعية واجهز اوراقي لدراسة الماجستير مافيه تكافؤ بينا وبينهم المهم عندي اخلاق الرجال هو يمدحونه وقرروا اهله يجون يخطبوني رسميا متخوفة مرره ان شكلي مايعجبهم طول الوقت قدام المراية واوسوس ان اكيد مهوب عاجبتهم اذا انا مب عاجبني شكلي استغفر الله فكيف اهم بيعجبهم اكيد يبون وحده احلى مني واحيانا اقول مافيني شي >> قريب وتجي لي حالة نفسية :d ومتخوفة ان اهلي يرفضون اذا عرفوا تاريخ عايلته لاني ماقلت لهم عن الي اعرفه عن اهله قلت لهم عن اسم العايلة وعن شغله مستحيل اهلي يوافقون لو قلت لهم ان اخوه يدق عود في استراحات ! هو متحمس للخطبة من عرف اسم عائلتي ومستعجل ان اهله يجون بس خايف ان اهلي يردونه انا راضية فيه رغم الفروقات بينا بس لو اصطدمت برفض اهلي!؟ اخاف ارفضه والله يعاقبني لان اخذته بجريرة اهله ! |
اكيد بتعجبينه دام وضعك احسن من وضعه تقبلي الحقيقه مافيه تكافؤ بينك وبينه موفقه يارب |
وضحى
عارفة حبيبتي ان مافيه تكافؤ بيني وبينه ولابين عائلتي ولاعائلته الاهم عندي الاخلاق بعض عائلته استغفر الله رايحين فيها اغاني واختلاط ! واهلي جدا ملتزمين ومتشددين عيال عمنا نتغطى عنهم ومانكلمهم من الحيا محتارة مرره بين الموافقة والرفض |
صح أهم شي الأخلاق
بس لازم تكافوء لو شي بسيط هذا زواج مو لعبه |
اقدر اتكيف مع مستواه المادي والعلمي والاجتماعي
العقبة الكبيرة اهله كيف اقدر اخالطهم ! وهل بيقبلون اهلي يناسبونهم لو قلت لهم عن الي اعرفه او احد وصل لهم المعلومات الي عرفتها مركز ابوي الاجتماعي جدا حساس |
الله يوفقك يارب لو تريدين نصيحتي لا تقبلين بزوج بهذا المستوى لان مستواك غير وصعبه تتحملي هذا الأشياء اكثري من الدعاء والاستخاره |
وضحى عارفة ان فيه اختلاف ولو صار بينا نصيب مب اقدر اتقبل نمط حياتهم بنفس الوقت مرتاحة له لان غير عن اهله جدا محترم وخلوق عكس بقية عائلته علشان كذا رفض يتزوج من اهله هالايام تفكيري مشتت احيانا اتحمس واحيانا اتراجع |
استخيري و ربي بيختار لك الأصلح بلا حول منك و لا قوة
|
حبيبتي لاترمي نفسي في النار
مافي تكافؤ ابدا واصلا لازم تصارحي اهلك عشان لمن اهلك يدروا انه اخوانه راعيين عود واسترااحات ويقولوا لاهل الولد عن هذا الموضوع اهل الولد حيقولوا انتو عندكم خبر وحتتورطي انتي انك ماتكلمتي فاحسن صارحي اهلك ومادام اهلك متشددين حيسالوا لمن يطلعوا روحهم وحيسالوا عن كل شئ فتكلمي عن كل شئ احسن وصراحة اسالي عنه اسالي قبل ماتندمي وكل شئ مكتوب ومقدر اذا كان فيه خير ربي يجعله من نصيبك واذا فيه شر ربي يصرفه عنك |
الافضل انك تقولي لاهلك كل شي
افرضي طلع مثلهم وافرضي غصبوك على الاختلاط معهم بعد الزواج انتو مافي تكافؤ بينكم ابد واتوقع والله اعلم بتجيك مشاكل كثيرة بسبب الاختلاف بين نمط حياتك وحياتهم ولاتنسي كلام الناس وش بيقولون عن اهلك اذا عرفو كل شي عن اهل زوجك استخيري وربي يقدر اللي فيه الخير لك وان شاء ربي يعوضك بواحد احسن منه في كل شي بالتوفيق |
| الساعة الآن 03:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©