نصيحة للناصحين ! - تزوجتها وأنا مؤ متأكد من اقتناعي
 

بسم الله الرحمن الرحيم

السلام عليكم إخواني اخواتي
أنا الشخص اللي أقلقتكم قبل عدة أسابيع او ربما شهر .. عرفتوني ؟*
ايوووا عليكم نور أنا هو ..*
اللي قلت لكم متخوف من ان خطيبتي ما تكون ينطبق عليها الحد الأدنى من الجمال المطلوب عندي .. وركزوا على كلمة ( عندي ) او ( بالنسبة لي )*
وانا متشدد شوي بخصوص الحد الأدنى للجمال فهو مرتفع لدي ..*

استشرتكم بخصوص موضوعي واستشرت أيضاً غيركم في الحياة الواقعية ..*
فتنوعت المشورات ولكن اكثر شي قيل لي هو أني اتوكل على الله وأملك على البنت ..*
رغم الخشية اللي فيني من كون البنت متواضعة الجمال لكن كنت اقول أني ماركزت فربما هي جميلة ..*
ومع ذلك هناك من قال روح وابد راح تنسدح عندها بيوم الملكة .. ومضيت أنا على هذا الأساس .. على أني راح اشوفها بشكل افضل مما شفتها فيه بالنظرة .. يعني تفاؤل محتمل وقوعه ولكن اكثر من اشاروا علي، جعلوه أمرا مؤكدا حصوله ..*

ملكت على البنت .. ولاتسألوا عن نفسيتي وقتها ..*
سلمت امري وقلت خلاص عاد وقعت الخشبة على الرأس ..*
وبدأت أحاول أكيف نفسي .. على الامر ..*
فترة اتناسى وفترة يرجع لي الهم*
عاد وقتها تذكرت البنات اللي يجبرون على أشخاص مايبونهم، وحسيت بصراحة بشعور مقارب لشعورهم، مع انه ليس هو بالضبط لكن كان صعب كثير ..*
هذي لفتة لهم ادعولهم والله توني حسيت بشعورهم ، الله يعينهم يارب
انسان كان مأمل كثير على زواجه وبالاخير انصدم ..*
المهم
وتمر الايام وحاولت ادخل نفسي بالحب مع البنت ولكن للأسف ما حسيت بطعم ..*
وكل يوم يكبر اللي بخاطري عن اليوم اللي قبله ..*
هي مسالة نفسية ماقدرت أتحكم فيها ، ضغطت على نفسي لكن ينجح الضغط فترة ومن ثم مايلبث انه ينفك ..*
حاولت اجرب اسوي نفسي مندي لكن بعد مانفع .. حتى مسلوق على ماء بدون بهارات، واللي اعتقد شخصيا انه مايتناول هذا النوع من الأكل الا شخص خالي من الذوق ، جربت أعيش بالوضع بالتخلي عن البهارات ولكن للأسف ماقدرت ..*
انتابتني نوبات وسوسة وبكاء وكنت اقول يمكن بسبب الصدمة وفترة وتروح .. للأسف زادت ماراحت
إيه لحد يضحك .. النفوس مهيب زي بعض .. كل انسان وله أساسياته الطبعية والطبيعية ..*

للأسف .. أنا مقبل الان على الطلاق بعد اسابيع كأنها سنوات .. ورتبت وضعي على هلال اساس وارتحت بالفكرة وخبرت أهلي ومثلت عليهم أني مصاب بعين ومشت عليهم الحمدلله، وهالشي لمصلحتي ومصلحة البنت ، يوصلها خبر أني معيون وتقول المشكلة منه مؤ مني، حتى لاتتحطم ولاتشك بنفسها ..
طبعا تعبنا وتعبت أنا وتعبوا أهلي وتكلفنا بالملكة وتكلفت البنت وأهلها والحين كل هذا بيروح بالمشمش ..*
لكن الشكوى لله افضل من أني أخذ البنت على عدم تقبل نفسي لها ومن ثم اظلمها او اسيء معاملتها او اعافها او اقصر في حقها .. وقبلها اظلم نفسي بإرغام نفسي والضغط عليها ،.*

نصيحتي للناصحين :
اذا جاكم احد متردد اكدوا عليه انه مايتصرف الا بقناعة كاملة تامة*
اما انه يقدم بالرضئ التام او ينسحب ، او يكرر النظرة الشرعية*

المفروض ان اكثر المشورات تقول لي اما انك تروح وانت مقتنع والا اقضب أرضك، بنات الناس مؤ لعبة تقعد تقول باتمم ويمكن ارتاح ويمكن تصير أحلى من وقت النظرة ويمكن ويمكن ويمكن ،، هالموضوع مافيه يمقن*

لا وازيدكم من الشعر بيت
بعد موضوعي هذا استشرت نفس اللي قال لي بتشوفها أحلى بالملكة، وقلت له مشكلتي، تدرون وش قال ؟
قال لي اصبر وصدقني بعد الزواج راح تستحليها ع الفراش !*
البقرة يقدم لي افتراضات ويخليها شيء مؤكد
بغيت أخربها معه ،
عرفت انه بيجيب فيني العيد
ياعالم بالأمور هذي لحد يشور الناس انهم يروحون باحتمالات، لحد يروح الا وهو مقتنع تماماً*

نصيحة لمن هم مثلي :
سواء كنت متشكك من الشكل مافي اقتناع كامل او متشكك بالسلوك او غيره، المهم لا تروح الا وانت مقتنع تماماً ، لايضيعونك مثلي ، هذي تجربة مريرة لي ارجوا ان يستفيد منها اكبر عدد من الحائرين،*

هذا والسلام،*

لا بصــراحه انا مو مصـدقه أنك مقدم على الطـلاق ..

وبعـدين يامحتار أحنـا ماقلنـا لك ضـروووري تشوفها مره ثانيه .. ورحت شفتها ..

وأعجبـك حياءهـا وقلت أن أفضل شي في البنت حيـاءها,,

وقلـت لنا كيف كانت نفسيتها متخوفه من نتيجة التحليل لأنها كانت خايفه تخسـرك ..

زوجتـك مو عـديمة الجمـال .. عشان تتركها ..وتكسـر قلبهـا ..الله يهديك بس ..

وبعـدين تتـوقع ان اللي عايشين مع ملكـات الجمال مبسـوطين ..؟؟؟ ؟؟

يامـا جميلات أغتـرن بجمـالهن وشاف أزواجهن الدناءه من أخلاقهـن ..

بسـألك أنت أستخــرت مره ومـرتين وثلاث قبل لاتقـدم على الطـلاق ..؟؟

هلا أختي
للحين عيونك تحكك ؟
الله تذكرت ذيك الايام يوم كتبت موضوعي وفضفضت لكم، اذكر كانت عيونك تحكك
يازين ذاك الوقت والله كان عندي فرصة ذهبية بالتراجع قبل مايتم شي

لا ماشفتها مرة ثانية وكنت أحاول اقنع نفسي بجانبها المضيء حتى اتناسى اللي بقلبي ..
لكن للأسف عشت حالة نفسية صعبة وفقدت اللذة في كل شيء
صحيح بينكسر خاطرها لكن أهون من أني اعافها بعدين واتمشكل معها ويصير فراق
على الاقل هي لازالت بكر ولاجلست معها الا مرة بعد الملكة

والاستخارة راح تحصل بإذن الله ، والله المستعان

أنـا عيـوني تحكينـي .. مو تحكنــي ..ركز..

طيب ماتقـدر تجلـس معـاها مره ثانيـه ؟؟..

أجـلـس سولف معاها وشف نفسيتك كيف تكون تجاهـها ..

أكيـد في الملكـه ماكان بينكـم أي كـلام ..

قرارك جـــدا صعـب لاتقـدم عليه بكـل سهـووله تريــث ,,

ماشفتي وضعي أختي
أموري تمام وانا عطيتكم الزبدة
والله يكتب مافيه الخير

الله يهديك بنات الناس مو لعبه
تعرف شو معنى طلاق
يأخى خاف ربك لا تدعى عليك. لأنك ظلمتها يعنى لو ماشوفتها يمكن نقول لكن شفتها وبعدين ملكت
وذحين تقول ماتناسبنى

صحيح أنا أخطأت باني تممت على افتراض وتفاؤل
كان مفترض مااتمم الا بقناعة تامة
لكن بعد حصول الخطأ لااحله بخطأ اكبر وهو أني امضي حياتي مع إنسانة ممكن ماتتغير قناعتي فيها
بل هو الأغلب

لذا هذا هو الحل الأسهل من بقية الحلول

الله يجزاك خير جوهرة العطاء
اشكرك جزيلا على كلامك
فعلا الامر صعب ولكن حيل الله اقوى