|
صبغت شعري وانعدددم
السلام عليكم ورحمة الله وبركاته
كيفكم ان شالله تمام بنات شوفو لي دبرة ، خربت شعري* شعري انعدمممممم خلاص كله بسبب تسرعي قهر سنتين اهتم فيه وبالاخر خربته بالصبغة ، شعري طويل الي اخر ظهري رحت اليوم الدانوب وقلت بشتري صبغة بغير لون شعري في البيت بنفسي بدون كوفيرا وشغلانة المهم شريت اربع علب صبغة وعلبة وحدة أكسجين 9٪ ما بغيت اكثر عشان لا يخشن علي* قريت التعليمات وسويت مثل ما مكتوب بالضبط اللون طبعا اشقر ثلجي فاتح لان شعري مو اسود صافي ف قلت بيجي اللون ع بني نحاسي ومن بلاهتي ما بحثت بالنت ولا قريت المهم خليتها بشعري ساعتين وبعدين غسلته بالكريم اللي جا مع الصبغة اول ما طليت بالمراية انصدمت و بكييييييييت شعري لونه غبي صار مقسووم نصين من قدام لون فااااتح زي لون عروسة باربي حلو اللون عجبني مرا ونفس اللي كنت ابغاه لكن من الوسط صار بني مو نفس درجة اللون اللي من فوق الحين وش الحل كيف أداوم انا وشعري مخلوط خلط وملون وعندي مناسبة يوم الأربعاء واصلا صبغت مخصوص عشانها وشكلي ما بحضر مررررة قهر ، اللي عندها خبرة بالصبغات تفيدني مشكورررة* أخيرا ،،،،، اتمني ان يكون هدا مكان موضوعي* واتمني برضو ما ينحذف لأني ماني عارفه اذا كان مخالف ولا لا* وان شالله مو مخالف * |
والله ضحكت ............ مشكوره:d روحي اقرب صالون الكوفير بتعدله لك:30: الحمدالله على سلامتك |
خوفتيييييييني يابنت
على بالي صار شي لشعرك اذا على اللون بس مقدور عليه المهم شعرك ماتضرر لانه الاكسجين بالبيت خطير ويخرب الشعر .. الحمدلله سلم شعرك المهم ممكن تروحي صالون بكرة و تعدلي اللون او تشتري صبغة بني داكن و تسويها بشعرك و يصير شعرك كله لون واحد وخلاص ولا تصبغي فترة عشان يرتاح من اللي سويتيه فيه :) وبعد 3 و لا 4 اشهر روحي لصالون و سوي الصبغة اللي تبيها |
حبيبتي موضوعك مو مخالف .,~
الله يكوون بعونك أحسن حل زبطيه عند الكوفيره وريحي نفسك .,~ واحضري المناسبه ليووم الاربعاء .,~ الله يتمم امورك على خير =) ان شاءلله يكون درس لكِ |
يالله نفسس طريقتي قبل العيد صبغت اشقرعند مشغل وبعدين ماعجبني وصبغت بعده اسود وقبل العيد بيوم رجعته اشقر وطلع مبقع مع الاسف والحمدلله على كثر الصبغات ماطلع فيني شيب:d
تقدرين توحدين اللون عند كوفيره سهاله حبيبتي لاتشيلين هم بالتوفيق |
وضحى ..
الله يهديك مو وقت ضحك انا مقهورة ع شعري صار شكله عدم وما ابغى اروح كوفيرا تزيد تعدم الخصلتين اللي بقت |
نورا ..
كل هدا وما اتعدم لسه ، اصلا خشن ملمسه صار سلك مواعين ايش ممكن يصير فيه اكثر من كذا يعني انا ما بطلع اليوم للدوام مستحيل اخرج وهو كذا شكله مشكل ثلاث ألوان والله زعلت مررررة مدري ليه مع اني اتبعت التعليمات حرفيا وحتي زودت ساعتين قلت عشان يمسك اللون بس اتاري النتيجة عكسية ومو من صالحي طيب انا ما ابغي اروح المشغل بيحطون لي أكسجين كمان وبيلعن ام الشعرتين اللي بقت مو كفايه اللي فيه يعني اذا صبغت كمان ايش حيصير له .. بس ممكن اسوي صبغه في البيت ارجع أوحد اللون لكن بدوووون أكسجين هو اساس الخراب ياليتني ما سويته وخبصت الدنيا اساسا انا اكره الصالونات من الشي دا انو ما تعرفي أش يقربعو بشعرك .. وانا مخلوقة اقدر الشعر مرررة وابكي ع الشعرة اذا صاحت الله يعين ما دامها خربت خربت يلا ببدا كورس جديد علاج للقرف اللي سويته بشعري |
زهرة الرمان
الله يسعدك يا قمر بس انا مااحب المشاغل مرررة وأخاف يحطون أكسجين برضو بس اذا اضطريت حروح وامري لله |
صرخة حب ..
طيب بالله لما حطيتي ثلاث صبغات بوقت واحد ما خرب شعرك ؟؟ يعني ما صار ملمسه خشن واذا دخلتي أصابعك تحسين متشربك انا اكره الخشونة مرررررة ودائما مهتمة فيه وحمام زيوت ع طوول عشان ما يتقصف ولا يخرب ملمسه أجي بالاخر اخربه بصبغة ليتني ما تلقفت ولا سويت شي المشكلة انو كل خوفي الحين من حكاية الأكسجين أخاف برضو يطيح الشعر .. مااقدر اغامر فيه واجلس مقرعه بعدين وحليني سنة ثانية لين يتعدل يا من يعيش |
طيب لمن بتوحدي اللون في البت اكيد بتستخدمي اكسجين
الاكسجين وراك وراك فخلي الكوفيرة تعدله لك افضل لك بدل ماتسويه وينعدم ثاني وتضطري تصبغي مرة ثالثة فمادام انك تهتمي فيه روعة خلي الكوفيرة تصبغه وتضبطه وبعدين اهتمي فيه بحمامات زيت وماراح يخرب شعرك ولمن تبغي تصبغي مرة ثانية مو تحطي الصبغة كلها مرة وحدة لالالالا تصبغي الشعر اللي تحت وتخلي الجذور واللي فوق ولمن يمسك اللون تحت تصبغي الجذور لانه الشعر من تحت مايمسك اللون بسرعة ويبغاك تنتظري عليه اما من الفروة والجذور على طول يمسك اللون بسبب حرارة الراس واذا صبغتي من تحت غطيه بكيس وحطي الاستشوار على راسك عشان يطلع اللون بسرعة تقبلي مروري |
| الساعة الآن 11:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©