|
الفتق او البعج
السلام عليكم ورحمة الله وبركاته
اسعد الله اوقاتكم بكل خييير ولد اختي عمره شهرين اسم الله عليه سرّه بارز لي برّا من اسبوعين تقريبا صار معاه هالشي امي لما شافته قالت فتق او بعج وفعلا لما ودوه لاستشارية اطفال قالت انه بعج وعادي مع بلوغه الست شهور راح يرجع لمكانه طبيعي لما تشد عضلات البطن لانها حاليا ضعيفه في وحده قالت لي صار لولدها نفس الشي واستخدمت الحزام وصار اوكي ووحده ثانيه تقول استخدمت قطعه معدنيه تحطها عالسر وتلف فوقها شاش !! مع ان الاستشاريه تقول الحزام مامنه فايده لان الانتفاخ ممكن مايرجع لمكانه بالطريقه الصحيحه فتقول اهو راح يرد من نفسه طبيعي من ناحيتي اؤمن بمقولة اسال مجرب فاقول لاختي استعملي الحزام لاني مو دايما اثق بكلام الاطباء!! اشرايكم؟ محد جرب منكم او مرّت عليه هالحاله!! |
شوفي ناني الثقل جداً مهم ؛؛ وضروري ..
لإن الذي يبرز السره في هالعمر هو بكاء الطفل .. فهو يعمله جهد كبير.. لذلك على اختك بقدر الإمكان انه ما يبكي .. وهناك حزام خاص يربط على السره في وسطها الثقل حتى لو بكى ما يأثر او ما يبرزها اكثر وترجع وتلتأم بإذن الله .. طيب يا ناني ؛؛ هل السره فيها التهاب ؟!! والظاهر انه من ولادته وما انتبهت ،، ومتى طاح سره ؟! |
ربي يشفيه و يفرحكم فيه ياارب
عن نفسي اسمع كلام الاطباء :) لانه احيانا بعض نصايح المجربين تجيب مضاعفات شنيييعة و شفت حالات كثير بسبب نصايح الحريم انتهت بالمستشفى .. بس ماكانت حالات فتاق للامانة ,, اسالي الطبيبة اذا مافي من الحزام ضرر استخدموه على الاقل اذا مانفع مايضر ,. هذا المهم وربي يعافيه يارب و تشوفوه عريس |
هلا حبايبي
شقرديه سرّه طاب تقريبا خامس يوم من ولادته الحمدلله مافيه شي حتى المراجعه اللي بعد الولاده باسبوع شافه الدكتور وجيك عليه من احسن مايكون ولله الحمد لكن بعد ما تطهر الولد بكم يوم وكان عمره شهر وشوي بدت السره تبرز وتكبر وهو من النوع اللي يبجي بعصبيه وفيه امساك يمكن هذا اللي زود هالشي الخزام موجود ونستخدمه بس الدكتوره تقول ماله داعي ابدا لانها بترجع اولريدي بعمر الست شهور بس احتياطا ان شاءالله نبي نستخدم الحزام شكرا حبيباتي شقرديه ونوره |
| الساعة الآن 07:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©