|
زوجي أرهقني بكثرة الاستلاف فما الحل ؟
والمشكلة أنه في كل مرة يستلف مني مبلغ من المال يحلفلي بالله أنه سيردها عاجلا ، والذي يسمع طريقته في الحلف والكلام يصدقه ، لكنه لا يفي بوعده على أنه سيرد المبلغ في وقت لاحق حين يتوفر معه
فقد استلف مني المرة الأولى فوق التسعة ألاف ريال ولم يردها واستلف مني المرة الثانية والثالثة سبعة آلاف ريال ولم يردها والبارحة أخذ يكلمني في سلف جديد فعصبت - من غير إرادة مني - ورفضت إلى أن يرد الذي عليه فنام وهو زعلان هذه السلفيات لاكمال بناء المنزل الذي سنسكن فيه والأرض باسمه والبناء أيضًا باسمه فإلى متى هذا ؟ وما هي الطريقة السليمة في التعامل في مثل هذه المواقف ؟ هل أقول له إن كان البناء سيتوقف على الأموال التي أعطيها لك فأوقف البناء لا نريده ؟ فقد أخذ يلمح بأني سيستخرج قرض على راتبي يكمل منه بناء المنزل على أنه مسكن لي ولأولادي ولا أحد سيسكنه غيرنا ولن يؤجره فهل يعقل مثل هذا ؟؟؟ وعندما قلت له إذا كان الوضع هكذا فاكتب المنزل باسمي ، فأجاب : علشان تطردوني إنتِ وعيالك بكرة منه فهو يعتبر أني وما أملك له شرعًا :(وإن أنت أكرمت الكريم ملكته ...... وإن أنت أكرمت ...... |
ياحبيبتي اكبر غلط تعملة الزوجة انها تصرف على زوجها غلط كبير صحيح يفرح لمن تعطيه بس مع الوقت راح يتعامل معاكي ع اساس انك بنك ومخزن لا على انك زوجة لانه الرجل بفطرته يحب ان يكون القوامه له من كل النواحي خاصة الصرف ..سمعت قصص كثير زي قصتك وكلها نهايتها انه بعد يبني البيت بفلوس زوجته يتزوج عليها ويسكن هو وزوجته الجديدة في البيت والله العظيم قصص واقعية ومن مجتمعنا
احذري ثم احذري حتى لو كان زوجك طيب ومعاملته معاك زينه بس كتر الصرف من الزوجة لزوجها يفسده وما يشبع من الطلب واذا رفضت مممكن توصل للطلاق لاتعودي زوجك الرجل يحب الزوجة اللي يحس انها محتاجتله خاصة من ناحيه الصرف المادي عليها وفي النهايه راح يدور على زوجه تحتاجله وتحسسه برجواته وبقوامته عليها صدقيني خذي لفة في المنتدي في المواضيع القديمه وشوفي المشاكل اللي زي قصتك ونهايتها خلاصة كلامي قفي عن الصرف على زوجك حتى لو زعل او هجرك راح يرجع في النهاية قوليلة ابني البيت بنفسك وبمالك انت الرجل ولك القوامه ومستعدة ننتظر سنين حتى تنتهي من البيت خذ راحتك حتى من الناحية الشرعية لايجوز ان الزوج يطلب من مال الزوجة الا برضاها انتى معاك كل الحق برفضك محد يقدر يخطئك |
طيب ليش مايكون باسمك وباسمه ...؟
|
السلام عليكم ورحمة الله وبركاته...
أختي الكريمة ما في مانع تساعدي زوجك بس بشرط يكون حقك محفوظ... بمعنى تساهمي معه بتكاليف البناء ويكون المنزل بإسمك واسمه... بالتوفيق ان شاء الله |
انتبهي اما ان تسجلي جميع ماتسلفه مكتوب وموقع عليه او تشاركيه بالنصف ويكون البيت باسمه واسمك
وزين ماسويتي حتى يعرف الحق حق |
لحفظ حقوقك عندك حلين لآترضين إلا بهما:
1- إذا حيستلف يكتب على مستندات إنه أخذها على اساس إنه يرجعها لك 2- يكتب البيت بأسمك وإذا زعل كوني صارمة لآتتهاوني ابد هاذي حقوقك الله يصلحه ويهديه نآسي إنه مسؤول امام الله عن هاذي الدين وإذا ماقدرتي أضمن لك إن هالبيت نهايته حرمة جديدة |
احذري ياأختي الرجال مالهم امان
أذاتبغي تساعديه مومشكله لكن بحدود المعقول مع ضمان حقك. ابوي كان ياخذ راتب امي كله علشان يبني شقه لأمي وبعد ماخلص منها قام ببناء شقه ثانيه وتزوج على امي ومازال ياخذ فلوسها ويصرف على زوجته منها ولما طلبت تاخذ راتبها قال لها تاخذ الف ريال فقط وتصرف على نفسها بهذا المبلغ وهو مايصرف عليها الانادراً. حاولي لماتسلفي زوجك تسجلي المبلغ حتى مايضيع حقك. |
ياشين المذله ياناس
يكتب البيت بأسمك علشانك سلفتيه 25 الف ريال ؟ يعني البيت الي يبنيه من بيسكن فيه مو أنتي وعيالك ؟ قال لي أحد الحكماء لاتاخذ من الحرمه ريال بيجي يوم وتذلك ولا أعمم فيه حريم وقفت مع رجالها وصارت عن 100 رجال الله يكون بعون زوجك ويقضي دينه يارب |
أنا أوافق العضوه سما:22:
Feeling الزوجه مؤ مكلفه تدفع لزوجها ولا ريال النفقه على الزوج مو على زوجه وهو الواجب عليه انه يأمن لزوجته وعياله المسكن والملبس والمشرب مؤ زوجه يعني اهو إلي ذال عمره من البدايه:25: |
اقتباس:
وش دخل النفقه في الموضوع حنا نتكلم عن دين يعلق برقبته واجب القضاء |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©