الله يسلمكم انا انسانة تربيت على الترف والرفاهية في بيت كبير ومافي شي ينقصني والحمدلله وانسانة طموحة كثير دارسة فالجامعة تخصص تجارة واقتصاد وفي الجامعة تعرفت على شاب اوهمني انه الشاب المثالي وانه يحبني ويغار علي وكان خفيف دم وكلامه عسل ولكنه من عاىلة فقيرة غير انه خريج جامعي ولكن علم مكتبات (تخصص جدا ضعيف) تخرج قبلي بسنة ونص واشتغل في مدرسة وتقدملي والخطوبة عندنا مع ملكة فاخذ قرض كبير خذ فيه سيارة مستعملة ودفع حق المهر والشبكة .. بعد اسبوع بس من الملكة واحنا طالعين عزمني عالعشا وقال لي بعد ماتتخرجي وتتوظفي تاخذي معاي قرض كبير ونبني بيت مع شقق ومن فلوس الشقق نطلع سيارات جديدة ونسافر وادرس ماجستير والتخطيط الفاشل تبعه ( الراتب 600 : 200 اجار شقة, 200 للبنك عشان قرض العرس و 200 الاخيرات عشان قرض البيت)!!! ومن وين بتصرف؟ من قرض البيت!!!!!!!!

هنا انصدمت كيف يطلب مثل هالطلب واحنا تونا الا مخطوبين لا ويقول توافقي او ننفصل طبعا رد فعل طبيي قلتله ننفصل جيت امشي عنه اثر علي عاطفيا ووافقت وانا ندمانة بس من حبي له ومن خوفي لخسارته

بعد كم شهر خبرته برفضي واثر علي مرة ثانية وسكتت وصار يعاملني مثل الاميرات يفتح لي باب السيارة يدلعني ويضحك معاي كل يومين عزومات وسينما ووناسة ويعطيني 200 مصروف اخذ كل احتياجاتي

المهم حددنا موعد العرس وانشغلت بالتجهيزات وخوفي اني اخسره قررت اتفاهم معاه على موضوع البيت بعد الزواج وصار العرس وعشت شهرين فالعسل وبعدهم فتحت الموضوع وعصب كثير وقال اجلي الموضوع بعد التخرج وكان باقي كم شهر بتخرج وطول الفترة الي ادرس فيهم يدلعني يطبخ ويغسل عني الصحون وحبوب ودمه خفيف وصار وقف عني النفقة ولكن ياخذلي اغراضي ومع ان مسكني بعيد وفملحق صغير مطبخ وغرفة ومجلس ولكن معاملته الزينة صبرتني على كل شي

ولما خلصت اخر امتحان وتخرجت انقلب الرجال 180 درجة ومسكلي هالكلام انا فقير وانا مديون وايجار المحلق تاعبني مع ان بس (190) وصار ماياخذلي احتياجاتي ومايعاملني نفس الاول ويقول لي انتي بتتوظفي وبترتاحي وانا بضل فقير !! واذا اطلب منه شي بسيط ورخيص مثل محول كهربا يصرخ فيني انتي ماتفهمي وبعد ساعة شوفه مشتري شي بسعر 10 محولات وكله يقول لي تسلفت من فلان ومن علان ومن ومن عشان البي احتياجاتنا ومرة قال متسلف 30 ثاني يوم غلط وقال 40 (( واضح ان يكذب الله يسامحه)) وحتى لو صحيح الرجال مايخبر زوجته هالكلام ويحاول يريحها ومايحسسها بشي وصار مايرحمني فشغل البيت وحتى وانا اغسل الصحون يجي ويقول غسليهم زين ويمسكهم يغسلهم قدامي يحسسني اني وسخة مع اني افركهم فرك ويذلني يرمي اشياء بالارض وينتضرني اشيلها اذا ماشيلها يقول انتي انسانة فوضوية !!!

وصار مايضحك وكله نكدي وكئيب ويشتكي مديون ومديون ومديون وحتى بليل احط راسي بنام هو بجلس فالسرير ومسوي عمره سرحان ومهموم قلب لي حياتي كئابة وضيق وصار مايطلعني ولايعزمني مكان يقول ماصفاله شي هالشهر بعد ماكنا نطلع كل نهاية اسبوع ويقول هي خطة جديدة لان مديون !! وصار جاااااف معاي اقوله وين الحب والرومنسية بعد ماكان يفتح لي الباب ويدلعني احين مافي ويقول مافي حب ورومنسية ولا خفة دم وانا مديون !!!!!!!!!!بالله عليكم شو دخل الحب بالديون .. الحب احساس والفلوس مالها علاقة فيه

والله يشوفوني اهلي يفكروني مريضة بعد ماكنت مهتمه بنفسي وبشكلي قصيت شعري قصير وخليته اسود كله لان مايقدر يدفع لي حق ستشوار وحق صبغة واهملت بشرتي وحالي وملابسي قديمة عشانه وشوفوا كيف يعاملني وفوق هذا حاط قانون مافي اطفال لحد 5 او 10 سنوات لان مديون!! ويبيني اكل حبوب كل هالسنوات

قولولي شو اسوي معاه الحين انا في بيت اهلي خبرته يخليني معاهم اسبوع لان النفسية تعبانة كثير ويوم كنت اكلمه يرجع يومين عسل وبعين يرجع يعذبني

ساعدووووني