|
ناوي اخطب باذن الله
السلام عليـــكم
كيفكم ياحلوين بستشيركم اخواني واخواتي ,, وبستفيد من وجهة نظركم اول شي الحمدالله تم الانتهاء من اساسيات التقدم للزواج من تجميع المبلغ والشقه وكذا والاهل امس كلموني يالله خلنا نخطبلك الي بغيتها وانا دليتهم على بنت جارنا وقالو خلاص وقت مابغيت نروح نخطبها لك بس تدرون الحين بديت احس برهبه وبديت افكر كيف البنت وكيف بتكون معاملتنا يعني بدت الهواجيس عندي وجالس احط بمخيلتي الف بنت من شكل ونوع مره احط وحده دبدوبه ودمها خفيف واتخيل كيف حياتي معها وشويتين احط وحده نحيفه وعقليتها ناضجه بس خفت بعدين توسوس وتقول ياليتني اخذت شخص مثقف<<والله انا الي وسوست :d ويعني اشياء زي كذا دامني لسى عالبر ابشوف ايش الي يناسبني واكتشفت الي يناسبني تدرون ايش ,, اني بس ابي انسانه اكون سبب بسعادتها اغير حياتها للافضل اخليها متفائله ويوم تطرح موضوع بمنتدى تكتب فيه فرحتها بالزواج :) وانا كلمت اهلي على بنت الجيران لان اخوانها وعايلتها جدا مقربين لي وكاني واحد من عايلتهم وخويان سمن على عسل وبس الحين ابي هالانسانه الي ادخل الفرحه على قلبها الي تروح تبشر كل صديقاتها انخطبت وتبي تسوي بعرسها كذا وكذا وانا اقول لها سمعا وطاعه,, لدرجة دخلت على عضوية بعض الاخوات اقلب بمشاركتهم الي قلقانه مانخطبت والي تتمنى متى تنخطب وجلست اتخيل اني المنقذ على غفله :d واتمنى اخطب وحده منهم بس اكثر شي يكسر بخاطري لما وحده تقول انخطبت بس ماعجبتهم او اكتشفو مريضه بالسكر وهونو ودي هالانسانه تكون لي حتى اعوضها والحين ياخوات وياخوان حايس حوسه مع هالتفكير وقلت لاهلي خلاص خلوها الاسبوع الجاي لان بفكر اكثر بالانسانه الي ابيها واسعدها وانا سعادتي بتكون لسعادتها كل ماشفتها مبسوطه بزيدها دلال وحنيه وعمري حاليا 25 والسن المناسب لي من 18 الى 25 بس بنفس الوقت اخاف من تفكيرها اخاف تفكير الوحده يكون سطحي واهتماماتها ماركات وهالشغلات يعني ودي بحاجتين : الاخوان: ايش رايك بالبنت الي تبي تخطبها وكيف تعرف انها مناسبه لك الاخوات وهو الاهم: ايش تبين بزوج المستقبل والاشياء الي تخليك تحمدي ربك على هالشخص ,, يعني كيف ممكن يدخل بقلبك ايش الاسلوب الي تبيه فيه لان باخذ كل الايجابيات وبحطها قدامي وبمشي عليها والاهم من هذا كله الاستخارة والتوكل على الله :22: |
شوف حبيبي
وكل أموركـ كلها لله و أستخير وهذا الشي قسمه و نصيب ربي كاتب لك بس أنت أدعي وقول يالله يارب أرزقني الزوجه الصالحه .. أنا مثلك في البدايه متردد كثير مرتين أرجع في قراري " أكلم الوالده الله يحفظها و أقول خلاص توكلنا ع الله أخطبي لي فلانه و استخير الله و أدعي " شوي أكنسل و أحط أكس ع فلانه مارتاح لين طال عمرك جتني الوالده وقالت بنت عمتك قلت لا يمه انا من زمان أقولك مابغى من الاقارب مشاكل و ماني عارف مين المهم طلعت 1000 سبب و سبب وبعدها طال عمرك شفت حلم يارباااااه والله شي رهيب ياخي هههههههههه المهم استخرت الله ولاحظ اني كنت من المعارضين من الزواج من الاقارب ولكن ربك فوق بعد ماستخرت الله تيسرت أموري الحمدلله وشفني الحين باقي لي كم شهر ويجي الزواج والله يتمم ع خير ع فكره انا ماكنت مشترط الجمال ولكن الحمدلله " اخوك صادم برميلين زباله الله يكرمك والحاضرين " بعد الشوفه الشرعيه المقصد من كلامي هذا كله يالغالي توكل ع الله و أستخير مره و مرتين و ثلاث ومابيصير في خاطرك الا كل خير نصيحه لا تخلي مشاعرك تسيطر عليك خلك بعقلك الله يوفقك و يسعدك ويسهل أمرك دعواتك لنا يالغالي أسال الله ان يجعل عملنا خالص لوجهه الكريم ** |
احيي فيك الاحساس
ابصارحك بشيء ترا البنت الي تبي الزواج ومستعجلة علية موب شرط حياتها مأساوية عندك انا مثلا خخخخ ابي اتزوج وانتظر هاللحظة التاريخية (يالله التوفيق بس) مع ان حياتي العزابية حلوة ولله الحمد ومستواي المادي كويس وبيتنا عائلة متربطة وامي وابوي ناس كويسين* هذي نقطة والنقطة الثانية المواصفات لاتقعد تتخيل نفسك مع بنت بمواصفات انت حط المواصفات اللي تتمناها اقرب لنفسك وابحث عنها العمر 21-23كويس 1819 20صغيرة مرة |
لا لا لا تكفى يالمنـقـذ ..
علاء الدين على غفلـه ..:):) عمـوما .. لو مثلا كل بنت هنا.. كتبت المواصفات اللي تبغاها .. أنت في النهايه وش راح تستـفيد .. ؟؟ عندك الوالده الله يحفظها لك أجلس معها على جنب .. وقل لها أبغى البنت تكون كذا وكذا وكذااا وهي ماراح تقصر معك .. بتمقـل لك كل بنات جماعتكم أو جيرانكم على المواصفات اللي ولدها يبغاها .. وأهم شيء ماتدخل هالحيـاة ألا وأنت مقتـنع تمـــام الأقتناع .. والله يكتب لك اللي فيه الخير .. |
اقتباس:
اكثر شي محيرني يعني لو اخذت وحده وبعدين قلت يووه لو اخذت هذيييك وانت فاهم عاد الله يجبر بخاطرك ويتمم امورك على خير يارب |
اقتباس:
والله يسعدك بالزوج الي يستاهلك |
اقتباس:
بالعكس ياختي هالشي بيفيدني كثير,, اجمع الاساليب كلها واحطها بشريكة العمر ومافيها شي لو اعرف تفكير البنت وقد ماقدر اسوي الي فهمته واخذته من مشاركتكم وهذي مشكلتي اني اجلس مع الوالده,, لاني اصلا مابي غير انها مقبوله الشكل واخلاقها تمام يعني مافي مواصفات معينه ابيها لا اهم شي اني افرحها بالخطوبه :22: والحمدالله مقتنع اقتناع تام وشكرا عالطرح |
اقتباس:
شكل مقبول وأخلاق .. لكـن كل اللي يهمـك أنها تفـرح بخطـربتك لهـا وتعتبـرك المنقــذ المغــوااار لهــا .. وتروح لصديقـاتها وتسوي كذا :17::17: وتقول لهن أبشركن أنخطبت محـد قدي :14::14:.. ولا يهمك اذا خطبت .. البنت بتسوي كذا أن شالله .. بصراحه أنا متفقه معك في هالنقطـه لأن أفضل شيء أن الأنسان يقترن بأنسانه مرتاحه معاها ومو مغصوبه .. |
اقتباس:
والله بالضبط هذا الي اقصده ويختصر كل المعاني الي فيني (( انسانه مرتاحه ومبسوطه وسعيده معي,, بالمقابل ايش حستفيد حتبادلني هالشعور بتضحي عشاني بتغرقني بحبها )) هذا الي ابي اوصله لكم.. وجزاك الله خير انك لقيتي التعبير الصحيح... ابي انسانه اسعدها ومرتاحه وساعتها بتقدملي كل الي اتمناه واكثر :) |
السلام عليـــكم
وعليكم السلام ورحمة الله كيفكم ياحلوين بستشيركم اخواني واخواتي ,, وبستفيد من وجهة نظركم واكتشفت الي يناسبني تدرون ايش ,, اني بس ابي انسانه اكون سبب بسعادتها اغير حياتها للافضل اخليها متفائله ويوم تطرح موضوع بمنتدى تكتب فيه فرحتها بالزواج :) أي بنت رآح تخطبها مهما كانت أكيد بتكون سبب في سعادتها (= لأن فارس أحلامهآ وصصل وانا كلمت اهلي على بنت الجيران لان اخوانها وعايلتها جدا مقربين لي وكاني واحد من عايلتهم وخويان سمن على عسل ممتآز وبس الحين ابي هالانسانه الي ادخل الفرحه على قلبها الي تروح تبشر كل صديقاتها انخطبت وتبي تسوي بعرسها كذا وكذا وانا اقول لها سمعا وطاعه,, لدرجة دخلت على عضوية بعض الاخوات اقلب بمشاركتهم الي قلقانه مانخطبت والي تتمنى متى تنخطب وجلست اتخيل اني المنقذ على غفله :d واتمنى اخطب وحده منهم بس اكثر شي يكسر بخاطري لما وحده تقول انخطبت بس ماعجبتهم او اكتشفو مريضه بالسكر وهونو ودي هالانسانه تكون لي حتى اعوضها الله يحقق امنياتهم يارب و ربي مقسم الأرزاق على النآس ركز على اللي بتخطبها الله يجزاك خير:d والحين ياخوات وياخوان حايس حوسه مع هالتفكير وقلت لاهلي خلاص خلوها الاسبوع الجاي لان بفكر اكثر بالانسانه الي ابيها واسعدها وانا سعادتي بتكون لسعادتها كل ماشفتها مبسوطه بزيدها دلال وحنيه استخير وتوكل على الله واهم شيء خل امك تدعي لك ودآم امك شافت إنها مناسبة لك خلآآص توكل ترى هي أكثر وحدة عارفتك وعارفة إش يناسبك وأول مآتخطبها احمد الله على إنه أكرم عليك من نعمه و يسرهــآ لك شباب كثير يبغوا يتزوجوا بس مآيقدروا بسبب المآدة وعمري حاليا 25 والسن المناسب لي من 18 الى 25 بس بنفس الوقت اخاف من تفكيرها اخاف تفكير الوحده يكون سطحي واهتماماتها ماركات وهالشغلات مآفي بنت مآتحب المآركات وهالشغلات .. وهاذا مايدل على سطحية التفكير ابد لأنها طبيعتنا كذا نحب التزين (= وشي طبيعي إنك تكون أعقل منهآ ^_^ إذا لسى في الثانوي شوي صغيرة ويبغالهم معاملة خاصة إلا إذا كنت مستعد يعني ودي بحاجتين : الاخوان: ايش رايك بالبنت الي تبي تخطبها وكيف تعرف انها مناسبه لك الاخوات وهو الاهم: ايش تبين بزوج المستقبل والاشياء الي تخليك تحمدي ربك على هالشخص ,, يعني كيف ممكن يدخل بقلبك ايش الاسلوب الي تبيه فيه لان باخذ كل الايجابيات وبحطها قدامي وبمشي عليها كون صاحب مسوؤلية >> وإنتا دامك مضبط وضعك اتوقع إنك قدها ماشاء الله يشآركني في قرآراته وياخذ رأي (= الكلآم الزين والطيب يمدح شكلي وأنآقتي اخيرا احضر دورات واقرأ كتب عن فهم نفسية المرأة والتعامل معها وعن الزوآج كمان لاتتوقع إنك حتعرف كل اللي تبغاه خطيبتك وإش تتمناه بسهولة والاهم من هذا كله الاستخارة والتوكل على الله :22: |
| الساعة الآن 01:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©