|
خطيبي يرسلي مقاطع وصور له بطريقه غير لائقه ويقولي ايش رايك فيني..؟!
السلام عليكم ....
انا قبل اسبوع تقريبا نزلت موضوع عن كيف انهي زواجي بس انا ملكت وزواجي شهر 7 والحمد لله مرتاحه بس المشكله الي متعبتني حيييييييييييييل اني اجاري زوجي بالكلام فكل شي الا فالغزل مااتكلم لدرجة يسألني انتي معاي ..وقولي انا احبك ... وانا خجلانه اقووول انا احبك بس اقله لقلي احبك انا زيك .. وحشتيني انا زيك ... فالرسايل عادي بس مكالمه لا لا مقدر كييييف اتجرأ خاصه ان الوضع مو عاجبه يقول نفسي اسمع منك كلام حلو ونفسي انتي تتصلين مو بس انا .. هو عارف ان مكنت ابغاه المشكله الثانيه انه يرسلي مقاطع ... وصور له بطريقه غير لائقه ... ويقلي ايش رايييك فيني:11: انا مو عاجبني حكاية المقاطع والصووور ابد مدري هو وضع عادي انه يرسل ولا بس انا الخجل عندي حبتيين:confused: انا ماقلت لاحد من الي اعرفهم صراحه متفشله ... كيف اقله اني ماابغاه يرسلي مقاطع وصور له خاصه انه يطالبني ارسله زيه.. بلييييييييز حلوها معاي |
أولا ألف مبروك أختي حربيه وأقول بارك الله لكما وبارك عليكما وجمع بينكما في خير هو الأن زوجك بماأنكم ملكتو خلاااص هو زوجك ولساتك جديده عليه يعني كلها فتره ويروح الخجل وحاولي تأخذي وتعطي معاه وأما الصور أرى
أنك ماترسليله نهائيا شهر سبعه قريب للحي إن شاء الله يعني هل رأك نظره شرعيه خلااااص شنو لزوم الصور وإذا يريد يشوفك مره ثانيه يزوركم في البيت لامانع فهو زوجك أسئل الله أن يوفقكم وأن يسعدكم وأن يرزقكم الذريه الصالحه وأن يجملكم في أعين بعض .............شااااب |
أولا مبــروووووك ياحربيه ألف ألف مبـروووك والله يسعدكم مع بعض ..
ثانيا .. بصراحه زوجك مستعجل توكم في البدايه ..ماكملتوا أسبوعين حتى .. برأي لاتتجاوبين معاه في هالأشياء .. واذا سألك ليش ماتتجاوبين .. قولي له بأسلوب لبق الأمور هذي بعد الزواج .. قولي الأفضل أننا في هالفتره نعرف بعض أكثر وتفهمني شخصيتك أكثر وتفهم شخصيتي .. تعرفين وش طموحه وش تفكيره وش يبغى يكون منهجكم في الحياة الزوجيه .. يعني في هالفتره في أمور أهم من اللي هو يفكـر فيه .. والله يوفقك ياحبيبتي .. وتكونيـن بشهر سبعـه أحلـــــى عروووووسه .. |
اللي فهمته أخي شاب بانه خطيبها يود منها أن ترسل له صور لها من نفس نوعية الصور اللي هو يرسلها لنفسه
حبيبتي مثل ما قالوا لك لازلتم بالبداية وأسبوعين فترة بسيطة وحياءك طبيعي جدا . وان شاء الله مع الوقت بترتاحي أكثر وتصيري صريحة أكثر وقوليله انا الحين أخجل لأن تونا ولا تتضايق مع الأيام أقدر أعبر عن مشاعري بشكل اوضح وأقول لك كلام حلو . اتصلي حبيبتي تطمني عليه أو الصبح بكير أرسلي صباح الخير أو بالليل تصبح على خير مافيها شي يخجل وكثري مسجات حتى تعوضي النقص الى أن تتعودي وتصيري تقدري تقولي كلام مودة . وقوليله الصور والكلام في الجنس نقدر نصبر شوي عنه ويصير أحلى لما نكون ببيتنا . واذا استعجلنا بنفقد حلاوة اللقاء بعدين . |
مع كلام الاخت بيتا
وخطيبك متفتح وانتي شعورك كأي بنت الخجل وارد ... بس ممكن انبهك لكلام ماحد ذكره .. طبعا هو ليس سوء نيه بس الاحتمال وارد وحصل كثير عند بعض فتيات لجهلهن بهالنقطه .. وكان سبب في فسخ الخطوبه .. او اتهامها من قبل خطيبها .. بانها كانت على علاقه بشاب اخر قبل الخطبه .. هو ان تكوني موضع اختبــــــــــــــــــــــار عند خطيبك اما النجاح فيه او الفشل و يرسل صور وفيديو او يطلب منك كلام جميل اذا كان تجاوبك معه سريع .. فممكن يحدث ماذكرت (من شك او فسخ ) لاقدر الله يعني لاترسلي صور ابدا .. او مقطع عنك وكلامك خليه بحدود .. فخليكي معه على طبيعتك ولاتتهوري مثله وانا مابدي اخوفك بس انبهك ونصيحه حتى لو هالموضوع مو براس خطيبك ومش موجود بالاساس خلي نظرة خطيبك لك كبيرة وحتى كل شيء بوقته حلو يعني هالامور بعد الزواج لها نكهه احلى .. وممكن تفهميه هالامر(موضوع الصور ) لو يضايقك.. لاتحطي بقلبك خليكي واضحه .. |
الحمد لله والشكر ياناس فيه لحد الانه رجال من ذا النوع انه مثلا يشك فيها انه غازلته اوانهاها جريئه شوي في كلامها الناس وصلو للقمر والرجال مكانك سر وهوه عارف من بيت مين خاطب مافي داعي للشكوك وبطبيعه المراه انها لو كانت جريئه لو غازلت حبتين في خطيبها دليل ع حبها بجد لاتعليق ومبروك الخطوبه0000
|
مشكورررين على ردودكم
ونورتوا بصيرتي والحمد لله واشكركم من قلبي وبقله على الصووور والمقاطع انها مهي حلوووه فالوقت هذا خاصه وانو على حسب مفهمت من وصديقه لي حرام المقاطع ...حتى بين الازواج وانا ماابغاه يرسلي صور له غير لائقه ابد خوفني منه كثييير ومن العلاقه وكرهت الزواج بس مدري كيف اقوووله وبالنسبه لشاب.. ايوه شافني ويزورني كل خميس.. |
مساء الورد
انا من رايي عادي كلميه بيني له انك مهتمه فيه ومافي مانع لو تتغزلين فيه لكن مو لدرجة الجرأه يعني لاتتكلمين بأمور الجنس اما من ناحية انه يرسل صور ومقاطع بيني له ان هالأمور تكون بعد الزواج ليش مستعجل ؟؟ ومبروووووووووووك الزواج مقدما |
مساء الخير ... الف مبروك حبيبتي ,,,بصراحه اشوف زوجك يا انه مستعجل وفاهم الخطبه او الملكه غلط ,,الملكه في البدايه فتره تعارف وكوني على طبيعتك افهمي الشخص الي قدامك ,,,لا تتعاملين برسميه خذي راحتك بيني له انه مهم بحياتك حاولي تقولين كلمه حلوة بالغلط لولانك ماتعودتي بس بعدين بتتجراين ,,,,و لو قرب الزواج وانتم ماارسلتو صور لبعض او هو ارسل مقاطع غير لائقه وصار ياخذ حريته مو شرط ,,,,او انه مثل ماقالت سندريلا حبيب ,,ممكن يختبرك وهالشـــــــــــي جدا وارد ممكن متاثر بتجارب اصحابه وبعض قصص النت لا تلومينه لكن كمان حاولي مايزودها لدرجة الشك ,,,,,وبالنسبة لحيائك لا تعتبريه مشكله ابدااا ,,,لانها صفه حلووة كثير وكل الرجال يحبوها ,,انا ظليت مع خطيبي سنه كامله كااننا اصحاب وما سمعت كلمه منه حلوة ,,,,فهمنا بعض فهمت طريقة تفكيره ,,,,وفي السنه الثانيه صرنا نتعامل كـ حبيبين ,,,,الشي بالتدريج ,,, لكن تكلمي معه بااسلوب مناسب وبذوق وخليكي واضحه ترا الرجال مو زينا نحب نصفصف كلام ومقدمات وفهميه انه مستعجل في هالفكرة وياليت يبطلها لين بعد الزواج ,,,وكل شي بعد الزواج حلو ....ونصيحه مهمممه ابعدي عن موضوع الجنس صح زوجك لكن هذا مو وقته الحين ,,,,, دمتي بسعاده بحياتك انشاءالله ,,, |
ياأختي لاتكبري الموضوع
الشباب في فترة الملكة مشاكسين وبعضهم مشاكس جدا جدا والظاهر زوجك منهم وبعضهم عنده فلسفة أخرى بأنك أنت زوجته وأحسن مايررح الحرام يروح لزوجته |
| الساعة الآن 03:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©