|
وش االحل مع اهل زوجي وتصرفاتهم
:(:1
هاذي اول مشاركه لي واتمنى تفيدوني بأارئكم انا متزوجه ومر ع زواجي 8 اشهر وحياتي من احسن مايكون بس فيه شويه خلل بحياتي الي هي عايله زوجي مدري من وين ابد وماتتخيلون انو بدت من اللليله الاولى من زواجي جلس عمي يدق يدق ع جوال زوجي وقفله وصحي الصباح وخاف انو يكون صار شي طلع يبي الفلوس الي جت لزوجي ليله الزواج وليته طلب مبلغ محدد لا قال عطنيها كلها انا تفاجئت لاني متعوده ان الاب يعطي ولده مو ياخذ منه وشهر العسل طبعا ماكان فيه لان اهله ماخلونا بحالنا يددقون وتعال وتعال انا سكت صراحه وكلها يومين جلست بمنطقه .........وبعده بااسبوع الا العياله كلها طالعه معانا >> متري وش يحسون فيه وقتها ومرت الايام وانا ساكته وعمي الا هو ابو زوجي للحين ياخذ راتب زوجي ويقول اي شي تحتاجونه تعال وانا مابقصر واذا حزت الحاجه وطلبناه يجلس يخاصم ويقول انت وزوجتك بس عطني وعطني وكلام يسم البدن ونا مليت ودي اشكي لااحد قريب مني بس مااقدر اخاف انجرح او اتهور بشي انا مليت لدرجه صرت اتمشكل مع زوجي عشان هالسبب وهو يقول ابوي وش اسوي وانا كاره ابوه لدرجه استغفر الله وانا بصراحه ناقصني وايد اغراض بس مااقول لان اخاف اجرح زوجي وانا ماابي كل الي ابيه ماعاد ياخذ الراتب وبس واخاف اجيب بيبي ومصاريف البيبي كثيره واذا بنتم ع هالحال ماراح اتحمل والله لا وا ذا بناته طلبوه فلوس يعطيهم وانا ودي احرقه بحريقه ولاعاد اشوفه والي قاهرني زياده انو زوجي مقصر ع عمره عشان يسعد الي حوله وانا اكره هالشي احس كأني ثقيله لدرجه اشوف خواته ينزلون يطلبونه اشياء انا ودي فيها ويجيبها لهم ويسألني وش تبين اقول ماابي شي صرت اكره اقول ابي شي او اطلب شي واذا سافرنا لمكان قريب امه تزعل وتعصب وتهاوش فينا لدرجه والله حتى زوجي يبكي ويقول ليش يسوون كذا وانا مو مقصر معهم كرهت السفر وكرهت كل شي عشان مايضيق خلق زوجي بس ماراح اتحمل اكثر من كذا وع فكره عشان محد يقول انتي بس همك الفلوس والسفر لاوالله عاتي عندي بس تقهرني تصرفاتهم احنا ا ذا طلبنا فلوس نطلب لشي مهم جدا وهو يعصب مع ان الفلوس موب له عشان يستهبل اوف اوف والله مقهوره عارفه انو مشكلتي متلخبطه بس كتبت كل الي بقلبي من قهري >> سامحوني بس ساعدوني اعطوني حل الله يسعدكم بدنياكم ويجعل الجنه مثواكم يارب العالمين |
إذا هذه مشكتك فمعك حق تزعلين وتتعبين
بس روقي شوي وخفي على زوجك أن أشوف زوجك ضحية أهله المشكله تحتاج صبر وذكاء طولي بالك واكتبي الأشياء الي تضايق في ورقه وحليها وحده وحده واذا تبين تكتبينها هينا أحنا نساعدك. بالنسبة للطلبات أطلبي كل اللي بخاطرك ليه تسكتين وتقولين ما ابي شي وخلي زوجك يساعدك بالحلول يعني انتي وهو سو تحلون المشكله ما تتركينها عليه وتلومينه |
اختي هل حماك ليس له دخل مادي؟؟؟؟؟
وهل زوجك ابنه البكري ؟؟؟ او الصبي الوحيد ؟؟؟ شكله حماك يطبق انت ومالك لابيك |
مشكور اخوي مجموعه انسان
بس انا ساكته لاني اعرف نفسي طلباتي موب سهله وبنفس الوقت كرهت اني اطلب شي اختي منتهيه الصلاحيه عمي عنده دخل مادي وقدره عشر الالف شهريا زوجي ابنه البكر علما اني احب زوجي وهو بعد يحبني و حياتي مع اهله حلوه ومافي مشاكل بس انو ياخذ الراتب وهاذا الي قاهرني واكثر من مره صارحته << اقصد عمي ...وقلت مو من حقه ياخذ الراتب وحاليا مخططه ابتعد عن اهله وادور سكن بعيد عنهم لاني مليت ومو قادره اخذ راحتي بالبيت مانجلس شوي الا والباب يدق <<< قهر والله |
اختي اعلم ان وضعك مو بهين لكن مادامت علاقتك باهله حلوة كما قلتي وكل تعبك فقط من الناحية المادية
حاولي الصبر اكثر اصبري لحين يصير لكما طفل هناك راح تتبدل الاحوال ان شاء الله اختي ما بيدك حيلة في ظروفك لما يكون الاب والام مسيطران على ابنهما لا ولن تستطيعي تحريك ساكنا فهما ينظران على ان ابنهما وما يملك ابنهما ملك لهما وانت الدخيلة احرصي اختي ان لا تتنازلي عن مطالبك طبعا من دون المبالغة لان الزوج لازم يشوف طلباتك مثلما يشوف طلبات اخواته فان تنازلت اكثر يحس هو انه مو ناقصك شيء حتى وان فهم انه تنازلا منك ايضا سيعتاد على تنازلاتك ويعتاد ويعتاد من المفروض يعطي حصة لوالديه وحصة يحتفظ بها لكما لانه مسؤول الان وبالاولاد ستكبر مسؤوليته و ستتعقد اكثر انا مررت بما تمرين به الان واكثر بكثير واحمدي الله ان علاقتهم بك طيبة الوالدان لن يتغيرا ابدا ورغم ذلك تضرعي الى الله ان يحنن قلوبهم عليكما و |
صراحه بجيحين مرره
شوفي أمسكي زوجك قولي ميب حاله وشف حل وخل لك شخصيه ووقفهم عند حدهم لأنهم راح يتمادون زود ويدمرونكم .. وبعدين أطلبي مصروف لك خاص وابوه وش يحس فيه ياخذ مصروفه.. ليش زوجك مغفل مابي أنرفزك زود بس أنا ارتفع ضغطي وبعدين حاولوا تسكنون بمكان لحالكم |
اختي منهيه الصلاحيه
اشكرك ع ردك الرئع وان شاء الله اكثر من الدعاء وادعي لي ان الله يرزقني بمولود عاجل غير اجل اخوي مدمن تونه اسعدني مرورك ولاكن زوجي مو مغفل بس هو ع نياته وابوه مستغل هالشي فيه لاكن ان شاء الله احل المشكله ب ابتعادي عنهم فتحت الموضوع واتفقنا نبتعد مشكورين ع مروركم والله يحقق مافي قلوبكم يالي رديتم ماتقصرون |
| الساعة الآن 07:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©